10 غلطات محتاجة توقفي تعمليهم اثناء التمرين

ريهام محمود
ريهام محمود
1999

عشان توصلي للجسم اللي انتي بتحلمي بيه ده ممكن ياخد معاكي وقت اطول لو بتمارسي التمارين بطريقة مش صح ، وممكن تحصل غلطات في حاجات بسيطة جدا ممكن متاخديش بالك منها زي طريقة وضع القدمين, تني الركبتين, تقويس الضهر ، ونتيجة لده ، ممكن الوضع الغلط يأدي لاصابات بعد كده ، عشان كده مهم جدا تتأكدي انك مش بتقعي في اي اخطاء اثناء التمرين ، والنهاردة من خلال موضوعنا هنقولك 10 غلطات بتقعي فيها اثناء التمرين عشان تتجنبيها ، وتوصلي لافضل النتايج من التمارين.

غلطات بتقعي فيها اثناء التمرين:

1- تمرين Lat pull-downs:

من اكتر الغلطات اللي بتحصل في التمرين ده هي سحب البار اسفل الصدر والكوع يبقى وضعه خلف الضهر ، او البار يبقى ورا الرقبة ، او الذراعين تبقى عريضة جدا.

ازاي تعملي التمرين صح:

– قوسي ضهرك ، بحيث الصدر متجه ناحية البار.

– حافظي على محاذاة رقبتك مع العمود الفقري.

– خلي ايديكي على البار اوسع بحاجة بسيطة عن الكتفين.

– اتأكدي ان اتجاه الكوعين يكون لتحت.

غلطات بتقعي فيها اثناء التمرين 1
غلطات بتقعي فيها اثناء التمرين 1

2- تمرين Lunges:

اكتر الغلطات في التمرين ده ان الركبة الامامية متكونش واخدة شكل مستقيم ، ومايلة لقدام ، والساق اللي ورا تبقى مستقيمة بدل ما تتنيها ، وكعب الرجل اللي قدام مرفوع من على الارض ، دي تقريبا اكتر الاخطاء اللي بيقع فيها كتير من الناس في التمرين ده.

ازاي تعملي التمرين صح:

– لما تطلعي رجلك لقدام ، اتأكدي انها واخدة زاوية 90 درجة.

– الركبة الامامية المفروض متتعداش صوابع رجلك.

– الركبة الخلفية لازم تكون موازية للارض.

– لازم العمود الفقري يكون مستقيم.

غلطات بتقعي فيها اثناء التمرين 2
غلطات بتقعي فيها اثناء التمرين 2

3- تمرين Single-leg bridge:

كتير من الاشخاص مش بيعرفوا ياخدوا الوضع الصح اثناء التمرين ده ، عادة بيقعوا في غلط انهم مش بيحافظوا على الرجل في زاوية 90 درجة ، ومش بيبرفعوا رجلهم بما فيه الكفاية.

ازاي تعملي التمرين صح:

– نامي على ضهرك على الارض وخلي الركبتين بعيد عن بعض.

– اضغطي على عضلات الارداف وارفعي رجل واحدة لفوق ناحية السقف ، وخليها مستقيمة.

– ارفعي الوركين عن الارض ، وادعمي نفسك برجلك التانية اللي المفروض تكون متنية بزاوية 90 درجة.

غلطات بتقعي فيها اثناء التمرين 3
غلطات بتقعي فيها اثناء التمرين 3

4- تمرين Cable crunch:

لو خليتي الجذع مستقيم اثناء التمرين ، وحركتي الوركين لورا وقدام ، او رفعتي المؤخرة ، فانتي كده بتعملي التمرين ده بشكل غلط تماما.

ازاي تعلمي التمرين صح:

– خلي الوركين جنب بعض.

– انحني لقدام من عند الجذع.

– انكمشي بجسمك عند البطن ،العمود الفقري لازم يكون واخد شكل مستدير ، وخلي راسك لتحت ، وامسكي اطراف الحبل جنب الاذنين.

غلطات بتقعي فيها اثناء التمرين 4
غلطات بتقعي فيها اثناء التمرين 4

5- تمرين Rope pushdowns:

اكتر الغلطات اللي بتتكرر في التمرين ده ، هي ان الكوعين يبقوا لبره, تني الضهر للامام, تقويس او تني الضهر, ومش بتشدي او بتضغطي عى عضلات الذراعين.

ازاي تعملي التمرين صح:

– انحني لقدام شوية وتني الركبتين حاجة بسيطة ، خلي القدمين اوسع من الوركين بشوية.

– خلي الكوعين قريبين من جسمك.

– متتنيش العمود الفقري حافظي عليه مستقيم ، واتأكدي انك بتشدي عضلات الذراعين اثناء دفع الحبل لتحت.

