حاجات بسيطة تعمليها قبل النوم ب 15 دقيقة هتغير بشرتك

ريهام محمود
ريهام محمود
في
بشرة
18687

استخدام المكونات الطبيعية ميزتها انها مافيهاش اي مواد كيميائية او مضرة بالبشرة زي المنتجات التجميلية اللي موجودة في السوق ، بالاضافة انها بتديكي نتايج فعالة بشكل طبيعي ومش مكلفة ، والنهاردة من خلال موضوعنا هنقولك روتين عناية بالبشرة بمكونات طبيعية بسيطة تعمليه قبل النوم هيفرق مع بشرتك كتير.

روتين عناية بالبشرة بمكونات طبيعية:

1- جل الالوفيرا والعسل:

المكونات:

1 معلقة كبيرة عسل.

1 معلقة كبيرة من جل الالوفيرا.

الطريقة:

1- في بولة, اخلطي العسل مع جل الالوفيرا واتأكدي انهم اندمجوا مع بعض كويس.

2- اغسلي وشك كويس, حطي الخليط على البشرة بعيد عن منطقة العين والفم.

3- سيبيه على البشرة من 15 – 30 دقيقة, وبعدها اغسليه بالمية.

4- كرري الوصفة دي مرة كل يوم لافضل النتايج.

روتين عناية بالبشرة بمكونات طبيعية 1
روتين عناية بالبشرة بمكونات طبيعية 1

2- دقيق الحمص ومية الورد:

المكونات:

2 معلقة كبيرة دقيق حمص.

3 معالق صغيرة مية ورد.

الطريقة:

1- في بولة, اخلطي دقيق الحمص مع مية الورد كويس لحد ما يتكون عندك خليط ناعم.

2- اغسلي بشرتك بمية باردة.

3- افردي الخليط على البشرة وسيبيه لمدة 20 دقيقة.

4- اغسلي بشرتك بمية فاترة.

5- كرري الوصفة دي 3 مرات في الاسبوع, والافضل تكون بالليل قبل النوم لافضل النتايج.

روتين عناية بالبشرة بمكونات طبيعية 2
روتين عناية بالبشرة بمكونات طبيعية 2

3- قشر البرتقان والزبادي:

المكونات:

1 معلقة كبيرة قشر برتقان مجفف بودر.

1 معلقة كبيرة زبادي.

الطريقة:

1- اخلطي قشر البرتقان مع الزبادي كويس, لحد ما تتكون عندك عجينة ناعمة.

2- اغسلي بشرتك, افردي الخليط على البشرة وسيبيه لمدة 20 دقيقة على الاكتر.

3- اغسلي بشرتك بالمية.

4- كرري الوصفة مرتين في الاسبوع, ويفضل قبل النوم.

روتين عناية بالبشرة بمكونات طبيعية 3

4- عصير الليمون وزيت اللوز الحلو:

المكونات:

2 معلقة صغيرة من عصير الليمون.

2 معلقة كبيرة من زيت اللوز الحلو.

الطريقة:

1- في بولة اخلطي عصير الليمون مع زيت اللوز الحلو.

2- اغسلي بشرتك, وادهنيها بالخليط.

3- سيبي الخليط على البشرة طول الليل واغسليه تاني يوم الصبح.

4- كرري الوصفة كل يوم لافضل النتايج.

روتين عناية بالبشرة بمكونات طبيعية 4

5- الطماطم واللبن:

المكونات:

2 معلقة كبيرة لبن.

1 ثمرة طماطم حجمها متوسط.

الطريقة:

1- قطعي الطماطم قطع كبيرة واضربيها في البلندر, وبعدين ضيفي لها اللبن.

2- اضربيهم مع بعض كويس لحد ما يتكون عندك خليط ناعم, وممكن تضيفي شوية لبن تاني لو لقيتي الخليط سميك اوي.

3- اغسلي بشرتك, وبقطعة قطن ادهني بشرتك من الخليط, وسيبي الخليط ينشف وبعدين حطي طبقة تانية.

4- بعد ما الطبقة التانية تنشف حطي طبقة تالتة وسيبيها على البشرة طول الليل.

5- اغسلي بشرتك تاني يوم الصبح بنية باردة.

6- كرري الوصفة مرتين في الاسبوع لافضل النتايج.

روتين عناية بالبشرة بمكونات طبيعية 5

وزي ما بنقول دايما قبل اي وصفة اعملوا اختبار حساسية, حطي الوصفة على جزء صغير من البشرة الاول عشان تتأكدي ان بشرتك مش حساسة لاي مكون من المكونات المستخدمة.

مقالات متعلقه

3 نقط من السيروم ده هتخليكي ماتحتاجيش للمكياج

3 نقط من السيروم ده هتخليكي ماتحتاجيش للمكياج

مكون واحد بس لمنع علامات الشيخوخة

مكون واحد بس لمنع علامات الشيخوخة

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر