7 اسباب هيخلوكي تتوقفي عن النوم وشعرك مبلول

ريهام محمود
ريهام محمود
في
شعر
2224

عادة النوم بالشعر المبلول ليها اثار جانبية كتير ، لو انتي متعودة دايما تغسلي شعرك بالليل وتنامي ، بعض الاثار الجانبية ممكن تخليكي تفكري في تغيير روتين العناية بالشعر واستثمار وقت اضافي انك تنشفي شعرك قبل ما تنامي ، والنهاردة من خلال موضوعنا هنقولك اضرار النوم بالشعر المبلول على صحتك وعلى مظهرك العام.

اضرار النوم بالشعر المبلول:

1- تهيج فروة الراس:

هل عانيتي قبل كده من احساس مزعج في فروة الراس والحكة؟ عادة بنفكر ان السبب ممكن يكون من الشامبو ، ولكن الاحساس ده بيكون عادة سببه النوم بشعر مبلول ، اللي ممكن يسبب مشاكل كتير في فروة الراس زي القشرة ، ولما تنامي بالشعر مبلول وتبلي المخدة اللي انتي نايمة عليها ده ممكن يزود البيئة الرطبة والدافية لنمو البكتيريا.

اضرار النوم بالشعر المبلول 1
اضرار النوم بالشعر المبلول 1

2- بيسبب تعقد وتشابك الشعر:

لو نمتي بالشعر مبلول قبل ما تنشفيه ، ممكن انه يسبب تعقد وتشابك الشعر اثناء النوم ، والصبح هيكون شعرك صعب التعامل معاه ، وده ممكن يضيف ضغط زيادة على روتينك الصباحي.

اضرار النوم بالشعر المبلول 2
اضرار النوم بالشعر المبلول 2

3- ممكن يسبب لك الصداع:

لو نمتي بشعر مبلول ، يبقى في الغالب هتصحي الصبح مصدعة ، لان بعض خبراء العناية بالشعر بيقولوا ان النوم بشعر مبلول بيسبب خفض درجة حرارة الجسم وبيسبب صداع اثناء محاولة جسمك انه يرجع حرارته الطبيعية تاني ، وبعض المتخصصين بيعتقدوا ان النوم بشعر مبلول وملفوف بفوطة او مربوط بسكارف ممكن انه يسبب الم ويقطع نومك.

اضرار النوم بالشعر المبلول 3
اضرار النوم بالشعر المبلول 3

4- هيخلي شعرك هايش:

النوم بشعر مبلول ممكن يكون مش هيسبب مشاكل صحية خطيرة ، ولكنه هيأثر على مظهر شعرك ، الشعر المبلول بيخلق احتكاك قوي مع المخدة ، وده هيخلي شعرك هايش ، عشان كده الوقت الاضافي اللي قبل النوم لتجفيف شعرك ممكن يوفرلك الفلوس اللي هتصرفيها على المنتجات المضادة للتجعد والهيشان.

اضرار النوم بالشعر المبلول 4

5- هيمنع ان الشعر يبقى ليه حجم Volume:

الشعر الخفيف بيبقى حساس وبيفتقد للحجم ، والنوم بشعر مبلول هيضر بشكل خاص النوع ده من الشعر ، لانك مش هتقدري ترجعي الحجم بسهولة ، عشان كده لو بتنامي بشعر مبلول على طول ، ده هيخلي حجمه اقل.

اضرار النوم بالشعر المبلول 5

6- واحد من الاسباب الرئيسية لانقسام اطراف الشعر:

كام مرة حسيتي انك محتاجة تقصي اطراف الشعر؟ عادة النوم بالشعر المبلول هو واحد من الاسباب الرئيسية اللي ممكن تخليكي تقصي شعرك كتير ، بما ان الشعر المبلول معرض للتكسر ، فالحركة والتقلب كتير اثناء النوم ممكن يسبب تقصف الاطراف.

اضرار النوم بالشعر المبلول 6

7- بيسبب تهيج البشرة:

النوم بالشعر المبلول مش بيأثر بس على فروة راسك ، ولكن كمان على بشرتك ، لما تتحركي وتتقلبي اثناء النوم ممكن الشعر يجي على وشك ، ومزيج الشعر المبلول مع درجة حرارة الغرفة ممكن يوفر ظروف مثالية لنمو البكتيريا المسببة لتهيج الجلد.

اضرار النوم بالشعر المبلول 7

هل عادة بتغسلي شعرك الصبح ولا بالليل قبل النوم؟ هل تعرفي اي اثار جانبية تانية للنوم بالشعر المبلول.

مقالات متعلقه

خطوتين بس هيساعدوا على زيادة نمو شعرك بسرعة وتكثيفه

خطوتين بس هيساعدوا على زيادة نمو شعرك بسرعة وتكثيفه

7 نصايح هندية هتساعدك على تكثيف ولمعان شعرك

7 نصايح هندية هتساعدك على تكثيف ولمعان شعرك

7 نصايح هتخلي شعرك ينمو بشكل اقوى

7 نصايح هتخلي شعرك ينمو بشكل اقوى