نصايح جمالية لازم تحطيها في اعتبارك اثناء فترة فيروس كورونا

ريهام محمود
ريهام محمود
في
بشرة
635

مع تفشي فيروس كورونا في كل انحاء العالم ، فافضل حاجة ممكن تعمليها انك تعزلي نفسك بعيد عن التجمعات ، وبالتالي ده خلى اشخاص كتير يغيروا من نمط حياتهم عشان يقدروا يحموا نفسهم من الفيروس ، زي غسل الايدين باستمرار, استخدام مطهر الايد, والعزل, ولكن بالاضافة للحاجات دي ، اجراءات العناية بالجمال مهمة بنفس المقدار عشان نقدر نحمي نفسنا من الاصابة بالفيروس ، والنهاردة هنقولك نصايح جمالية للحماية من فيروس كورونا.

نصايح جمالية للحماية من فيروس كورونا:

1- خلي معقم الايدين في شنطتك باستمرار:

لو كان في بعض الاشخاص مطهر الايدين بيبقى موجود معاهم من قبل انتشار فيروس كورونا ، دلوقتي دي بقت عادة اجبارية على كل الناس لازم يعملوها ، مهم جدا يبقى معاكي مطهر في شنطتك ، لانه من اهم فوايد مطهر الايدين هو استخدامه في حالة عدم توفر المية والصابون ، المطهرات اللي بتحتوي على نسبة عالية من الكحول (اكتر من 70%) بتساعد في قتل الجراثيم والبكتيريا.

نصايح جمالية للحماية من فيروس كورونا 1
نصايح جمالية للحماية من فيروس كورونا 1

2- نضفي فرش المكياج بتاعتك:

المفروض ان العادة دي اي بنت لازم تعملها طول الوقت بغض النظر عن وجود فيروس او لا ، فرش المكياج اللي مش نضيفة هي مكان خصب لتكاثر الجراثيم والبكتيريا ، لازم تغسلي فرش المكياج كل اسبوع لتجنب الاصابة بالعدوى.

نصايح جمالية للحماية من فيروس كورونا 2
نصايح جمالية للحماية من فيروس كورونا 2

3- متغمسيش صوابعك في الكريمات:

اكيد كلنا لما بنيجي ناخد كريم بنغمس صوباعنا جوه العلبة وده امر طبيعي ، ولكن مع الوضع اللي احنا بنعيشه دلوقتي ، الافضل استخدام اي اداة تانية غير صوابعك ، لان استخدام الصوابع ممكن يلوث الكريم ويخليه ارض خصبة لتكاثر الجراثيم ، ولو عايزة طريقة عشان تطلعي بيها الكريم ممكن تستخدمي معلقة.

نصايح جمالية للحماية من فيروس كورونا 3

4- متشاركيش مكياجك:

دي نقطة تانية المفروض نعملها طول الوقت مش بس وقت الفيروس ، اتجنبي مشاركة مكياجك بشكل عام مع اي شخص من اصحابك او اي حد نهائي لانه ده ممكن يأدي لالتهابات على البشرة ، المشاركة دي قاعدة المفروض انها متطبقش على المكياج ابدا.

نصايح جمالية للحماية من فيروس كورونا 6
نصايح جمالية للحماية من فيروس كورونا 6

5- اتجنبي اختبار المكياج:

لو رايحة تشتري مكياج جديد سواء قلم روج او اي مستحضر تاني ، متجربيهوش من عينات التجربة اللي بتبقى موجودة في المحل ، لان ده مش وقته خالص انك تعملي كده ، تخيلي ان مشاركتك مكياجك مع اصحابك ممكن تبقى غير صحية ، فأكيد عينات التجربة هتكون اكتر خطورة ، لان جربها قبلك اشخاص كتير جدا ، فاكيد ده مش الوقت المناسب ابدا لاختبار المكياج في المحل.

نصايح جمالية للحماية من فيروس كورونا 4

6- نضفي ضوافرك:

عملية تنضيف تحت الضوافر ممكن يكون في اشخاص كتير بيهملوها ، وزي ما غسل الايدين بانتظام بيمنع من الاصابة بالعدوى ، لازم تحطي في اعتبارك ان الجراثيم بتتجمع تحت الضوافر كمان ، عشان كده لازم تتأكدي من فرك تحت الضوافر بالكامل ، او تقصي ضوافرك وتخليها قصيرة عشان تقدري تتحكمي في الموضوع اكتر.

نصايح جمالية للحماية من فيروس كورونا 5

مقالات متعلقه

تحدي اليوم الواحد لتوهج بشرتك قبل الفرح

تحدي اليوم الواحد لتوهج بشرتك قبل الفرح

مكون واحد بس لمنع علامات الشيخوخة

مكون واحد بس لمنع علامات الشيخوخة

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر