5 خطوات تحافظي بيهم على رشاقتك أثناء الحجر الصحي

وقت الحجر الصحى  هو انسب وقت تلعبي فيه رياضة او على الاقل تحاولى تحافظي على صحتك ورشاقتك، لأن لعب الرياضة والنظام الصحي السليم هيقلل فرصتك انك تتعبي، ولو لا قدر الله تعبتي هيخليكي تتحسني بشكل أفضل وأسرع.. دى شوية نصائح ازاى تقدرى تستفيدى بوقت الحجر الصحى بشكل سليم، خلينا نعرف مع بعض 4 خطوات تحافظي بيهم على رشاقتك أثناء الحجر الصحي.. 

5 خطوات تحافظي بيهم على رشاقتك أثناء الحجر الصحي

1- حددى جدول لليوم:

مثلا ثبتى اوقات النوم والصحيان كل يوم وثبتى مواعيد الاكل وحددى ساعات للشغل او المذاكرة، حدد اولوياتك وظبطى جدولك وكمان ممكن تظبطى منبه او تستخدمى اى حاجة تنبهك للوقت.

2- اختارى المكان اللى هتمارسى فيه الرياضة:

شيلى اى كراسي او ترابيزات من المكان وحضرى الحاجات اللى هتحتاجيها زى الفوطة  أو الأوزان مثلا، يفضل تبقى اوضه واسعة ومنورة وجيدة التهوية بعيد عن اي دوشة. 

3-اختارى التمرينات اللى مش محتاجة  اجهزة :

اختاري تمرينات مش محتاجة اجهزة عشان تتشجعي تعمليها، زى body weight workout لانه بيعتمد على وزن الجسم لتمرين العضلات وتقليل الدهون زى تمارين الضغط والsquats، أو اليوجا لأنها عبارة عن روتين سهل ممكن يتعمل فى البيت، أنواع اليوجا كتير بس كلهم مشتركين فى التنتفس وشد الجسم والحركات اللى بتساعد على بناء العضلات باستخدام وزن الجسم بس، وممكن كمان تستخدمي فيديوهات وتطبيقات الـ workout.

4- العبي video games:

لو عندك x box مثلا او اي فيديو جيم ممكن تساعدك تتفاعلي معاهم وتتحركي، ده هيساعدك تتمرني بشكل كبير من غير ما تزهقي او تحسي بملل، يعني تمرينات ولعب. 

5- حاولي تتعرضي للشمس:

اخر حاجة من خطوات تحافظي بيهم على رشاقتك هي انك تحاولي تخرجي بقدر الامكان على فترات متباعدة مع اخد احتياطاتك والبعد مسافة كويسة عن الناس ممكن تتمشى او تجرى لانه بيساعد فى تحسين المزاج والتعرض لفيتامين D اللى بيساعد على تقوية المناعة، وبالتالي هيحسن من صحتك بشكل عام. 

اعرفي معانا كمان ازاي تتحكمي في النظام الغذائي الخاص بيكي اثناء فترة الحجر الصحي من غير ما تحسي بالذنب