بالخطوات.. طريقة عمل عصير البرتقال بالجزر والزنجبيل المنعش لتقوية المناعة

آية حسان
آية حسان
885

العصاير الفريش دايماً أفضل وفوايدها أعلى من العصاير الجاهزة و المعلبة، خصوصاً لأنك هتبقى ضامنة نضافتها وكمان هتستفيدي بكل فوايد المكونات الطازة، ولانه الأيام دي محتاجين نحافظ على صحتنا ونقوي مناعتنا أكتر من أي وقت تاني، في المقال ده جايبين لك وصفة لعصير صحي ومنعش جداً، مش بس طعمه لذيذ.. وممكن يبقى اضافة جديدة على سفرتك في رمضان، لكن كمان غني جدا بالفيتامينات اللي هتساعدك تقوي مناعتك ومناعة اطفالك واسرتك، اعرفي معانا في المقال ده بالخطوات طريقة عمل عصير البرتقال بالجزر والزنجبيل المنعش لتقوية المناعة بـ3 مكونات بس..

بالخطوات.. طريقة عمل عصير البرتقال بالجزر والزنجبيل المنعش لتقوية المناعة 

المكونات اللي هتحتاجيها: 

7حبات برتقال للعصير

4 حبات جزر 

حبتين ونص تقريباً من الزنجبيل الفريش

المكونات اللي هتحتاجيها
المكونات اللي هتحتاجيها

طريقة التحضير: 

قطعي البرتقال نصين مع ربع كوباية مياة واضربيه كويس في الخلاط.

بعد كده قشري الجزر وقطعيه و ابشري الزنجبيل وضيفيهم لعصير البرتقال في الخلاط.

اضربي المكونات كلها في الخلاط كويس لحوالي 3 دقايق لحد ما يبقى عصير ناعم وكل المكونات تكون امتزجت كويس.

بعد كده صفي العصير كويس من الشوائب واحتفظي بيه في ازازة نضيفة وجافة من جوه.

ممكن تحتفظي بيه يوم او يومين بحد أقصى في التلاجة، عشان كده اعملي كميات صغيره وشربيه فريش أول بأول.

طريقة التحضير
طريقة التحضير

فوايد عصير البرتقال بالجزر والزنجبيل: 

الزنجبيل وعصير البرتقال والجزر من المكونات الغنية جداً بالعناصر الغذائية زي الفيتامينات والمعادن اللي بتنظم الدهون في الجسم وتساعدك على الحفاظ على لياقتك البدنية، وبتقوي المناعة، كمان الوصفة دي غنية بمضادات الأكسدة والألياف اللي بتساعد على تنشيط عملية الأيض وحرق السعرات الحرارية.

اعرفي معانا كمان طريقة تحضير عصير التوت البري مع والمانجو

مقالات متعلقه

افضل 8 اطعمة صحية للفطار والسحور في رمضان

افضل 8 اطعمة صحية للفطار والسحور في رمضان

لو بتحسي دايما بالارهاق يبقى جسمك محتاج الاكلات دي

لو بتحسي دايما بالارهاق يبقى جسمك محتاج الاكلات دي

حضري اسهل والذ المشروبات الرمضانية

حضري اسهل والذ المشروبات الرمضانية