7 حاجات ماينفعش ترجعي تعمليها لما وباء كورونا ينتهي.. اعرفيهم وماتستغنيش عنهم

بقلمآية حسان فيصحة visibility893

بلاد كتيربدأت فعلاً في رفع قيود الإغلاق تدريجياً، زي الإمارات والسعودية وحتى في إيطاليا وفي الولايات المتحدة وحول العالم ، بس ده مش معناه ان كورونا خلاص انتهي وأثناء العد التنازلي للأيام اللي احنا مستنيين بعدها نرجع نحضن أصدقائنا ونعمل أفراحنا ونخرج ونشوف الناس، في 7 حاجات مهمة لازم تستغني عنهم وتحاولي ماترجعيش عمليهم تاني لما الوباء ينتهي ان شاء الله، اعرفي معانا 7 حاجات ماينفعش ترجعي تعمليها لما وباء كورونا ينتهي..

7 حاجات ماينفعش ترجعي تعمليها لما وباء كورونا ينتهي.. اعرفيهم وماتستغنيش عنهم

ماتستغنيش عن الكمامة

أول وأهم حاجة ماينفعش تستغني عنها هي الكمامة،خصوصاً مع بداية الرجوع للمكاتب ودخول المولات والبنوك والمحلات، الكمامة لازم تبقى ملازماكي طول الوقت، يعني اعتبريها خلاص جزء من وجهك، لانه يمكن الدول ومنها مصر هتبدأ في تخفيف اجراءات الاغلاق بس ده مش معناه ابدا ان الخطر انتهى. 

وباء كورونا
ماتستغنيش عن الكمامة

ماتستعجليش على انك تروحي الجيم 

تاني حاجة لازم تعمليها مع بداية تخفيف اجراءات الاغلاق قدام وباء كورونا هي انك مع بداية اعادة افتتاح الجيم ومراكز اللياقة، انك ماتستعجليش على انك تروحي، لانه في البداية ممكن يبقى في زحام او عدم التزام كامل بالجراءات الوقائية المفروضة، ويمكن مع ده تبدأ تظهر حالات.. استنى شوية وراقبي الوضع وشوفي نتايجه وايه اللي هيحصل فيه وساعتها شوفي لو بقى امان كفاية انك تنزلي وترجعي تروحي الجيم  وعموما دايما روحي بأدواتك الشخصية والكحول والكمامة الخاصين بيكي. 

وباء كورونا
ماتستعجليش على انك تروحي الجيم

ماتعمليش حفلات ولا تروحي تجمعات

لازم تفضلي محافظة على التباعد الاجتماعي مهما كانت الظروف، معلش هنستحمل شوية ونستمر في تأجيل المناسبات والاجتماعات للوقاية وده الافضل  لانه التجمعات بتعتبر من أكتر الاسباب اللي ليها عامل كبير في انتشار ونقل عدوى وباء كورونا، عشان كده ماتستعجليش وتعملي عزومة ولا حفلة عيد ميلاد ولا حتى فرحك، خليكي ملتزمة بالتباعد الاجتماعي ومسافة المترين بينك وبين الاشخاص تحت اي ظرف. 

ماتعمليش حفلات ولا تروحي تجمعات

ماتبطليش تغسلي ايدك كتير

خلي غسيل الايدين عادة متأصلة فيكي وفي اخواتك وولادك خلاص، استمروا في غسيل الايدين لمدة لا تقل عن 20 ثانية ولعدد مرات كبير في اليوم، خصوصا قبل الاكل وبعده وكل ما تلمسي حاجة من بره او في عمايل الاكل والنظافة. 

ماتبطليش تغسلي ايدك كتير

ماتستعجليش على زيارة المرضى السابقين او المخالطين ليهم 

تخفيف الاجراءات وشفاء المرضى مش معناه اننا نقدر نتبادل الزيارات حتى مع الاصحاء، خليكي في البيت وحاولي ماتختلطيش بحد وحافظي على التباعد الاجتماعي على قد ما تقدري زي ما قلنا، ما تستعجليش على زيارة المرضى السابقين او المخالطين ليهم. 

ماتستعجليش على السفر

طبعاً شايفين دول بدأت في فتح الطيران وحجوزات السياحة والسفر مرة تانية، لكن دي كلها اجراءات في مرحلة التجربة والاختبار وممكن جدا بعد نتايجها الدول دي تقرر اعادة الاغلاق مرة تانية، عشان كده ماتستعجليش في حجوزات السفر والسياحة الفترة دي. 

وباء كورونا
ماتستعجليش على السفر

 ماتهمليش الاجراءات الوقائية 

في النهاية ضروري نأكد عليكي مرة تانية انك ماتهمليش الاجراءات الوقائية وتحافظي على كل الحاجات اللي قلناها  وحاولي على قد ما تقدري تخليكي في البيت علشان تكوني في أمان، اعرفي معانا كمان ازاي تحمي صحتك العقلية اثناء الحظر خلال فترة الفيروس