دخلي الخيار في نظامك الغذائي كل يوم ولاحظي التغيرات المذهلة على بشرتك وشعرك وصحتك

ريهام محمود
ريهام محمود
في
صحة
858

الخيار من المكونات اللي موجودة في كل بيت ، وهو مش بس لذيذ ومنعش ولكن كمان مغذي جدا وغني بالفيتامينات والمعادن الضرورية لتنشيط الجسم ، وعادة هو معروف او مصنف كنوع من انواع الخضروات ، ولكن في الحقيقة هو يعتبر فاكهة ، وزيه زي البطيخ بيتكون معظمه من المية حوالي من 90 – 95% مية ، والنهاردة من خلال موضوعنا هنتعرف على فوايد اكل الخيار اللي هتخليكي تدخليه في نظامك الغذائي بشكل يومي.

فوايد اكل الخيار:

1- بيرطب الجسم:

كلنا عارفين ان الجسم المترطب كويس بيكون جسم صحي ، ولو عايزة تحافظي على جسمك رطب ، هيكون الخيار هو افضل اختيار ليكي ، لانه بيحتوي على 90% مية ، وده بيخليه مصدر غني للترطيب ، تقدري تقطعيه وتاكليه لوحده ، او تضيفيه مع السلطة ، او تعصريه وتشربيه كسموزي صحي.

فوايد اكل الخيار 1
فوايد اكل الخيار 1

2- بيوفر الفيتامينات المطلوبة:

الخيار غني بفيتامين A, B, C, K ، ومعظم الفيتامينات دي بتساعد على تعزيز مناعة الجسم ، وبتحافظ على نشاطك ، وبتحافظ على بشرة متوهجة ونضرة ، ولان الخيار غني بفيتامين B فهو مفيد جدا في تقليل الصداع.

فوايد اكل الخيار 2
فوايد اكل الخيار 2

3- بيقلل من السيلوليت, وبيزيل السموم من الجسم:

بما ان الخيار بيتكون معظمه من المية ، فاكله بانتظام بيسهل اخراج المية من الجسم في شكل بول وبالتالي بيخلص الجسم من السموم ، وكمان بيمنع السيلوليت.

فوايد اكل الخيار 3
فوايد اكل الخيار 3

4- بيمنع ريحة الفم الكريهة:

اكل الخيار بانتظام بيساعد على منع ريحة الفم الكريهة ، لان السبب الرئيسي لريحة الفم الكريهة هي الحرارة الزيادة في المعدة ، واكل الخيار بيساعد على التخلص من الحرارة دي ، وتقدري كمان تنعشي النفس عن طريق وضع شريحة خيار على لسانك لمدة من 15 – 20 ثانية ، ده هيقتل البكتيريا المسببة للروايح وهيخلي الفم منتعش وريحته حلوة.

فوايد اكل الخيار 4
فوايد اكل الخيار 4

5- بيحسن الهضم:

الخيار غني بالالياف الغذائية ، اللي بتساعد على معالجة كل الاكل اللي بناكله ، وده بيسهل مرورها بسلاسة من خلال الجهاز الهضمي ، فلو انتي بتعاني من الارتجاع الحمضي ، بننصحك تدخلي الخيار في نظامك الغذائي اليومي لانه بيساعد على منع الاعراض الحادة للارتجاع الحمضي.

فوايد اكل الخيار 5
فوايد اكل الخيار 5

6- بيساعد على فقدان الوزن:

الخيار منخفض السعرات الحرارية ، وبالتالي هو يعتبر وجبة خفيفة ممكن تملى المعدة من غير ما تزود وزنك ، لان الالياف اللي موجودة في الخيار بتتحول لنسيج بيشبه الجل في الامعاء ، وده بيساعد في ابطاء الهضم ، وده السبب اللي هيخليكي تحسي بالشبع لفترة اطول وتاكلي كمية اكل اقل.

