5 اسباب ليه لازم ماتفكريش تثبتي نفسك للناس او تدوري على رضاهم عليكي
دايما بنحاول نثبت للناس اد ايه احنا كويسين وشطار عشان نحاول نكسب احترامهم وحبهم، بس لازم تعرفى انك مش ممكن هتقدرى ترضى كل الناس ومينفعش يبقى ده هو بس هدفك .اعرفى معانا 5 اسباب ليه لازم ماتفكريش تثبتي نفسك للناس او تدوري على رضاهم عليكي
5 اسباب ليه لازم ماتفكريش تثبتي نفسك للناس او تدوري على رضاهم عليكي:
1- مش لازم كل الناس يبقوا معجبين بيكي:
الناس اللى عارفينك كويس وعارفين انتى اد ايه بتحاولى تشتغلى على نفسك وتبقى ناجحك ومقدرينك زى ما انتى بمميزاتك وعيوبك هما دول اللى يستاهلوا فعلا وده لانهم مش بيحكموا عليكى بسبب عاداتك او بسبب طريقة عيشتك.
2- محدش يعرف الافضل ليكى غيرك انتى:
الناس يا اما تتقبلك زى ما انتى طول ما انتى مبتعمليش حاجة غلط او لا ده يرجع لهم من غير ما يأثر على قراراتك واتشجعى انك تقدرى تاخدى القرارات المهمة فى حياتك وخلى أخطائك تعلمك الصح.
3- انتى الوحيدة اللى تقدرى تغيرى حياتك:
محدش عنده قدرة انه يغيرلك حياتك غيرك انتى وعشان كده مينفعش تعيشى حياتك و تأقلميها على حسب رغباتهمن عشان كده رضاهم او اعجابهم من عدمه مش هيغير منك حاجة، المهم انتي تبقي راضية عن نفسك.
4- طريق نجاحك هيبقى فيه عقبات كتير وأخطاء اتعلمى منها:
الحياة عمرها ما هتبقى من غير لحظات فشل وعشان كده لو انتى خايفة انك تعملى حاجة كويسة فى حياتك عشان بس خايفة ان الناس تشوفك فاشلة او يحاولوا يمسكوا عليكى غلطة فدى مش هتبقى عيشة كويسة ليكى .مينفعش تحطى فى دماغك انك عمرك ما هتفشلى لانه ممكن تفشلى وده مش هيقلل منك والأهم انك تتعلمى من أخطائك.
5- مستحيل ترضى كل الناس:
الناس اللى بتحاول تقلل منك ومن اى نجاح تحققيه او بيستنوا فشلك اعرفى انه هما الفشلة عشان كده سيبك منهم ومتحطهمش فى دماغك لانهم هيحاولوا يضللوا هدفك ويخبوه عشان فى الاخر يكسبواعشان كده متخليش حد يشتتك عن هدفك.
الحياة صعبة ومعقدة صح بس ده مش معناه اننا نيأس ونستغنى عن كل اللى عايزين نحققه فى حياتنا ونستبدله بحاجة احنا مش عايزينها عشان بس نبقى حققناه لان عمرك مينفعش يضيع منك فى اختيارات غلط لانه ساعتها هتلاقيه ضاع نصه فى العواقب والنص التانى فى ندمك على القرارات دى، اعرفي معانا كمان ليه بنلاقي بنات لسه سينجل ومش مرتبطين رغم انهم جميلات وأذكياء؟