ايه الوقت المطلوب فعلا لفقدان الوزن

بقلمريهام محمود فيتخسيس الوزن visibility721

لو انتي ماشية على نظام غذائي وتمارين ومنتظمة عليهم ، ايه الوقت المطلوب لفقدان الوزن فعلا؟ لان النتايج السريعة هي الحاجة الوحيدة اللي هتشجعك انك تكملي ، والنهاردة من خلال موضوعنا هنجاوبك على السؤال ده ايه هو الوقت المطلوب فعلا عشان تخسي؟

الوقت المطلوب لفقدان الوزن:

تخسيس الوزن مهمة مش سهلة ، ولكن اكيد لو انتي عندك وزن زيادة وعايزة تظبطي جسمك لازم تتعبي شوية عشان توصلي للنتايج اللي انتي عايزاها.

وحسب كلام خبراء التغذية المتخصصين ، ان الطريقة الوحيدة لفقدان الوزن هي حرق عدد اكبر من السعرات الحرارية اللي بتستهلكيها ، بالاضافة ان بعض الوظائف الاساسية في جسمك زي التنفس, الدورة الدموية, وغيرها من الوظائف ، بتستخدم حوالي من 50 – 70% من الطاقة اللي بينتجها جسمك.

والمعدل اللي الجسم بيستخدم فيه الطاقة دي للوظائف الاساسية معروف باسم معدل الاستقلاب الاساسي او معدل التمثيل الغذائي الاساسي ، وفي بعض العوامل القليلة التانية اللي ممكن تأثر على معدل كتلة الجسم ، واللي بتشمل جنسك, جيناتك, تكوين جسمك, وعمرك ، وده معناه ان الطاقة الاجمالية المستخدمة لوظائف الجسم ثابتة.

لكن الكمية المحددة من الطاقة اللي بيتم حرقها في الجسم دي ممكن انها تتغير بممارسة الرياضة ، اعتمادا على نوع التمرين اللي بتمارسيه ، وقوتة ومدته.

دلوقتي بعد ما عرفنا الجسم ازاي بيحرق هنيجي لاجابة السؤال الاساسي في المقال بتاعنا ، وهو ايه الوقت المطلوب عشان تفقدي وزن.

الوقت المطلوب لفقدان الوزن
الوقت المطلوب لفقدان الوزن

الوقت المطلوب عشان تخسي ده متغير من شخص للتاني وبيعتمد على عوامل معينة زي تكوين الجسم ، وده معناه ان مافيش حساب ثابت او مدة زمنية معينة للكل ، كل شخص بيكون مختلف عن التاني ، وكل جسم بيتفاعل بشكل مختلف مع التمارين.

يعني على سبيل المثال لو انتي شخص بتعاني من السمنة وعايزة تفقدي وزن كتير مقارنة بشخص تاني عايز يخس 5 كيلو بس ، يبقى هنا متوقع انك تخسري وزن اسرع من الشخص اللي عايز يخس 5 كيلو ، وفقدان الوزن عندك هيكون عبارة عن فقدان دهون وسوائل.

وده معناه انك لو بدأتي بممارسة الرياضة 3 مرات في الاسبوع مع نظام غذائي صحي ، ممكن تخسري كيلو في فترة زمنية من اسبوع ونص لاسبوعين ، ولكن مع ذلك هنقول تاني ده هيعتمد على مدة التمرين وكثافته ونوعه.

والمعدل اللي بتفقدي بيه الوزن بيعتمد لحد كبير على اللياقة البدنية للجسم من اول ما بدأتي تمارسي رياضة.

الوقت المطلوب لفقدان الوزن

هنقولك مثال توضيحي لو انتي شخص مش بتمارسي الرياضة بقالك كام سنة وتراكم عندك وزن زيادة حوالي 20 كيلو ، والوزن متركز في منطقة البطن ، في الحالة دي ابدأي في ممارسة الرياضة 4 مرات في الاسبوع مع قاعدة التغذية 80/20 واللي معناها انك تعتمدي على 80% اطعمة صحية و 20% عناصر او اكلات غير صحية ، لو مشيتي بالمعدل ده هتلاحظي فقدان وزن كبير في خلال اسبوعين من اليوم الاول اللي بدأتي فيه تمرين.

على الجانب التاني لو انتي شخص منتظم في ممارسة التمارين الرياضية ، فهنا ممارسة الرياضة 3 مرات كل اسبوع مع زيادتها ل 5 – 6 مرات في الاسبوع (بالاضافة لتحسين نظامك الغذائي) مش هتظهر معاكي نتيجة ملحوظة في مقدار فقدان الوزن زي قبل كده.

يعني بيكون صعب التنبؤ بدقة الوقت اللي انتي محتاجاه عشان تخسي ، لان الموضوع نسبي ، كمان لو انتي جديدة في ممارسة الرياضة وبدأتي تمارسي 3 – 4 مرات في الاسبوع بالاضافة لنظام غذائي صحي ن في الحالة دي ممكن تخسري من نص كيلو لحد كيلو في الاسبوع.

واللي لازم تحطيه في اعتبارك لو انتي عايزة فعلا تخسري وزن ، يبقى لازم تمشي على التمارين الرياضية 4 مرات في الاسبوع مع نظام غذائي 80/20 اللي احنا وضحناه فوق ، وبعدها هتبدأي تشوفي فعلا نتايج ملحوظة.

ومع ذلك لازم تفتكري ان في عوامل ممكن تأثر على معدل فقدان الوزن زي الاجهاد, اسلوب حياتك, المشكلات الصحية الاساسية, عمرك, ونظامك الغذائي ، عشان كده بننصحك انك تحاولي تعملي روتين منتظم لممارسة الرياضة ونظام غذائي صحي ، بالاضافة الى الحفاظ على توقعات واقعية وحقيقة عشان توصلي في النهاية للنتيجة اللي انتي عايزاها.

نظام غذائي آمن لمدة 5 ايام لتخسيس الوزن 7 كيلو

نظام غذائي لتخسيس الوزن