روتين عناية بالبشرة بالبطاطس هيغير بشرتك بالكامل

ريهام محمود
ريهام محمود
في
بشرة
3623

البطاطس واحدة من المكونات والطرق البسيطة والفعالة جدا في حل كتير من مشاكل البشرة وبتساعد عل تنقية البشرة وبتخليها خالية من اي عيوب, والنهاردة من خلال موضوعنا هنقولك روتين عناية بالبشرة بالبطاطس في 6 خطوات.

روتين عناية بالبشرة بالبطاطس:

1- الخطوة (1) المنظف:

تنضيف الوجه يعتبر جزء مهم من اي نوع روتين للعناية بالبشرة, لانه هيساعدك على التخلص من الاوساخ والزيوت الزيادة والمكياج, وهيخلي بشرتك نضيفة وتتقبل اكتر المكونات اللي هتتحط عليها بعد كده وتغذيها.

كل اللي انتي محتاجاه عصير بطاطس, هاتي ثمرة بطاطس نية وابشريها واعصريها, خدي المية بتاعتها وهاتي قطنة اغمسيها في المية وامسحي بيها بشرتك وسيبيه ينشف وبعدين اغسليه بالمية, استخدمي عصير البطاطس ده كمنظف يومي للبشرة.

المنظف ده مش بس هينضف البشرة من الزيوت الزيادة, لكن كمان هيساعد على التخلص من اي شوائب في الجلد, وبيساعد كمان على تقليل البثور ومفيد جدا للبشرة الدهنية.

روتين عناية بالبشرة بالبطاطس 1
روتين عناية بالبشرة بالبطاطس 1

2- الخطوة (2) التقشير:

التقشير تعتبر خطوة تانية مهمة جدا, لان التقشير بيساعد على ازالة خلايا الجلد الميتة اللي بتسد المسام وممكن تسبب لها مشاكل, التقشير بيساعد كمان على تفتيح البشرة بشكل فوري من خلال ازالة الجلد الميت وبتخلي طبقة البشرة الصحية تظهر.

عشان تعملي المقشر هتحتاجي:

1 معلقة كبيرة عصير بطاطس.

1 معلقة كبيرة عصير ليمون.

1 معلقة صغيرة عسل.

2 معلقة كبيرة عدس اصفر.

هاتي معلقتين العدس انقعيهم في مية طول الليل, تاني يوم اطحني العدس في الخلاط لحد ما يبقى على شكل عجينة, ضيفي له عصير الليمون وعصير البطاطس والعسل واضربيهم مع بعض تاني في الخلاط, ولو حسيتي ان الخليط سميك اوي ضيفي له شوية مية.

بمجرد ما كل المكونات تختلط مع بعض كويس, افردي الخليط على الوش ودلكيه لمدة من دقيقة لدقيقتين, وبعدين سيبيه على البشرة لمدة 15 – 20 دقيقة, وبمجرد ما ينشف على وشك, بلي صوابعك بالمية وابدئي افركيه بالراحة في حركات دائرية, استمري في الفرك لمدة 3 – 5 دقايق, وبعدها اغسلي بشرتك بالمية كويس, كرري المقشر ده 2 – 3 مرات في الاسبوع.

المقشر ده مش بس هيفتح المسام وينضفها وهيزيل الشوائب, لكن كمان هيساعد على تقليل شعر الوش, وعصير البطاطس يعتبر مقشر هايل جدا للبشرة لانه بيحتوي على خصائص تبييض بتساعد على تفتيح وتحسين البشرة وعلى فيتامين C اللي بيساعد على تنضيف البشرة والعدس معروف بفوايده لتقشير البطاطس, ولما بيتخلط مع عصير البطاطس بيساعد على ازالة الشوائب وتنضيف المسام, وبيخلي بشرتك نقية وخالية من العيوب.

