طريقة عمل ناجتس الفراخ ب 4 طرق مختلفة بالخطوات والفيديو

ريهام محمود
ريهام محمود
في
مطبخ
1299

الناجتس من الوجبات اللذيذة اللي بيحبها الكبار والاطفال ، والنهاردة من خلال موضوعنا هنقولك 4 طرق مختلفة لعمل ناجتس الفراخ هنعرفها مع بعض بالخطوات والفيديو.

1- ناجتس الفراخ بالجبنة:

المكونات:

– 455 جرام فراخ مفرومة.

– ملح.

– فلفل.

– 225 جرام جبنة موتزاريلا متقطعة مكعبات.

– 1 كوب (50 جرام) بقسماط مفروم او فتات الخبز.

– زعتر مجفف.

– ½ كوباية دقيق (60 جرام).

– 2 بيضة.

– زيت للقلي.

طريقة التحضير:

1- تبلي الفراخ المفرومة بالملح والفلفل.

2- خدي كمية من الفراخ المفرومة واعمليها على شكل كورة بالحجم اللي تفضليه ، افتحيها من النص بايدك وحطي فيها مكعب جبنة واقفليها ، اعملي الكمية اللي عندك كلها.

3- تبلي البقسماط المفروم بالزعتر.

4- هاتي قطع الفراخ اللي حضرتيها اغمسيها في الدقيق ، وبعدين البيض ، وبعدها غطيها كلها بالبقسماط المفروم.

5- اقلي قطع الناجتس في زيت غزير وسخن لحد ما لونها يبقى بني ومقرمشة.

6- ممكن تاكليها مع كاتشب او اي نوع صوص بتحبيه.

ناجتس الفراخ بالجبنة
ناجتس الفراخ بالجبنة

2- ناجتس فراخ كرسبي:

المكونات:

– قطعة صدر فراخ.

– كيس شيبسي اي نوع تفضليه.

طريقة التحضير:

1- اطحني الشيبسي لقطع صغيرة خشنة.

2- قطعي الفراخ لمكعبات صغيرة.

3- حطي قطعة فراخ في كيس الشيبسي ورجيه كويس لحد ما القطعة تتغطى كلها بالشيبسي ، واضغطي عليها عشان الشيبسي يلزق في قطعة الفراخ.

4- اعملي نفس الخطوة مع كل كمية الفراخ اللي عندك.

5- رصي قطع الفراخ جنب بعض على صينية.

6- دخلي الصينية في فرن سخن على الرف اللي في النص ، على درجة حرارة 200 درجة مئوية ، لمدة 12 دقيقة.

7- قدميها مع الكاتشب, المايونيز, او اي صوص تفضليه.

ناجتس فراخ كرسبي
ناجتس فراخ كرسبي

3- ناجتس فراخ بالبريتزل:

المكونات:

– 2 كوب بريتزل مملح (225 جرام).

– ½ كوباية بارميزان مبشورة (55 جرام).

– ½ كوباية دقيق (60 جرام).

– ¼ معلقة صغيرة فلفل.

– 2 بيضة.

– 455 جرام صدور فراخ مخلية.

طريقة التحضير:

1- قطعي صدور الدجاج لقطع صغيرة حوالي 5 سم.

2- اخلطي البريتزل والجبنة مع بعض واضربيهم في الكبة.

3- في طبق اخلطي الدقيق مع الفلفل ، وفي طبق تاني حطي البيض ، وطبق كمان حطي فيه خليط البريتزل والجبنة.

4- اغمسي قطع الفراخ في الدقيق ، وبعدين في البيض ، واخر حاجة غطيها بخليط البريتزل والجبنة.

5- حمريها في زيت غزير سخن.

6- قدميها مع الكاتشب او اي نوع صوص تفضليه.

ناجتس فراخ بالبريتزل
ناجتس فراخ بالبريتزل

4- فراخ بوب كورن بالرانش:

المكونات:

– 2 صدور فراخ.

– 2 كوباية (480 مل) Buttermilk .

– باكيت بودرة رانش ، وممكن تستبدلوه بصوص الرانش.

– 2 كوب كراكرز او مقرمشات بالجبنة (125 جرام).

– زيت للقلي.

طريقة التحضير:

1- قطعي الفراخ لمكعبات صغيرة.

2- في طبق كبير اخلطي قطع الفراخ, والButtermilk, والرانش.

3- حطي الفراخ في التلاجة لمدة ساعتين.

4- في كيس دقي مقرمشات الجبنة واطحنيها.

5- حطي المقرمشات المطحونة في طبق ، واغمسي فيها قطع الفراخ لحد ما تغطيها كلها كويس.

6- في طاسة سخني الزيت كويس ، واقلي قطع الدجاج لحد ما لونها يتحول لدهبي ، لمدة 3 دقايق تقريبا.

7- طلعيها على مناديل مطبخ عشان تمتص الزيوت الزيادة.

8- قدميها مع صوص الرانش او اي صوص تفضليه.

فراخ بوب كورن بالرانش
فراخ بوب كورن بالرانش

الطرق بالفيديو:

مقالات متعلقه

طريقة عمل صدور الفراخ بالسبانخ والجبنة Hasselback Chicken

طريقة عمل صدور الفراخ بالسبانخ والجبنة Hasselback Chicken

وصفة الفراخ على الطريقة الرومانية

وصفة الفراخ على الطريقة الرومانية

طريقة عمل صدور الفراخ المشوية بتتبيلة الثوم

طريقة عمل صدور الفراخ المشوية بتتبيلة الثوم