9 حاجات من السوبر ماركت خلي بالك منها وانتي بتشتريها عشان تلاقي أحسن جودة
لما بنروح السوبر الماركت بنكون عاوزين نشتري أحسن حاجه في كل منتج محتاجينه، لكن كتير من أصحاب المنتجات بيكونوا عوزين يبيعوا منتجاتهم حتي لو صلاحياتها انتهت أو علي وشك الانتهاء . هنتعرف إزاي نبعد عن المنتجات اللي ممكن تضرنا وازاي نعرف صلاحيتها، اعرفي معانا 9 حاجات من السوبر ماركت خلي بالك منها وانتي بتشتريها عشان تلاقي أحسن جودة.
9 حاجات من السوبر ماركت خلي بالك منها وانتي بتشتريها عشان تلاقي أحسن جودة
1- البضائع المُعاد تعبئتها :
حاولي تتجنبي تشتري الأطعمة المغلفة بطريقة فردية زي اللحوم الباردة او الجبن لانها ممكن تكون منتهية الصلاحية أو تاريخ الانتهاء قرب. أفضل حاجة هي انك تطلبي ان يتم تقطيع المنتج قدامك عشان تتاكدي انه صالح للاستخدام وفريش.
الأطعمة الجاهزة :
لما تيجي تشتري أي أطعمة جاهزة زي السلطة مثلاً، خدي بالك من اللي بيكون فيه أعشاب أو ثوم او توابل، لأنهم كده بيقربوا من انتهاء صلاحية المنتج بسهولة، والسلطات اللي بيكون فيها لحم أو سمك بتنتهي صلاحيتها أسرع من الخضار، أكتر أنواع السلطات اللي بيكون فيها صلصة الزيت هي أكثر أمان من سلطات المايونيز، واختاري نوع سلطة يكون مافيهوش تتبيله عشان يدوم يومين بحد أقصي .
3- حالة العبوة:
لو لقيتي في أي حاجة معلبة زي الجبن والتونة وحتى علب الألبان والزبادي والبيبسي تشوهات أو تنيات أو شقوق، دي بتكون مش مجرد عيوب بسيطة في التغليف، لكن ممكن تكون علامة ضرر بسبب التخزين الغلط أو انتهاء الصلاحية.
4- افحصي المنتجات بعناية :
عمال السوبرماركت بيكونوا عارفين ازاي يظهروا منتجهم بشكل مُلفت ومن أفضل جانب يظهر للمستهلك، مهمتك هي أنك تعرفي المنتج ده كويس وتعرفي مواصفاته كويس، وايه اللي ممكن يكون مخفي، علي سبيل المثال : الاضاءة اللي بتكون علي اللحوم أحيانا بتخلي شكلها شهي وطازة فلو ممكن تطلبي قطعة صغيرة تشوفيها وتحكمي عليها بنفسك تحت الاضاءة العادية.
5- تجنبي المنتجات اللي لونها فاتح:
حاولي على قد ما تقدري تتجنبي المنتجات اللي لونها فاتح بزيادة، وحاولي تشتري الخضار الأورجانيك او المزروع في ارض مفتوحة مش صوبة، لأن الخضار المزروع في صوبة مش دايماً بيكون صحي وكمان بيكون فيه مواد كيميائية، أما الفاكهة اللي بتتزرع في ارض مفتوحة ممكن يكون فيها قشور وبقع وعيوب لكن بتكون صحية وطعمها لذيذ. وفي اعتقاد بيقول ان الجبن كل ماتكون فاتحة أكتر مش غامقة، هيكون طعمها أحلي ومفيدة اكتر ودهونها هتكون أقل.. وده اعتقاد خاطئ تماما، الجبن معروف بيكون أبيض او أصفر وده باضافة الوان طعام ودي مش مضرة أبدا.
6- دوري عن المنتجات الأفضل حواليكي :
عشان التجار يقدروا يبيعوا المنتجات الغالية، دايماً بيحطوها في الصفوف الأولي عشان تزيد الأرباح فبيكون سهل التعرف علي المنتج ده بسهولة، لكن منتجات الصف الأول مش بالضرورة تكون الأفضل، وكمان الغالي مش معناه انه هو الأحسن.. اعرفي انتي ايه محتاجة ايه بالضبط ودوري في المنتجات الأفضل حواليكي واختاري اللي يناسبك.. مش شرط يكون غالي.
7- افهمي تسمية المنتجات:
فيه بعض المنتجات بتكون لها مصطلحات غير مفهومة زي “حليبي” أو “لبني” أو “نكتار”.. وجمل زي “لا يوجد سكر مُضاف” أو غني بالفيتامينات”، خلي بالك من الحاجات دي وحاولي تدوري عليها وتفهمي معناها عشان تقدري تختاري صح.
8- اختاري السلع المحلية:
من الأفضل انك تشتري المنتجات المحلية لأن النقل اللي ممكن يكون بتتعرض له المنتجات تأث علي طعمها وجودتها، أسطورة أن المستورد أفضل مش دايماً صحيحة.
9- اطلبي نصيحة العمال:
ترتيب البضائع بتكون سهله جدا بالنسبة للعمال عشان كده ممكن تساليهم علي أماكن المنتجات أفضل جودة فيهم، او تشرحي احتياجاتك وهما اكيد هيساعدوكي تختاري الأفضل.
اعرفي معانا كمان 8 أطعمة خطرها اكبر من خطر السجائر بنستخدمها باستمرار.. اعرفيها وحاولي تبعدي عنها