روتين عناية بالبشرة بالبطاطس 2
روتين عناية بالبشرة بالبطاطس 2

3- الخطوة (3) البخار:

البخار بيساعد على فتح مسام البشرة, وده هيساعد ان بشرتك تتخلص من السموم وامتصاص كل المكونات اللي هتتحط عليها.

هاتي طبق فيه مية سخنة, غطي راسك بفوطة ووجهي وشك ناحية البخار لمدة 10 – 15 دقيقة, ولو حسيتي ان البخار بدأ يبرد ويقل خلال الفترة دي سخني المية تاني لحد ما تطلع بخار تاني.

روتين عناية بالبشرة بالبطاطس 3
روتين عناية بالبشرة بالبطاطس 3

4- الخطوة (4) التونر:

هتحتاجي:

1 حبة بطاطس متوسطة الحجم.

كركم طازة.

كوباية مية.

الطريقة:

قطعي البطاطس والكركم لقطع صغيرة, اخلطي البطاطس والكركم مع المية سيبيها منقوعة شوية فيها, وبعدين صفي المية, وخدي المية دي استخدميها كتونر.

باستخدام قطنة امسحي بشرتك كلها بالتونر ده.

عصير البطاطس بيساعد على تنقية البشرة وازالة البقع الغامقة والشوائب, وبيمنع الشيخوخة, وبيساعد على علاج عدم توحد لون البشرة, بيقلل من التجاعيد, وبيزود من مرونة الجلد, استخدمي التونر ده يوميا لعلاج البقع الغامقة وعلاج فرط تصبغ الجلد.

روتين عناية بالبشرة بالبطاطس 4

5- الخطوة (5) ماسك البشرة:

هتحتاجي:

1 حبة بطاطس مسلوقة متوسطة الحجم.

1 معلقة صغيرة لبن.

1 معلقة صغيرة زيت زيتون.

الطريقة:

اهرسي البطاطس, وضيفي لها اللبن وزيت الزيتون واخلطيهم كويس مع بعض, افردي الخليط على الوش والرقبة وسيبيه 15 – 20 دقيقة, وبعدين اغسليه بالمية العادية, كرري الماسك ده من مرة لمرتين في الاسبوع.

لو عايزة بشرة صافية ونقية وخالية من اي عيوب, بننصحك تجربي الماسك ده, اللبن يعتبر مرطب طبيعي للبشرة لانه غني بالفيتامينات والمعادن والبروتينات اللي بتغذي البشرة من جوه وبتخليها نضرة, بالاضافة انه بيحتوي على حمض اللاكتيك اللي ليها فوايد في تبييض البشرة.

جنب البطاطس واللبن في زيت الزيتون اللي يعتبر مرطب رائع للبشرة, زيت الزيتون بيحتوي على فيتامين E اللي بيحمي البشرة من اضرار الجذور الحرة بسبب فوايدة المضادة للاكسدة, لان فيتامين E بيحفظ الرطوبة في لبشرة وبيحافظ على ترطيب البشرة لفترة طويلة, كمان زيت الزيتون بيحتوي على  حمض السكوالين اللي بيحافظ على مرونة البشرة.

روتين عناية بالبشرة بالبطاطس 5 2

6- الخطوة (6) الترطيب:

الترطيب هي الخطوة الاخيرة من الروتين, لان هي الخطوة اللي بتكمل كل الخطوات اللي فاتت, المرطب هيساعد على ترطيب بشرتك وحمايتها من التلف, استخدمي نوع مرطب يكون مناسب لنوع بشرتك.

خدي من المرطب كمية قد حبة البسلة, ووزعي على البشرة ودلكيها في حركات دائرية تصاعدية, وخلي بشرتك تمتص المرطب كويس.

روتين عناية بالبشرة بالبطاطس 6

مقالات متعلقه

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب

فتحي بشرتك باستخدام القهوة سريعة التحضير

فتحي بشرتك باستخدام القهوة سريعة التحضير