7 روايح في الجسم متتجهليهاش ابدا..واعرفي كل ريحة بتقولك ايه عن صحتك

بقلمريهام محمود فيصحة visibility9783

الجسم بيفرز روايح كتير مختلفة, وممكن بعض الروايح دي تكون مش حلوة, ولكن في نفس الوقت عادة مش بتكون مضره, لكن مع ذلك, بعض الروايح التانية هي مش مجرد ريحة مزعجة بس لانها ممكن تكون علامة لمشكلة صحية انتي مش واخدة بالك منها, والنهاردة من خلال موضوعنا هنعرف مع بعض روايح الجسم بتقولك ايه عن صحتك.

روايح الجسم بتقولك ايه عن صحتك:

1- نفس بريحة الفاكهة:

ممكن تشوفي ان ريحة الفم لما تكون بريحة الفاكهة انها حاجة مش مزعجة, ولكن الحقيقة انها ممكن تكون علامة على حاجة خطيرة, حالة الحمض الكيتوني السكري ممكن انها تسبب نقص في الانسولين وارتفاع في مستويات السكر في الدم, وده بيجبر الجسم على حرق الاحماض الدهنية عشان يستمد منها الطاقة, وده بيتسبب في تراكم الكيتونات الحمضية, وواحدة من الكيتونات دي بتتسمى بالاسيتون, وده بيكون ليه ريحة “فاكهية”, وممكن تكون علامة على مشكلة صحية حادة “ممكن انها تهدد الحياة”, لو الريحة معاها قيء او تبول متكرر او الم في البطن, في الحالة دي ضروري انك تروحي للدكتور.

روايح الجسم بتقولك ايه عن صحتك
روايح الجسم بتقولك ايه عن صحتك

2- ريحة القدم الكريهة:

الريحة الكريهة للقدمين لو مشكلة مزمنة عندك, يبقى لازم تنتبهي كويس لانها ممكن تكون علامة على العدوى البكتيرية والفطرية, واللي ممكن تآدي لتأكل جلدك.

وعشان تمنعي المشكلة دي, استخدمي سبراي مضاد للفطريات, ولو المشكلة استمرت يبقى لازم تستشيري دكتور, عشان يكتبلك علاج فعال.

روايح الجسم بتقولك ايه عن صحتك

3- ريحة براز قوية:

لما الامعاء الدقيقة مش بتنتج كمية كافية من اللاكتاز اللي هو انزيم الهضم, مش هتقدر انها تهضم اللاكتوز بشكل صحيح, واللي هو السكر الموجود في معظم منتجات الالبان, ونتيجة لده, بيتم تغذية اللاكتوز مباشرة في القولون بدل القناة الهضمية “واللي هو المكان الصح اللي المفروض يروح له”, والعملية دي كلها هي اللي بتسبب ريحة البراز الكريهة والقوية اوي والغازات, بالاضافة للانتفاخ اللي غالبا بيجي مع الروايح دي.

عشان كده في الحالة دي بننصحك زيادة الدكتور, اللي هيقدر يحدد هل في اي مضاعفات معوية هي السبب في المشكلة, ولو الموضوع مش كده, يبقى تناول انزيم اللاكتوز هيساعد في حل المشكلة من غير وصفة طبية.

روايح الجسم بتقولك ايه عن صحتك

4- ريحة البول السيئة:

طبيعي ان البول ممكن ريحته تتغير من وقت للتاني حسب بعض الاكلات اللي احنا بناكلها, يعني الجفاف او قلة الترطيب على سبيل المثال, ممكن انه يتسبب في تركيز اعلى من المعادن.

لكن لما البكتيريا بتوصل للمسالك البولية, البول هيكون ريحته سيئة, ولو الريحة الكريهة دي معاها دم او لون البول متغير, دي تعتبر علامة على التهاب المسالك البولية, وعادة التهاب المسالك البولية بيتعالج بالمضادات الحيوية, والحفاظ على رطوبة الجسم والحصول على فيتامين C, وتناول البروبيوتيك ممكن انه يساعد على منع المشكلة.

روايح الجسم بتقولك ايه عن صحتك

5- ريحة فم كريهة جدا:

لو نضفتي سنانك كويس بالفرشة وبخيط الاسنان او استخدمتي غسول الفم, وبرغم كل ده مش قادرة تتخلصي من ريحة الفم الكريهة, كده ممكن تكون عند مشكلة توقف التنفس اثناء النوم او بعض اضطرابات تانية للنوم, انقطاع النفس اثناء النوم بيجبر الشخص انه يتنفس بشكل قوي من خلال الفم طول الليل, وده يعتبر السبب الرئيسي لمضاعفات ريحة الفم الكريهة, وتوقف التنفس اثناء النوم وضعف جودة النوم بشكل عام مرتبطة بامراض زي مرض السكر وامراض القلب وارتفاع ضغط الدم.

في الحالة دي بيكون في علاجات واجهزة طبية بتساعد على فتح المسالك الهوائية, وبتساعد على نوم احسن, وده بدوره بيساعد على تحسين ريحة الجسم.

6- ريحة العرق:

العرق في الاساس مش المفروض تكون ريحته حلوة او مقبولة, ولكن كمان المفروض متكونش مزعجة وقوية اوي, ورغم ان في اجزاء من الجسم ممكن يبقى ريحتها اقوى من مناطق تانية زي الابطين, لكن المفروض انه ميكونش في ريحة غير مألوفة او نفاذة وقوية اوي.

لحسن الحظ ان عادة بيكون سبب الريحة مش خطير, ممكن تكون مشكلة في نظام الهضم هي السبب, وبعض التغييرات البسيطة في الاكل ممكن تحل المشكلة, على سبيل المثال زيادة الالياف, ولو استمرت مشاكل الجهاز الهضمي بننصحك انك تستشيري دكتور.

7- ريحة حمضية حوالين منطقة المهبل:

طبيعي ان المهبل تخرج منه ريحة حمضية شوية, والريحة بتكون مش نفاذة عادة, لكن لو الريحة حوالين منطقة المهبل حمضية اوي, دي ممكن تكون علامة على حالة اسمها التهاب المهبل الجرثومي, والتهاب المهبل البكتيري اللي بيكون سببه فرط نمو الجراثيم والبكتيريا.

والتهاب المهبل البكتيري شائع جدا, تقريبا بيصيب 30% من النساء في الولايات المتحدة, وعادة ممكن علاج خلل التوازن البكتيري البسيط بالمضادات الحيوية اللي هيوصفها الدكتور او جل موضعي.

5 علامات بيقولهم الفم عن صحتك متتجاهليهاش ابدا