ازاي تحصلي على بشرة نضرة ومشرقة في ليلة واحدة بس

ريهام محمود
ريهام محمود
في
بشرة
5536

اكيد كلنا مرينا بوقت بنبقى عايزين بشرتنا تبقى نضرة وشكلها صحي في يوم واحد ، لو عندك مثلا مناسبة او خروجة مهمة او اي حاجة طارئة وعايزة بشرتك يبقى شكلها نضر وصحي بشكل سريع ، احنا النهاردة هنساعدك في المهمة دي وهنقولك بعض النصايح والحيل الطبيعية للحصول على بشرة نضرة ومشرقة في ليلة واحدة بس.

الحصول على بشرة نضرة ومشرقة:

روتين بسيط جدا للعناية بالبشرة ولكن نتايجه فعالة جدا وهيساعد على تجديد بشرتك في يوم واحد بس ، وهتنبهري بمدى سهولة العناية ببشرتك بشكل طبيعي من غير كريمات غالية ولا تكلفة.

1- تدليك البشرة بالزيت:

تدليك البشرة بالزيوت رائع جدا للتنضيف العميق للبشرة ، بيحسن الدورة الدموية في البشرة ، وبيغذي البشرة بكمية كبيرة من العناصر الغذائية الاساسية ، وحتى لو بشرتك دهنية متخافيش من الزيوت مش هتزود الزيوت فيها بالعكس هتنظم افرازاها اكتر ، زي ما اتكلمنا كده في موضوع مفصل عن استخدام الزيوت للبشرة وايه الزيت المناسب لكل نوع بشرة.

ابدأي روتينك المسائي بتنضيف البشرة بالغسول وبعدها التونر ، بعدها بنقطتين بس من اي زيت ودلكي بيه البشرة ببطء في حركات دائرية من تحت لفوق ، وتقدري تختاري نوع الزيت حسب اللي بتفضليه ونوع بشرتك ، وهتلاقي نتايج حلوة جدا على البشرة ، تقدري تستخدمي زيت الزيتون, زيت الافوكادو, زيت الورد.

الحاجة الوحيدة اللي بتلعب دور مهم هي جودة الزيوت ، حاولي الزيوت تكون من مكان مضمون ونقية ، لان في انواع بتكون مخلوطة بزيوت تانية زي الزيوت المعدنية ، اللي بشرتك مش محتاجاها.

الحصول على بشرة نضرة ومشرقة 1
الحصول على بشرة نضرة ومشرقة 1

2- ماسك العسل:

من ابسط الماسكات اللي ممكن تعمليها للبشرة ونتايجة سريعة هو ماسك العسل ، كل اللي هتعمليه هاتي 2 – 3 معالق من العسل وادهني بيه بشرتك وسيبيه لمدة 15 – 30 دقيقة وبعدها اغسليه بالمية.

العسل بيحتوي على كتير من العناصر الغذائية اللي بتساعد على توهج البشرة ، بالاضافة انه كمان مرطب رائع جدا للبشرة.

الحصول على بشرة نضرة ومشرقة 2
الحصول على بشرة نضرة ومشرقة 2

3- مرطب طبيعي خفيف على البشرة:

ممكن تستخدمي مرطبات طبيعية للبشرة زي الجليسرين ، وجل الالوفيرا ، بالاضافة انه مرطب خفيف على البشرة ، جل الالوفيرا بشكل خاص ليه تأثير شفائي قوي على الجلد بتساعد على توهج البشرة بشكل سريع جدا ، حطي منه طبقة خفيفة على البشرة قبل النوم ودلكيها ، وسيبيه لحد الصبح هتلاحظي مفعولة السحري على طول على الندبات ومشاكل الجلد.

الحصول على بشرة نضرة ومشرقة 3

4- اشربي مية كتير:

الجفاف ممكن انه يسبب مشاكل صحية كتير ، بما فيها مشاكل الجلد زي الجفاف الشديد, بهتان البشرة, عدم توحد لون البشرة, حب الشباب ، ومن اكتر النصايح الفعالة لصحة البشرة هي شرب كمية كبيرة من المية ، رطبي نفسك كويس هتصحي تاني يوم ببشرة نضرة ومتوهجة.

لو انتي بتحسي بانتفاخ بعد شرب كمية كبيرة من المية قبل النوم ، حاولي تشربي اخر كوباية مية قبل النوم بساعة او ساعتين ، او ببساطة حاولي ترطبي نفسك وتشربي مية كتير خلال فترة النهار عشان متشربيش مية كتير قبل النوم.

الحصول على بشرة نضرة ومشرقة 4

مقالات متعلقه

تحدي اليوم الواحد لتوهج بشرتك قبل الفرح

تحدي اليوم الواحد لتوهج بشرتك قبل الفرح

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب