7 تمارين هتساعدك على حرق الدهون حتى وانتي بتتفرجي على التليفزيون

ريهام محمود
ريهام محمود
3738

ممكن تفكروا انه مش ممكن حرق السعرات الحرارية وانتوا بتتفرجوا على التليفزيون ، ولكن ده مش صح ، في بعض التمارين الفعالة اللي تقدري تعمليها في البيت بسهولة ومن غير اي معدات خاصة ، والنهاردة من خلال السطور الجايه هنقولك على مجموعة تمارين لحرق الدهون تقدري تعمليها وانتي بتتفرجي على التليفزيون.

تمارين لحرق الدهون:

1- تمرين Palm down:

التمرين ده بيساعد على حرق الدهون اللي حوالين منطقة الذراعين ، وسهل انك تعمليه وانتي قعدة قدام التليفزيون.

1- اقفي بشكل مستقيم ، وافتحي الساقين بعرض الكتفين.

2- ارفعي الذراعين للجانبين.

3- خلي الساعدين متعامدين على الذراعين ، ولازم يكونوا الذراعين مشدودين كويس ، ومتحركيش الكتفين.

4- ادفعي الكتف للاسفل واضغطيهم مع بعض.

5- وابدأي ارفعي ونزلي الذراعين لفوق وتحت.

6- استمري في التنفس ببطء.

7- كرري التمرين لمدة من 45 ثانية ل 1 دقيقة.

تمارين لحرق الدهون 1
تمارين لحرق الدهون 1

2- تمرين Chest fly variation:

عشان تزودي فعالية التمرين اللي فات وتشوفي نتايج اسرع ، اعملي التمرين ده.

1- اقفي بشكل مستقيم ، وافتحي الساقين بعرض الكتفين.

2- ارفعي الذراعين للجانبين واتنيهم بزاوية 90 درجة عند الكوع.

3- ثبتي الذراعين قدامك وبعدين رجعيهم لوضعهم الاصلي.

4- استمري في الحركة دي كذا مره ورا بعض ، ولازم الذراعين يكونوا مشدودين.

5- كرري التمرين لمدة من 45 ثانية ل 1 دقيقة.

تمارين لحرق الدهون 2
تمارين لحرق الدهون 2

3- تمرين High kness:

التمرين ده يعتبر تمرين كارديو بيساعد على تقوية كل عضلات الساقين ، وبيرفع معدلات ضربات القلب , وبيحسن من شكل الجسم كله.

1- اقفي وخلي الساقين بعرض الكتفين.

2- خلي ايدك قدامك ، والكوعين متنيين ، بحيث تكون راحة ايدك اتجاهها لتحت.

3- حافظي على الصدر مشدود.

4- ابدأي الجري في مكانك بسرعة ولكن بسلاسة ، عن طريق رفع ركبتك الشمال واليمين للصدر.

5- استمري في عمل التمرين على قد ما تقدري.

تمارين لحرق الدهون 3
تمارين لحرق الدهون 3

4- تمرين Chair squat:

تمرين السكوات فعال جدا لعضلات الارداف ، وعضلات الفخد ، والعضلة الرباعية.

1- حطي كرسي وراكي.

2- اقفي بشكل مستقيم ، خلي الساقين بعرض الكتفين.

3- ضهرك لازم يكون مفرود ومستقيم.

4- انزلي ببطء عن طريق تني الركبتين ، وشد عضلات الوركين اثناء الحركة ، وحافظي على صدرك وراسك في شكل مستقيم.

5- المسي الكرسي بالمؤخرة وبعدين ارجعي لوضع البداية.

6- لو لسه مبتدئة ممكن تجربي تعملي مجموعة واحدة من 8 – 10 عدات ، بعد كده ممكن تعملي 3 مجموعات كل مجموعة من 10 – 12 عدة.

تمارين لحرق الدهون 4
تمارين لحرق الدهون 4

5- تمرين Standing oblique twist:

1- اقفي وخلي الساقين مفتوحين اوسع من عرض الكتفين.

2- اتني ركبتك ، وحافظي على ايديكي مستقيمة جنبك ، بحيث يكون كف ايدك اتجاهه لتحت.

3- ابدأي في خفض جسمك للجنب اليمين ، والانحناء بالوسط ، من غير ما تتني الذراع.

4- اعملي نفس الحركة للجنب التاني ، افضلي بدلي بين الجانبين على قد ما تقدري ، كرريه لحد ما تحسي انك تعبتي.

تمارين لحرق الدهون 5

6- تمرين Seated body lift:

التمرين ده بيقوي عضلات البطن ، الذراعين ، والمعصمين ، كل اللي محتاجاه مع التمرين هو كرسي بس.

1- اقعدي على حرف الكرسي ، والركبتين يكونوا متنيين ولامسين بعض ، والقدمين مسطحين على الارض.

2- امسكي حرف الكرسي ، واتني الكوعين شوية.

3- شدي الركبتين والمؤخرة مع بعض باحكام ، مع الضغط بايديكي الاتنين على الكرسي وفرد الكوعين ، وادفعي جسمك لفوق ، اثبتي على الوضع ده لمدة 30 ثانية.

4- كرريه 3 مرات.

تمارين لحرق الدهون 6

7- تمرين Booty burn:

التمرين ده بيحرق دهون المؤخرة ، وبيحسن كمان من توازنك وتركيزك.

1- اقفي بشكل مستقيم ، مع رفع ايديكي قدامك ، وخليهم لامسين بعض.

2- ارفعي رجلك اليمين واتني ركبتك ، مع الحفاظ على توازنك.

3- ابدأي بتحريك رجلك اليمين ورا الشمال ، وخفض جسمك للاسفل.

4- ارجعي للوضع التاني ، اللي هو رفع الرجل مع تني الركبة.

5- كرريه لمدة 45 ثانية للرجل الواحدة ، وبعدين بدلي للرجل التانية.

تمارين لحرق الدهون 7

مارسي التمارين الصبح:

الاشخاص ممكن يحرقوا دهون الجسم بنسبة توصل ل 20% لو مارسوا الرياضة الصبح على معدة فاضية ، وحسب الدراسات والابحاث وجدوا ان الاشخاص اللي بيمارسوا الرياضة الصبح مش بيستهلكوا سعرات حرارية زيادة ومش بيواجهوا زيادة في الشهية خلال فترة اليوم.

تمارين لحرق الدهون 8

مقالات متعلقه

تمارين ونظام غذائي فعال للحصول على بطن مسطحة

تمارين ونظام غذائي فعال للحصول على بطن مسطحة

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن