8 غلطات في العناية بالبشرة بتتسبب في توسيع المسام

بقلمريهام محمود فيبشرة visibility589

الزيوت الزيادة, خلايا الجلد الميت, الاوساخ, والبكتيريا, ممكن انها تسد المسام وتخلي شكل المسام يبان اكبر, العناية بالبشرة مهمة جدا, ولكن في بعض الاحيان بنوصل لحالة الهوس في العناية, واتضح ان العناية الزيادة عن اللزوم وبعض العادات اللي بنعملها مع بشرتنا ممكن تضر المسام اكتر من العوامل الخارجية, والنهاردة من خلال المقال بتاعنا هنقولك اكتر غلطات في روتين العناية بالبشرة عشان تتجنبيها.

غلطات في روتين العناية بالبشرة:

1- الاستخدام المتكرر لورق امتصاص الدهون:

ورق امتصاص الدهون ممكن يكون مفيد جدا لبشرتنا خلال ايام الحر للتخلص من العرق والزيوت الزيادة, ولكن على الرغم من ده لو استخدمتيه عدد مرات كتير ده ممكن يضر بشرتك اكتر ما يفيدها, لان في الحقيقة طبقة الزيت الخفيفة ضرورية لبشرتك, لان ازالة الزيوت بشكل كامل ممكن يخلي بشرتك تعمل رد فعل عكسي ويزود في انتاج زيوت اكتر, وده هيأدي لانسداد المسام وهيخليها تكبر اكتر.

غلطات في روتين العناية بالبشرة
غلطات في روتين العناية بالبشرة

2- استخراج الرؤوس السودا, الرؤوس البيضا, او البثور بالقوة:

لو حاولتي انك تخرجي البثور او الرؤوس السودا او البيضا بالقوة من بشرتك وهي لسه مش جاهزة انك تخرجيها, فده بيسمح للبكتيريا انها تدخل للطبقات الداخلية لبشرتك, وده ممكن يخلي الوضع اسوأ ويسبب تهيج للبشرة, وده هيأدي لتوسيع المسام والندبات.

غلطات في روتين العناية بالبشرة

3- التقشير الزيادة:

التقشير بيساعد على ازالة الاوساخ وخلايا الجلد الميتة والزيوت الزيادة اللي ممكن تسد المسام, والعادة دي ممكن تكون مفيدة وتنعش بشرتك وتصغر المسام, ولكن على الرغم من ده, المفروض انك متعمليش التقشير اكتر من 1 – 2 مرة في الاسبوع, لان الافراط في التقشير ممكن انه يأدي لجفاف الجلد وهيفتح المسام, واللي هيخلي البشرة من غير الطبقة الخارجية من الزيت اللي بتحميها, وهتمتص كل الغبار اللي حواليها, وده هيخلي المسام اكبر.

كمان غسل البشرة اكتر من مرتين في اليوم هيزيل طبقة الزيت الطبيعية, وهيخلي الجلد حساس للعوامل الخارجية اكتر, وده هيأدي للالتهاب وحب الشباب.

غلطات في روتين العناية بالبشرة

4- بتسيبي بشرتك تبقى جافة اوي:

الجلد الجاف بيأدي للتجاعيد وهيبين سنك اكبر, وكمان بيتسبب في تسطيح المسام وبيخليها تبان اكبر, عشان كده الجلد الجاف مش بس مضر للمسام, ولكن كمان هيبينك اكبر من سنك, ولكن لحسن الحظ انك تقدري تمنعي ده باستخدام تونر مائي ومرطب مناسب لنوع بشرتك بشكل يومي.

غلطات في روتين العناية بالبشرة

5- بتستخدمي منتجات بتسد المسام:

في بعض المنتجات المعروفة اللي بتستخدم في العناية بالبشرة, اللي المفروض متستخدميهاش على الوش, زي زبدة الكاكاة, زيت جوز الهند, وكريم اللانولين, لانهم ممكن يتسببوا في انسداد المسام, والمنتجات دي ممكن تكون مفيدة في الحفاظ على رطوبة البشرة, ولكن ممكن انها تسبب مشاكل للبشرة وتحبس الاوساخ جوه المسام, والبثور دي ممكن انها تسبب في تمدد المسام وتوسعها, عشان كده الافضل انك تستخدمي كريم ومنتجات مناسبة للوش, وتستخدمي الزيوت دي على الجسم بس.

6- تجديد المكياج اكتر من مرة في اليوم:

خلال اليوم ممكن ان مكياجك يتمسح او يسيح شوية وتحتاجي تظبطيه, مافيش ضرر من انك تجدديه بلمسات بسيطة, ولكن متعمليش ده بشكل زيادة او مبالغ فيه لان البشرة بتنتج زيوت ومسح البشرة كل شوية بالبودر, هيخلق طبقة من الزيوت والاوساخ والمكياج, وكل ده ممكن يخترق الجلد وهيسبب في ظهور حب الشباب وتوسيع المسام.

7- تناول الطعام الضار:

منتجات الالبان, الاطعمة اللي بتحتوي على نسبة عالية من السكر المكرر, والاطعمة الحارة, او المقلية بتضر البشرة, وممكن انها تسبب التهاب في الجسم يأدي لبشرة معرضة لحب الشباب, وحب الشباب بيضعف الغدد الدهنية وفتحات بصيلات الشعر في البشرة وده بدوره هيخلي المسام اكبر, عشان كده النظام الغذائي الصحي مهم جدا للعناية ببشرتك.

8- مش بتستخدمي واقي من الشمس:

التعرض لاشعة الشمس بيضر البشرة جدا, بيخلي جلد البشرة سميك اكتر, بيزيل الكولاجين والايلاستين والمية من البشرة, وده بيأدي لانكماش الانسجة, وهيأدي بعد كده لتمدد المسام وهيخلي شكلها مترهل, عشان كده لازم تستخدمي كريم واقي من الشمس.

روتين ليلي للعناية بالبشرة للحصول على بشرة نضرة وصحية

روتين ليلي للعناية بالبشرة