5 حاجات مفيدة تعمليهم خلال فترة العزل المنزلي.. اعرفيهم واستفيدي منهم

آية حسان
آية حسان
634

مفيش شك ان الوقت اللي بنمر بيه حالياً صعب وجديد علينا كلنا، فكرة اننا نقعد في البيت ونحافظ على العزل الصحي والتباعد الاجتماعي، خلق كمية كبيرة جداً من وقت الفراغ اللي بيسبب ملل وزهق، ولانه الوقت نعمة كبيرة مايبنفعش تضيع في الملل، لازم تعرفي ازاي تستثمري الوقت الزيادة ده لأنه مهم جدا تستثمريه، اعرفي معانا في المقال ده 5 حاجات مفيدة تعمليهم خلال فترة العزل المنزلي واستفيدي منهم

5 حاجات مفيدة تعمليهم خلال فترة العزل المنزلي.. اعرفيهم واستفيدي منهم

1- اتعلمي مهارة جديدة

سواء كانت مهارة صعبة او سهلة، المهارات الجديدة المفيدة اللي ممكن تتعلميها مالهاش عدد، نمي مهاراتك واعرفي ازاي تطبخي او تزرعي في البيت او حتى تصلحي الأعطال المنزلية البسيطة، الانترنت واليوتيوب مليانين بفيديوهات لا تنتهي من المهارات اللي ممكن تستفيدي منها أثناء العزل الصحي.

2- اقرأي الكتب اللي مأجلاها

طبعاً كلنا عندنا ليسته من الكتب والروايات اللي نفسنا نقراها ومأجلينها، يا اما بسبب الشغل او البيت او المسؤوليات اللي مابتنتهيش، بس دلوقتي الوقت متاح ودي فرصتك، حتى لو مأجلة كتب نفسك تقرأيها ومش موجودة عندك ممكن تنزليها اونلاين بصيفة pdf وتقريها بسهولة، المهم اتجنبي انك تنزلي تشتريها، وانزلي للضرورة القصوى فقط. 

اقرأي الكتب اللي مأجلاها
اقرأي الكتب اللي مأجلاها

3- ابدأي في هواية جديدة

ممكن كمان تستفيدي من الوقت بهواية جديدة تكوني مهتمة بيها ونفسك تتعليمها، ممكن تتعملي ترسمي او تطرزي او تلعبي مزيكا، برضه الخيارات ماتنتهيش واليوتيوب بيعتبر كنز لمصادر تعليم الهوايات المختلفة. 

اتعلمي هواية جديدة
اتعلمي هواية جديدة

4- اتعلمي حاجة أونلاين 

جامعات ومنصات عالمية كتيرة فتحت كورساتها ومناهجها التعليمية لأي حد أونلاين وببلاش، استغلي الفرصة دي واتعلمي او ادرسي حاجاة جديدة سواء ليها علاقة بتخصصك ودراستك أو لا. 

اتعلمي حاجة أونلاين
اتعلمي حاجة أونلاين

5- دوري على فرص شغل 

فترة العزل كمان فرصة ذهبية عشان تدوري على شغل، خصوصا وانه تقريباً 80% من الوظائف في العالم بقت من البيت، ودي فرصة كويسة عشان تستثمري الوقت وتبني الـCV بتاعك وكمان تعملي فلوس تستفيدي منها بعدين.

دوري على فرص شغل
دوري على فرص شغل

اعرفي معانا كمان 10 طرق للحماية من اي فيروس او وباء وازاي تحافظي على صحتك 

مقالات متعلقه

working from home.. مزايا وعيوب الشغل من البيت ايه هي؟

working from home.. مزايا وعيوب الشغل من البيت ايه هي؟

بتحبي القراية بس زهقتي منها؟ اعرفي 3 طرق سهلة وبسيطة يوقعوكي في حب القراءة من جديد

بتحبي القراية بس زهقتي منها؟ اعرفي 3 طرق سهلة وبسيطة يوقعوكي في حب القراءة من جديد

10 نصايح بسيطة تساعدك في تعليم الأطفال أونلاين

10 نصايح بسيطة تساعدك في تعليم الأطفال أونلاين