طريقة استخدام ورق الغار لتطويل وتكثيف الشعر

ريهام محمود
ريهام محمود
في
شعر
54596

ورق الغار او المعروف بالورق اللوري او اللورا, من المكونات اللي بنستخدمها في المطبخ مع اكلات كتير, ولكن اللي منعرفوش ان ورق الغار ليه فوايد كتير للشعر, يعتبر مرطب طبيعي للشعر وبيديه لمعه, وبيساعد على تنعيمه لانه بيحتوي على مضادات الاكسدة, بالاضافة انه بيساعد على تطويل وتكثيف الشعر, والنهاردة هنقولك طريقة استخدام ورق الغار للشعر وازاي تدخليه في الوصفات الطبيعية.

طريقة استخدام ورق الغار للشعر:

– شطف الشعر بمية ورق الغار:

هتحتاجي:

8 – 10 اوراق غار.

3 كوبايات مية.

طريقة التحضير:

كل اللي هتعمليه اغلي المية, وضيفي لها ورق الغار, وسيبيها تغلي لمدة 15 دقيقة.

صفي المية, وسيبيها تبرد.

طريقة الاستخدام:

اغسلي شعرك بالشامبو بالطريقة العادية, وبعدها اشطفي شعرك بمية ورق الغار, وممكن كمان تضيفي شوية من مية ورق الغار للشامبو وانتي بتغسلي بيه شعرك, كرري الطريقة دي يوميا لافضل النتايج.

ورق الغار بيحتوي على خصائص مضادة للبكتيريا والفطريات اللي بتساعد على قتل العدوى في فروة الراس, وبيعالج الالتهابات.

كمان الدراسات اثبتت ان ورق الغار بيساعد على زيادة نمو الشعر وتكثيفه وتقويته.

ورق الغار بيعمل عملية تنشيط للشعر وده بيساعد على علاج قشرة الشعر وفروة الراس.

كمان شطف الشعر بمية ورق الغار بتساعد على علاج حشرات الشعر وتنضيف فروة الراس بسبب طعمها المر ونكهتها القوية اللي بتقضي على حشرات الشعر.

وبشكل عام ورق الغار مالوش اي اثار جانبية على فروة الراس.

ورق الغار للشعر
ورق الغار للشعر

– ماسك ورق الغار:

هتحتاجي:

اوراق الغار.

ليمون.

لبن رايب.

طريقة التحضير والاستخدام:

هاتي كمية من اوراق الغار حسب طول وكثافة شعرك, اطحنيها في مطحنة الخلاط, ضيفي لها كام نقطة من عصير الليمون وكمية بسيطة من اللبن الرايب, وامزجيهم كويس, وحطي الخليط على الشعر وفروة الراس وسيبيه 20 – 30 دقيقة وبعدين اغسليه, كرري الماسك ده مرة واحدة في الاسبوع.

الماسك ده هيساعد على تقوية جذور الشعر وهيمنع التساقط بشكل سريع وفعال.

مية ورق الغار والماسك من الحاجات اللي بتحل كتير من مشاكل الشعر عشان كده بننصحك انك تدخلي الطرق دي في روتين العناية بشعرك.

ورق الغار للشعر 2

مقالات متعلقه

خطوتين بس هيساعدوا على زيادة نمو شعرك بسرعة وتكثيفه

خطوتين بس هيساعدوا على زيادة نمو شعرك بسرعة وتكثيفه

طريقة عمل شامبو البيض الطبيعي المغذي للشعر في البيت

طريقة عمل شامبو البيض الطبيعي المغذي للشعر في البيت

طريقة العناية بالشعر في الشتا وفترة الرياح الموسمية

طريقة العناية بالشعر في الشتا وفترة الرياح الموسمية