غلطات بتقعي فيها اثناء التمرين 5
غلطات بتقعي فيها اثناء التمرين 5

6- تمرين Squats:

تمرين السكوات بطريقة غلط ممكن يأدي لالم في اسفل الضهر وتوزيع غير صحيح للوزن على الساقين والقدمين ، كمان كتير من الناس بيعملوا التمرين ده مع دفع الركبتين لجوه ، وده ممكن يأدي لاصابات في الركبة.

ازاي تعملي التمرين صح:

– حافظي على الجذع والضهر مستقيم ، واتأكدي ان وزنك متركز على الكعبين.

– الركبتين يكون وضعهم فوق صوابع القدمين.

– وانتي نازلة لتحت بجسمك ، خلي الوركين ينزلوا تحت ارتفاع الركبتين.

غلطات بتقعي فيها اثناء التمرين 6

7- تمرين Push-ups:

اخطاء كتير ممكن نقع فيها اثناء تمرين الضغط ، زي الضهر المقوس, بطن غير مشدودة, الايدين مش بيكونوا متوازين مع الكتفين, كمان اشخاص كتير بيعملوا التمرين ده بشكل سريع ، وده بيقلل من فاعليته.

ازاي تعملي التمرين صح:

– خدي وضع الضغط على الارض, خلي الايدين على مستوى الصدر, مع تني الذراعين بزاوية 45 درجة.

– ادفعي نفسك بايديكي, وارفعي جسمك بالكامل.

– حافظي على عمودك الفقري مستقيم, مع محاذاة الساقين مع باقي الجسم, والبطن والحوض.

غلطات بتقعي فيها اثناء التمرين 7

8- تمرين Plank:

عمل التمرين ده بشكل غير صحيح مش هيديكي نتايج فعالة ، اول حاجة المفروض الضهر ميبقاش مقوس ، لان ده بيضغط على العمود الفقري والذراعين بدل عضلات البطن ، تاني غلطة في اشخاص بينزلوا الوركين لتحت ، وده بيخلي العضلات الاساسية اقل نشاط او مش بيشتغل عليها صح.

ازاي تعملي التمرين صح:

– حافظي على ضهرك مسطح ومستقيم وفي خط واحد مع الساقين.

– بصي لتحت عشان رقبتك وراسك يبقوا متوافقين مع العمود الفقري.

– ادعمي نفسك على الكوعين, مع شد عضلات الوركين, والمؤخرة, والاهم عضلات البطن.

غلطات بتقعي فيها اثناء التمرين 8

9- تمرين Bent-over row:

اشخاص كتير بيخلوا رجلهم مستقيمة تماما اثناء التمرين ده, وده بيخلي من الصعب الحفاظ على وضع الجسم وتوازنه ، كمان تقويس الضهر ممكن يأدي لالم شديد في الضهر.

ازاي تعملي التمرين صح:

– حافظي على تني الركبتين شوية عند زاوية 15 – 20 درجة.

– حافظي على عمودك الفقري مستقيم واسفل الضهر في وضع طبيعي من غير تقوس او اي انحناء.

– اسحبي الدمبل لفوق ناحية الصدر.

غلطات بتقعي فيها اثناء التمرين 9

10- تمرين Donkey kicks:

من اكتر الاخطاء اللي بنقع فيها في التمرين ده ، تقوس الضهر وانتي بتحاولي ترفعي رجلك لفوق, كمان المفروض انك مترفعيش رقبتك لفوق او تعملي الحركات بشكل سريع.

ازاي تعملي التمرين صح:

– حافظي على ضهرك وركبتك في وضع طبيعي ، وعضلات البطن مشدودة.

– تني الركبة عن زاوية 90 درجة, ارفعي رجلك لفوق والقدم تبقى متجهة ناحية السقف.

– خلي المؤخرة في محاذاة العمود الفقري.

– اضغطي على عضلات المؤخرة اثناء رفع الرجل لفوق.

غلطات بتقعي فيها اثناء التمرين 10

مقالات متعلقه

5 حيل هتساعدك على التخلص من دهون البطن العنيدة بسرعة

5 حيل هتساعدك على التخلص من دهون البطن العنيدة بسرعة

5 تمارين قصيرة وسريعة مثالية لجدولك المزدحم (مش هتحتاجي تروحي الجيم)

5 تمارين قصيرة وسريعة مثالية لجدولك المزدحم (مش هتحتاجي تروحي الجيم)

12 حاجة ماتعمليهاش ابدا لو عايزة تخسري وزن

12 حاجة ماتعمليهاش ابدا لو عايزة تخسري وزن