هل المكياج بيقلل من فاعلية الماسك؟

بقلمريهام محمود فيمكياج visibility243

اتكلمنا في موضوع قبل كده ، ازاي تحطي المكياج مع الماسك لو جيه عليكي وقت محتاجة انك تحطي مكياج ، في مناسبة او خروجة ، خصوصا ان حاليا فترة الحظر انتهت ومجبرين اننا نتعايش مع الماسك لفترة من الوقت لحد ما الفيروس ينتهي ، لكن السؤال اللي اكيد في كتير فكروا فيه هل المكياج بيقلل من فاعلية الماسك؟ هو ده اللي هنعرفه النهاردة من خلال السطور الجاية.

هل المكياج بيقلل من فاعلية الماسك ؟

المكياج بما فيهم كريم الاساس والروج ، مش بيقلل من فاعلية الماسك حسب كلام الدكاترة والمتخصصين ، ولكن بتبقى في مشكلة تانية ان مزيج كريم الاساس, الروج, العرق, النفس السخن تحت الماسك, والاحتكاك ، كل الحاجات دي ممكن تسبب تهيج للبشرة ، ولو انتي بتحطي مكياج تحت الماسك باستمرار ، المكياج ممكن يسبب انسداد مسام البشرة ، ده غير ان المكياج هيتنقل للماسك وهتضطري انك تتخلصي منه اسرع.

هل المكياج بيقلل من فاعلية الماسك
هل المكياج بيقلل من فاعلية الماسك

ايه اللي المفروض تعمليه؟

لو انتي مضطرة تحطي مكياج لاي سبب في اكتر من النص العلوي للوش ، يبقى افضل حاجة انك تستخدمي كريم اساس ضد المية وغير لامع ومن الانواع الثابتة ، ده هيساعد انك تحطي المكياج تحت الماسك ، وممكن تستخدمي سبراي مثبت للمكياج ، ولكن لو مع كل الاحتياطات لسه بتعاني من تهيج في البشرة ، هنا المفتاح هو الحفاظ على نضافة الماسك والبشرة.

وافتكري دايما انك متلمسيش وشك طول ما انتي بره البيت ، ومتلمسيش الماسك او تقعدي تعدلي فيه كل شوية طول ما انتي لابساه ، فلو المكياج هيخليكي انك تضطري كل شوية تلمسي الماسك او تعدليه لانه لامس الروج بتاعك ، يبقى لازم تغيري روتينك عشان تلبسي الماسك بأمان.

هل المكياج بيقلل من فاعلية الماسك

تعملي ايه في انسداد المسام؟

اكيد افضل حاجة انك تغسلي المكياج وتحطيه تاني في كل مرة تلبسي فيها الماسك ، واول ما توصلي البيت ، اغسلي ايديك الاول كويس وبعدين اغسلي وشك ورطبيه ، ومرة واحدة في الاسبوع استخدمي قناع للبشرة لتقليل المسام, وتغذية البشرة ، ومن الحاجات الطبيعية المفيدة جدا هو عصير الطماطم ادهنيه على البشرة يعتبر قابض طبيعي للمسام ، واستخدمي بعده زيت الزيتون كمرطب طبيعي ، وانتي بره البيت ، ممكن تستبدلي كريم الاساس بالمرطب الملون مع عامل حماية من الشمس ، اللي هيديكي تغطية المكياج وفي نفس الوقت حماية من الاشعة فوق البنفسجية للجزء اللي باين من الوش.

هل المكياج بيقلل من فاعلية الماسك

هل المفروض تستغني عن الروج؟

مش لازم تستغني عن كل الروج ، ولكن اختاري روج بألوان نيود ، ويكون ثابت ومات ، ولو انتي مش بتقدري تستغني عن الروج ، استخدمي ماسك يكون قابل للغسل ، وافتكري دايما انك لازم تغسلي الماسك بعد كل مرة تلبسيه.

ركزي على مكياج العيون:

ده اكتر وقت مناسب ممكن تركزي فيه على مكياج العيون اكتر من اي اي وقت تاني ، لانها هي اللي هتبقى باينة وانتي لابسة الماسك ، اهتمي برسمة الحواجب لانها بتحدد الوش, ممكن تستخدمي رموش عشان تظهري العين اكتر, استخدمي ايشادو بألوان طبيعية  او نيود, استخدمي ايلاينر سائل على خط الرموش اللي تحت وعلى الخط العلوي لو عايزة تعملي رسمة ايلاينر كات ايز كاملة, وانهي رسمة العين مع ماسكارا مضادة للمية ، العين دلوقتي هي اول حاجة بيشوفها الناس ، عشان كده هيكون افضل حاجة للوقت ده هو التركيز على مكياج العيون.

ازاي تستخدمي المكياج مع الماسك اثناء فيروس كورونا