ليه بنلاقي بنات لسه سينجل ومش مرتبطين رغم انهم جميلات وأذكياء؟

بقلمآية حسان فيعلاقات visibility849

ممكن يكون عندك صديقة جميلة جدا ولسه مش متجوزة وتساليها علي السبب وتلاقيها بتهزر أو بتقول اجابة مش مُقنعة ومفيش أسباب حقيقية، لكن فعلا دي حقيقة وممكن تكون المشكلة أعمق من كده بكتير.. خلينا نعرف سوا ليه بنلاقي بنات لسه سينجل ومش مرتبطين رغم انهم جميلات وأذكياء؟ 

ليه بنلاقي بنات لسه سينجل ومش مرتبطين رغم انهم جميلات وأذكياء؟

استقلال المرأة :

استقلال الست دلوقتي بقى واحده من اهم الحاجات اللي ممكن تقف عائق في طريق ارتباطها، لأن الست المستقلة قوية ومش محتاجة حاجة من حد، ولو قررت ترتبط هيبقى ارتباطها هو الهدف الوحيد من العلاقة دي، لانها مش بتدور على فلوس ولا بيت، لكن على شريك حقيقي، وعشان كده استقلال الست بيكون اول حاجة بتخوف الرجالة وتخليهم يبقوا قلقانين.

استقلال المرأة

احترام حريتها بشكل أكبر:

الست دلوقتي بتحترم حريتها وحقها في الحرية دي، بقت عارفه انها تقدر تعيش لوحدها وتعتمد على نفسها وتشتغل وتسافر، ومش اي حد بيقدر ويحترم احترامها لحريتها.

بنات لسه سينجل
احترام حريتها بشكل أكبر

استقرارهم العاطفي:

الستات عموما بقت اكتر استقلالية عاطفيا أكتر، وفكرة الراجل او الزوج او الشريك مابقتش هي محور حياتها، وكمان مستواها التعليمي اختلف، وده بيديها فرص أكتر وبيخليها على قدرالمساواة، في حاجات كتير زي الشغل والدراسة والسفر، وبالتالي بيخلق عندها نوع من الاستقرار العاطفي اللي بتقدر تلاقيه في حاجات تانية، حتى لو مش في ارتباط. 

استقرارهم العاطفي

معايير عالية:

لما تبدأي تكسبي فلوس خاصة بيكي وتهتمي بنفسك وبصحتك وبشكلك، وتطوري نفسك في مجالات مختلفة، فالبتالي انتي  ممكن تتوقعي راجل مش هينقلك لمستوي أقل من اللي انتي فيه ومش هتقبلي براجل هيقلل من جهودك ولا تقدري تتحملي ضغوطات في حياتك من غير مبرر قوي، الكلام ده معناه انه معايير الستات في اختيار الرجالة بقت افضل واعلى وبالتالي مابقاش اي حد يعجبهم. 

بنات لسه سينجل
معايير عالية

الرجالة بيخافوا يقابلوا ستات أذكى منهم :

الرجالة لما بيشوفوا ست جميلة وذكية ومستقله ممكن يتراجعوا انهم ياخد الخطوة الأولي لأنهم بيفتكروا إنها مستحيل تكون سينجل، أو لأنهم بيخاوفوا يتعاملوا او يدخلوا علاقة مع ست أذكى منهم او ناجحة عنهم، عشان كده بنلاقي ستات كتير ناجحين في شغلهم او دراستهم ولسه سينجل.

الرجالة بيخافوا يقابلوا ستات أذكى منهم

مبقاش فيه ستات بيؤمنوا بالقصص الخيالية زي الأول :

مستوي ثقة المرأة في الراجل عموما بتكون قليلة وده بسبب المعايير الحديثة الموجودة والستات عموما بقوا أكثر استقلالية وثقة في نفسهم، عشان  كده كتير من الستات مابقاش يفرقلهم الكلام الحلو ولا بينخدعوا بالوسامة، لكن بيدوروا على شحصية الراجل وجوهره الحقيقي. 

مبقاش فيه ستات بيؤمنوا بالقصص الخيالية زي الأول
مبقاش فيه ستات بيؤمنوا بالقصص الخيالية زي الأول

اعرفي معانا كمان ازاي تتفادي انك تتجوزي الشخص الغلط