نظام غذائي آمن لمدة 5 ايام لتخسيس الوزن 7 كيلو
النظام الغذائي اليومي بيلعب دور مهم جدا على صحتنا بشكل عام ، وممكن انه يحدد هل هنبقى معرضين للمشاكل والمخاطر الصحية ولا لا على حسب اللي بناكله ، واكيد معظمنا عارف ان النظام الغذائي الصحي مش بس بيحافظ على الصحة العامة ، ولكن كمان بيساعد على تقليل الدهون الزيادة في الجسم ، وواحد من الانظمة الغذائية الناجحة هو النظام اللي معانا النهاردة ، صممه دكتور قلب اوروبي ، تعالوا نشوف مع بعض من خلال السطور الجاية بالتفصيل خطة نظام غذائي لتخسيس الوزن 7 كيلو في 5 ايام.
نظام غذائي لتخسيس الوزن 7 كيلو:
البيض هو المصدر الاساسي للبروتين في النظام البسيط ده ، وجبة الفطار هي نفسها كل يوم, عبارة عن ثمرة واحدة من الفاكهة المفضلة عندك ( اي فاكهة ماعدا الموز والعنب), وممكن تدخلي التوت والتوت الاسود في النظام.
– اليوم 1:
– الفطار: ثمرة فاكهة واحدة.
– الغدا: 2 قطعة توست محمص, ½ ثمرة خيار, 2 ثمرة طماطم, 2 بيضة مسلوقة.
– العشا: 1 كوب زبادي, 1 بيضة مسلوقة, 1 ثمرة برتقان.
– اليوم 2:
– الفطار: ثمرة فاكهة واحدة.
– الغدا: 125 جرام لحمة حمرا, 1 قطعة توست, 1 ثمرة برتقان, 1 كوب قهوة او شاي (من غير سكر).
– العشا: 1 كوب زبادي, 1 بيضة مسلوقة, 1 ثمرة برتقان.
– اليوم 3:
– الفطار: ثمرة فاكهة واحدة.
– الغدا: 125 جرام لحمة حمرا, 1 قطعة توست, 1 ثمرة برتقان, 1 كوب قهوة او شاي.
– العشا: 1 ثمرة برتقان, 1 ثمرة خيار, 1 بيضة مسلوقة.
– اليوم 4:
– الفطار: ثمرة فاكهة واحدة.
– الغدا: كرري نفس وجبة الغدا في ال 3 ايام اللي فاتوا.
– العشا: 1 قطعة توست, 125 جرام جبنة قريش, 1 ثمرة برتقان.
– اليوم 5:
– الفطار: ثمرة فاكهة واحدة.
– الغدا: 200 جرام لحمة او سمك, 1 قطعة توست, 1 ثمرة طماطم.
– العشا: 226 جرام بسلة مسلوقة, مع البطاطس والجزر.
نظام بسيط وسهل ومش مكلف لو مشيتي عليه هيديكي نتايج مذهلة وفعالة جدا ، وبننصحك انك تتجنبي الملح الزيادة في الاكل ولو قدرتي تستغني عنه خلال فترة النظام هيكون افضل.
