10 حاجات يومية بنعملها بطريقة غلط واحنا مش واخدين بالنا.. اعرفي ايه هي

بقلمآية حسان فيمنوعات visibility379

فيه حاجات كتير في حياتنا بنعملها بتكون غلط وإحنا مش واخدين بالنا وأحيانا كتير ممكن تضرنا..عشان كده لازم نخلي بالنا من أصغر التفاصيل اللي موجودة في حياتنا ونعرف ايه هي الطرق الصحيحية لحاجات ممكن تكون بسيطة لكن هتفرق معانا كتير، اعرفي معانا 10 حاجات يومية بنعملها بطريقة غلط واحنا مش واخدين بالنا

10 حاجات يومية بنعملها بطريقة غلط واحنا مش واخدين بالنا.. اعرفي ايه هي

استخدام المشروبات:

الطريقة الصحيحة عشان تمسك أي زجاجة من عند العنق مش من النص والكاس تمسكه من الساق بتاعها وده لسبب بسيط جدا، لو مسكتي الزجاجة من النص حرارى ايدك هتأثر علي درجة حرارة مشروبك فممكن تسخن بسرعه.

استخدام المشروبات

غسل الشعر :

كل الخبراء ومصففين الشعر أقروا ان غسل الشعر بالشامبو كل يوم بيكون ضار جدا لشعرك لانه بيشيل كل الزيوت الموجودة في فروة الرأس, عشان كده الغدد الموجودة في فروة راسك بتبدأ تفرز زيت أكتر من العادي، فحاولي ديما متغسليش شعرك أكتر من 2 ل 3 مرات في الأسبوع .

غسل الشعر

استخدام الميكرويف :

كلنا عارفين إن الميكرويف مصمم للتسخين بالتساوي، لكن مش هتلاقي النتيجة الكاملة لو كنتي حاطه الأكل كله في كومه في نص الطبق مثلا! فممكن تعملي حفرة صغيرة للطبق بتاعك وتوزعي الاكل في الطبق علي شكل دايرة وتأكدي إن كده الأكل هيسخن كله بشكل متساوي .

استخدام الميكرويف

دبوس الشعر:

لما تحطي اي دبوس للشعر أو مشبك الشعر المعروف ب “البنسه” اتأكدي ان الجزء لمتموج يكون لتحت فبكده الجزء ده هيمسك شعرك بشكل أكتر ويكون أمان لفروة راسك .

دبوس الشعر

وضع المعلقة عند الطبخ :

لو عوزة تفضلي محافظه علي ادواتك في المطبخ ممكن تحطي المعلقة اللي بتطبخي بيها في مقبض الوعاء أو الحلة والأفضل ان المعلقة تكون خشب.

وضع المعلقة عند الطبخ

استخدام معجون الأسنان :

كلنا فاكرين أن كل ما المعجون يكون اكتر علي الفرشاة ده هينضف السنان أكتر، وده غلط طبعا كمية صغيرة كفيلة تنضف السنان بشكل سليم .

استخدام معجون الأسنان

الاستحمام قبل النوم :

ناس كتير بتاخد حمام سخن قبل النوم لأنها كده هتكون حاسه بالاسترخاء والنوم بسهولة وده غلط لأن جسمك هيفضل محتفظ بدرجة حرارته المرتفعه وبالتالي قلبك والاوةرده هيكونوا في حالة تأهب عالية، فممكن تاخدي الحمام قبل النوم بساعه أو تستخدمي المياة الدافية.

الاستحمام قبل النوم

طريقة الامساك بالقلم :

لو عوزة تمسكي القلم بشكل صح حطي صباعك الوسط وحطي صباعك السبابة فوقيه فبكده هتكتبي وتحركي ايدك بشكل أسهل. ديما تجنبي تضغطي علي القلم وإلا ايدك هتتعب بسرعه.

طريقة الامساك بالقلم

كيفية وضع العصير في الكوباية:

أفضل طريقة لوضع العصير فوق الطية الخاصه بالكرتون مع الفتحة الموجودة في الأعلي وده هيساعدك إنك تتحكمي في كمية العصير اللي هتحطيها والموضوع يكون سهل .

كيفية وضع العصير في الكوباية

تنظيف المرحاض:

لما تيجي تنضفي المرحاض او التواليت اقفلي الغطا أو المقعد لأن ده ممكن يسيب أثر في حمامك كجزيئات صعب تشوفيها هتكون في الهوا وهتأثر عل كل الموجود في حمامك كمنشفة او الأرض.

تنظيف المرحاض

اعرفي معانا كمان 5 حاجات مفيدة تعمليهم خلال فترة العزل المنزلي.. اعرفيهم واستفيدي منهم