طريقة عمل شيش طاووق فراخ مشوي

ريهام محمود
ريهام محمود
1242

الشيش الطاووق من الاكلات السريعة واللي طعمها لذيذ جدا وتقريبا كلنا بنحبها, والنهاردة من خلال موضوعنا هنقولك طريقة عمل شيش طاووق فراخ مشوي ويطلع زي المطعم بالظبط.

طريقة عمل شيش طاووق فراخ مشوي:

المكونات:

– 900 جرام صدور فراخ منزوعة الجلد والعضم, ومتقطعة مكعبات صغيرة.

– 2 حبة بصل, متقطعة قطع كبيرة.

– 1 حبة فلفل اخضر رومي, متقطعة قطع كبيرة.

– ½ كوباية عصير ليمون.

– ½ كوباية زيت نباتي.

– ¾ كوباية زبادي.

– 4 فصوص ثوم مفرومين.

– 2 معلقة صغيرة صلصة طماطم.

– 1 ½ معلقة صغيرة ملح.

– 1 معلقة صغيرة زعتر مجفف.

– ¼ معلقة صغير فلفل اسود.

– ¼ معلقة صغيرة بهارات “اي نوع بهارات تفضليها, ممكن تستخدمي بهارات فراخ”.

– ¼ معلقة صغيرة قرفة.

– 1/8 معلقة صغيرة حبهان مطحون.

– 1 كوباية بقدونس مفروم للتزيين.

شيش طاووق فراخ مشوي 1
شيش طاووق فراخ مشوي 1

طريقة التحضير:

1- في طبق كبير حضري تتبيلة الفراخ اخلطي عصير الليمون, الزيت, الزبادي, الثوم, صلصة الطماطم, الملح, الزعتر, الفلفل الاسود, البهارات, القرفة, والحبهان, ضيفي الفراخ للتبيلة وقلبيها كويس لحد ما التتبيلة تغطي قطع الفراخ كلها, انقلي الفراخ في كيس بلاستيك كبير وحطيها في التلاجة لمدة 4 ساعات على الاقل, ممكن تسيبيها طول الليل عشان تشرب من التتبيلة كويس.

شيش طاووق فراخ مشوي 2
شيش طاووق فراخ مشوي 2

2- حطي الفراخ في اسياخ خشب او معدنية المتوفر عندك, حطي قطعة فراخ وقطعة بصل وفلفل وبعدين قطعة فراخ تانية, وهكذا لحد ما تخلصي الكمية كلها, واشوي اسياخ الفراخ على الجريل على حرارة متوسطة حوالي 5 دقايق لكل جنب لحد ما يبقى لونها دهبي, ولو مش متوفر عندك جريل ممكن تحطيهم في صينية كبيرة مستطيلة وتشويهم في الفرن على حرارة متوسطة.

3- قدميها وزينيها بالبقدونس على الوش.

شيش طاووق فراخ مشوي 3

مقالات متعلقه

طريقة عمل صدور الفراخ بالسبانخ والجبنة Hasselback Chicken

طريقة عمل صدور الفراخ بالسبانخ والجبنة Hasselback Chicken

وصفة الفراخ على الطريقة الرومانية

وصفة الفراخ على الطريقة الرومانية

طريقة عمل فاهيتا الفراخ واللحمة

طريقة عمل فاهيتا الفراخ واللحمة