اشربي الخليط ده كل يوم قبل النوم هيخلصك من كل السعرات اللي اكلتيها خلال اليوم
كتير مننا بيلاقي صعوبة انه يمشي على نظام غذائي لفترة طويلة لتخسيس الوزن ، احيانا بنكسل نكمل او بنزهق او مش بيكون عندنا الارداة الكافية نكمل ، ده غير انه معظم الانظمة الغذائية بيبقى فيها حرمان من انواع كتير من الاكلات اللي بنحبها ، عشان كده النهاردة هنسهل عليكم المهمة دي ، وهنقولكم على مشروب لتخسيس الوزن ، هيساعدك تتخلصي من كل الاكل اللي اكلتيه خلال اليوم.
مشروب لتخسيس الوزن:
اكيد كلنا بنحلم نقوم تاني يوم الصبح نلاقي جسمنا خفيف ومعدتنا حجمها اصغر من غير مجهود ، والنهاردة تقدري تحققي ده من خلال المشروب اللي معانا النهاردة ، المشروب ده مش بس بيقلل الشعور بالجوع لكن كمان بيسرع من عملية التمثيل الغذائي , وبيساعد الجسم على التخلص من الدهون الزيادة اثناء النوم.
اشربي المشروب ده يوميا بدل وجبة العشا يوميا ، لمدة كام اسبوع ، هتوصلي لنتايج مدهشة.
الحاجات اللي هتحتاجيها:
– 1 ½ كوباية مية دافية ( اغليها, وسيبيها تبرد شوية).
– 2 معلقة كبيرة عصير ليمون (حوالي ليمونة واحدة).
– 1 معلقة كبيرة من خل التفاح.
– 2 – 3 معالق كبيرة بقدونس مفروم.
– ½ معلقة كبيرة قرفة.
– 1 معلقة صغيرة جنزبيل او عسل.
طريقة التحضير:
بكل بساطة امزجي كل المكونات مع بعض واضربيهم مع بعض في الخلاط ، وكده يبقى العصير بتاعنا جاهز.
اشربي العصير ده كل يوم قبل النوم بدل وجبة العشا ، مع الانتظام هتلاحظي نتايج سريعة جدا.