5 عادات لتسهيل تنظيف البيت وتقليل الفوضى عشان بيتك يفضل مترتب وهادي
مع انشغالنا بشغلنا وأطفالنا والحياة عموما مش بيكون عندنا وقت كبير ننظف فيه البيت عشان نحس بالراحة والنظافة في المكان اللي قاعدين فيه، خصوصا انه تنظيف البيت على أكمل وجه بيحتاج تفرغ ووقت ومجهود ممكن وسط مشاغلك الكتيرة مايبقاش موجود عندك، في المقال ده هنحاول نحل الموضوع بخطوات بسيطة.. اعرفي معانا 5 عادات لتسهيل تنظيف البيت وتقليل الفوضى عشان بيتك يفضل مترتب وهادي..
5 عادات لتسهيل تنظيف البيت وتقليل الفوضى عشان بيتك يفضل مترتب وهادي
اعملي كل يوم حاجه بسيطة :
أهم حاجه لازم تكوني متاكده منها وعرفاها كويس انك ماينفعش تنظفي البيت كله مره واحدة! لأن أفضل طريقة عشان تمنعي الاوساخ من إنها تبقي كتير باتباعك للروتين التالي :
رتبي سريرك كل يوم.
بعد كل شاور نظفي الدوش أو رشيه.
امسحي الاسطح بقطعة قطنية او مناديل ورق بعد استخدامها.
خلي أسبوعيا يوم مخصص لغسيل الهدوم.
طبقي اللبس بعد تنشيفه علي طول .
تخلصي من الفوضي في اسرع وقت ممكن :
كثرة الفوضي في البيت بتخلي تنظيفه بيكون أصعب بس ممكن نجرب طرق جديدة، تخليكي تلحقي تسيطري على الفوضى أول بأول، زي انك تجيبي مثلا سلتين للأوضة اللي محتاجه تنظيفها الأول وابدئي بفرز الغسيل المحتاج تنظيف أو الشرابات في سلة ، وفي السلة التانية ممكن تحطي فيها الحاجات اللي مبقتيش محتاجها وهتترمي وهكذا في كل غرفة هتلاقي الطريقة دي أسهل وأسرع ليكي في تنظيف البيت .
استثمري في الصناديق أو السلات:
الفوضي مش هتكون موجوده لما تلاقي كل حاجه لها مكان، تقدري تستغلي صناديق التخزين أو السلات المنظمة بذات للحاجات اللي ممكن تتراكم ومش بتلاقي مكان لها، زي الورق والكتب والألعاب، ابحثي ودوري علي طرق جديده ومختلفة لعناصر صغيرة تساعدك في الترتيب واللي شكلها بيكون حلو وتستخدميها استخدام تاني كديكور مثلا.
نظفي كل يوم لمدة خمس دقائق :
بلاش الكسل يتملكك لما تلاقي حاجه محتاجه تترتب وتقولي ” خليها لبكره”، خصصي كل يوم في الليل خمس دقائق لمسح الأسطح وتنظيفها، كي او تطبيق غسيل، ترتيب المطبخ.
اكتبي قائمة بأعمالك المنزلية :
لو بتحسي بتعب وإرهاق ممكن تعملي قائمة بأعمالك المهمة وتعلقيها في مكان ظاهر قدامك زي باب الثلاجة، وفكري نفسك ديما أنه مش لازم تنفذي كل اللي في القايمة حتي لو تعملي منهم اتنين أو تلاتة كفاية، وتشاركي اللي معاكي بالبيت إنهم ينفذوا باقي المهمات، وافتكري دايما ان تنظيف وترتيب البيت مش حاجه سيئة أو صعبة او حتي متعبة، ممكن جدا تشغلي المزيكا اللي بتحبيها كنوع من الترفيه وهتلاقي نفسك خلصتي في وقت قصير وبدون ملل وهتحسي برضا عن النتيجة .
اعرفي معانا كمان ازاي تعملي ازالة السموم من البيت