فوايد اكل الخيار 6
فوايد اكل الخيار 6

7- بيحافظ على ضغط الدم:

الخيار غني بالبوتاسيوم ، وبالتالي فهو بيساعد في الحفاظ على ضغط الدم ، بالاضافة انه بيحتوي على هرمونات معينة ضرورية للبنكرياس لانتاج الانسولين ، وبالتالي هو رائع جدا لمرضى السكر.

فوايد اكل الخيار 7

8- بيقلل من الكوليسترول:

الخيار بيحتوي على مركبات اسمها ستيرول وهي مفيدة جدا في تقليل الكوليسترول الضار في جسمك ، وبالتالي ضروري جدا للاشخاص اللي بيعانوا من مشاكل الكوليسترول انهم ياكلوا الخيار بشكل منتظم.

فوايد اكل الخيار 8 1

9- التخلص من الهالات السودا وانتفاخات العين:

وضع شرايح من الخيار على العين بيساعد جدا في التخلص من الهالات السودا والانتفاخات واكياس العين ، والطريقة دي تعتبر من اكتر الطرق الجمالية المعروفة لعلاج الهالات والانتفاخات.

فوايد اكل الخيار 9

10- بيقلل من خطر الاصابة بالسرطان:

الخيار بيحتوي على مادة البوليفينول اللي بتساعد في التقليل من خطر الاصابة بانواع مختلفة من السرطانات ، بما فيهم سرطان الثدي, سرطان البروستاتا, سرطان الرحم, سرطان المبيض ، كمان الخيار بيحتوي على المغذيات النباتية ، زي الكورباتيتاسينات ، اللي بتحتوي على خصائص مضادة للسرطان.

فوايد اكل الخيار 10

11- مفيد للبشرة والشعر:

الخيار غني بالكبريت والسيليكون اللي بيساعدوا على تحفيز نمو الشعر ، ولانه بيحتوي كمان على خصائص مضادة للالتهابات وغني بفيتامين C فهو مفيد جدا للبشرة.

الخيار بيساعد كمان على علاج حروق الشمس وتهيج الجلد ، كل اللي هتعمليه بس هاتي الخيار وقشرية وحطيه على الاماكن المصابة ، الطريقة دي بتساعد على التخلص من التهيج.

والخيار مش بس مفيد للبشرة والشعر لكن كمان للضوافر ، بيخلي الضوافر اقوى واكتر لمعان وصحية.

فوايد اكل الخيار 11

لو دخلتي الخيار في نظامك الغذائي بشكل يومي ، هتبدأي تلاحظي تغيرات ايجابية على جسمك في خلال ايام قليلة من اكله ، هتلاقي بشرتك بقت نضرة عن قبل كده ، وشعرك صحي ، والاهم من كل ده انك هتحسي بالنشاط طول الوقت ، وفي خلال شهر هتلاحظي تغيرات جذرية في نفسك.

ياللا دخلوا الخيار في نظامكم الغذائي كل يوم وشاركونا النتايج.

اعرفي ازاي تعملي دايت الخيار السهل والصحي لخسارة 10 كيلو في 10 أيام

اعرفي ازاي تعملي دايت الخيار السهل والصحي لخسارة 10 كيلو في 10 أيام
اعرفي ازاي تعملي دايت الخيار السهل والصحي لخسارة 10 كيلو في 10 أيام

مقالات متعلقه

تاكلي ايه بالليل عشان تخسري وزن وانتي نايمة

تاكلي ايه بالليل عشان تخسري وزن وانتي نايمة

بمكونين اتنين بس هتتخلصي من دهون الجسم وهتحافظي على وزن جسمك مثالي على طول

بمكونين اتنين بس هتتخلصي من دهون الجسم وهتحافظي على وزن جسمك مثالي على طول

9 حاجات هتحصل لجسمك لو مارستي تمرين تحية الشمس كل يوم

9 حاجات هتحصل لجسمك لو مارستي تمرين تحية الشمس كل يوم