كل قد ايه المفروض تستبدلي مكياجك وادوات المكياج

ريهام محمود
ريهام محمود
في
مكياج
770

اكيد لما بتشتري ماسكارا حلوة او باليت مكياج, اخر حاجة هتفكري فيها انك ممكن ترميها وبتبقي عايزة تقعد معاكي اطول فترة ممكنة خصوصا لو سعرها غالي, ولكن المشكلة ان طول ما احنا بنستخدم المكياج البكتيريا والفيروسات هتتنقل من وشنا لمستحضرات التجميل وهتبوظ مكياجك قبل انتهاء صلاحيته عشان كده ضروري انك تستبدلي المكياج عشان تمنعي اي التهابات ممكن تحصل للبشرة, والنهاردة من خلال السطور الجاية هنقولك كام مرة المفروض تستبدلي مكياجك, وكمان ادوات المكياج.

كام مرة المفروض تستبدلي مكياجك 7

كام مرة المفروض تستبدلي مكياجك:

1- البيوتي بلندر وفرش المكياج:

في كل مرة بتستخدمي فيها البيوتي بلندر, بتمتص الزيوت والبكتيريا من على جلدك, والبكتيريا دي بتتكاثر في الجو الدافي والبيئة الرطبة اللي بتوفرها السفنجة, عشان كده المفروض انك تستبدلي البيوتي بلندر مرة واحدة على الاقل كل 3 شهور.

وعلى عكس البيوتي بلندر الفرش بتبقى اكتر متانة وبتدوم اطول, لو بتغسلي الفرش بشكل منتظم بالمية الدافية والصابون, هتفضل كويسة وصالحة للاستخدام كام سنة على الاقل, ولكن مع ذلك الافضل تفكري في استبدالها بمجرد ما تحسي ان الشعيرات بتاعتها بقت قاسية وبدأت تتكسر.

كام مرة المفروض تستبدلي مكياجك 1
كام مرة المفروض تستبدلي مكياجك 1

2- كريم الاساس والكونسيلر:

الكونسيلر وكريم الاساس الوقت اللي ممكن تستبدليهم فيه لما تحسي انه بدأ يبقى زيتي وقوامه اتغير, وكريم الاساس السائل ممكن تبدأي تحسي انه ريحته اتغيرت وبقت مش حلوة, ودي تعتبر علامات واضحة تقولك انك لازم تغيريهم, وبشكل عام المنتجات دي المفروض تقعد عندك سنة على الاقل قبل ما تبدأ تظهر عليها علامات انها باظت.

كام مرة المفروض تستبدلي مكياجك 2
كام مرة المفروض تستبدلي مكياجك 2

3- احمر الشفايف وقلم تحديد الشفايف:

كمنتج بيتواصل على طول مع الفم, فتقدري تتخيلي بقى كمية البكتيريا اللي ممكن تنمو على الروج بتاعك, لو انتي محتفظة بالروج لفترة طويلة بطريقة وبشكل صح وفي جو مثالي, فانتي رغم كده محتاجة تغيريه مرة واحدة كل سنة على الاقل, ولو انتي مش بتشاركيه مع حد تاني ومافيش حد بيستخدمه غيرك, تقدري تستخدميه لمدة 18 شهر.

كام مرة المفروض تستبدلي مكياجك 3
كام مرة المفروض تستبدلي مكياجك 3

4- بالتة الايشادو والبلاشر:

البالتة المفروض تقعد معاكي كويسة لمدة سنة واحدة على الاقل, ولو مخزانها بشكل صح وفي جو مناسب ممكن تقعد معاكي لحد 3 سنين, مع تجنب انك تشاركيها وتخلي حد يستخدمها معاكي, واتأكدي من تنضيف الادوات قبل استخدامها كل مرة عشان تتجنبي نمو البكتيريا الضارة.

كام مرة المفروض تستبدلي مكياجك 4

5- الماسكارا والايلاينر:

الماسكارا والايلاينر بتلامس العين بشكل مستمر, وده ممكن يتسبب في تراكم البكتيريا جواها, وعينيا بتبقى حساسة جدا وسهلة التأثر بسرعة بالبكتيريا, وده ممكن يسبب التهاب الملتحمة او البكتيريا خصوصا لو شاركتيها مع شخص تاني, وعشان تمنعي ده اول حاجة اتجنبي مشاركة مكياج العيون مع اي شخص تاني, الماسكارا والايلاينر هيستمروا معاكي في حالة كويسة لمدة 3 شهور بس, وبعدها الافضل استبدالهم, مكياج العيون بشكل خاص بيحتاج تستبدليه عدد مرات كتير.

كام مرة المفروض تستبدلي مكياجك 5

6- المرطبات وواقي الشمس:

المرطب وواقي الشمس يعتبر جزء اساسي من روتين حياتك اليومية, المرطب تعرفي انه باظ او مش صالح للاستخدام لما ملمسه او لونه يتغير, والطبيعي ان المنتجات دي تتغير كل 12 شهر, ولكن ممكن تطولي الفترة دي عن طريق تخزينها في مكان بارد وضلمة.

كام مرة المفروض تستبدلي مكياجك 6

مقالات متعلقه

ازاي تحطي الروج الغامق زي المحترفين للوك مكياج مثالي

ازاي تحطي الروج الغامق زي المحترفين للوك مكياج مثالي

5 اوقات تستغني فيهم عن كريم الاساس وتستخدمي بداله BB كريم

5 اوقات تستغني فيهم عن كريم الاساس وتستخدمي بداله BB كريم

5 افكار لمكياج يومي طبيعي

5 افكار لمكياج يومي طبيعي