جل تعمليه في البيت هيساعدك على تكبير حجم الصدر

بقلمريهام محمود فيزيادة الوزن visibility813

تحديد حجم الصدر بيتم من خلال الجمع ما بين الوراثة, واسلوب الحياة, ووزن الجسم, كل الحاجات دي مع بعض بتتحكم في حجم الصدر, ولو انتي حابه تزودي حجم صدرك من غير عمليات جراحية, مبدئيا بنقولك حاولي تتجنبي او تكوني حذره على الاقل في استخدام المكملات الغذائية, الاعشاب, الكريمات, مضخات تكبير الصدر اللي بينزل عليها اعلانات كتير كعلاجات طبيعية للتكبير لانها تقريبا معظمها نتيجتها مش فعالة, النهاردة من خلال السطور الجايه هنقولك طريقة تكبير الصدر بمكون واحد في البيت بطريقة سهلة وبسيطة.

تكبير الصدر بجل الالوفيرا:

كلنا عارفين ان جل الالوفيرا ليه استخدامات علاجية وجمالية كتير جدا, ولكن الدراسات اثبتت مؤخرا انه بيحتوي على الفيتوستروجين وده هرمون تقريبا وظيفته زي وظيفة هرمون الاستروجين الانثوي, وهرمون الاستروجين معروف انه مسؤول عن تطوير المناطق الانثوية في الجسم زي الصدر.

طريقة استخدامه بسيطة جدا هاتي جل الصبار ادهني بيه الصدر ودلكيه في حركات دائرية لمدة 10 دقايق, وبعدين سيبيه على الصدر لمدة 10 دقايق كمان, بعدها اغسليه بمية دافية.

كرري الطريقة دي خمس مرات في الاسبوع لافضل النتايج.

تكبير الصدر
تكبير الصدر

بذور الكتان لتكبير الصدر:

بذور الكتان كمان من افضل الاختيارات اللي ممكن تساعدك على تكبير الصدر عن طريق زيادة هرمون الاستروجين في الجسم, لان بذور الكتان بتحتوي على الفيتوستروجين تلات مرات اكتر من اللي موجود في فول الصويا.

ممكن تدخلي بذور الكتان في وصفات الكوكيز, المافن, او حتى تاكليه مع الزبادي.

تكبير الصدر

التمارين لتكبير حجم الصدر:

التمارين من الحاجات اللي بتساعد على زيادة حجم الصدر, التمارين اللي بتركز على عضلات الصدر والضهر والكتف بتساعد على تقوية عضلات الصدر خلف انسجة الصدر وبتحسن شكلها.

هنقولك دلوقتي خمس تمارين تقدري تعمليهم في البيت بسهولة هيساعدوكي على زيادة حجم الصدر مع الوصفات الطبيعية.

1- تمرين Wall presses:

اقفي قدام الحيطة, واسندي عليها بكف ايدك الاتنين في شكل مستقيم وعلى نفس ارتفاع الصدر.

ابدأي ببطء اتني الذراعين وقربي للحيطة لحد ما راسك تلمس الحيطة تقريبا, وبعدين ارجعي للوضع الاصلي.

كرري التمرين من 10 – 15 مرة.

تمارين لتكبير الصدر
تمارين لتكبير الصدر

2- تمرين Arm circles:

مدي الذراعين جنبك في مستوى الكتف.

ابدأي ببطء حركي الذراعين لورا على شكل دواير صغيرة لمدة دقيقة واحدة.

وبعدين حركيها في دواير صغيرة لقدام لمدة دقيقة واحدة.

وبعدين حركي الذراعين لفوق وتحت باستخدام نطاق صغير من الحركة لمدة دقيقة واحدة,

كرريه مرة او مرتين بفاصل بين كل حركة.

وممكن تستخدمي اوزان مع التمرين ده عشان يديكي نتايج افضل.

تمارين لتكبير الصدر

3- تمرين Arm presses:

اقعدي او اقفي مع وضع ايديكي قدام صدرك.

افتحي الذراعين لحد ما تبقى ورا ضهرك مع بعض وانزلي بجسمك لتحت شوية.

اثبتي على الوضع ده لمدة دقيقة واحدة, وممكن تستخدمي وزن او شريط مقاومة عشان تخليه اصعب ويجيب معاكي نتيجة افضل.

4- تمرين Prayer pose:

خلي الذراعين قدام منطقة الصدر, واضغطي كفين الايد الاتنين ببعض لمدة 30 ثانية.

واتني كوعك عند 90 درجة واضغطي بالكفين في اتجاه بعض قدام الصدر لمدة 10 ثواني وبعدين فكيهم من بعض.

كرري التمرين ده 15 مرة.

5- تمرين Horizontal chest press:

مدي الذراعين قدام جسمك واتنيهم بزاوية 90 درجة.

افتحيهم على قد ما تقدري وبعدين اجميعهم مع بعض تاني, اعمليها لمدة دقيقة واحدة.

خدي استراحة بعد ما تخلصي كل التمارين, وكرريها مرة كمان على الاقل.

طريقة استخدام الفازلين لتكبير الصدر