مشروب قشر الموز لحرق دهون البطن
اكيد لما نفكر اننا نقلل وزننا, اول حاجة لازم تتعمل هي تقليل الدهون في الجسم وده ممكن يحصل بطرق مختلفة وبتمارين حرق الدهون, ولكن هل في اي حاجة ممكن انها تساعدك على حرق الدهون؟ حرق الدهون بيحتاج نظام غذائي مخصوص وتمارين بتركز على مناطق تراكم الدهون زي الوسط, الفخدين, الوركين وغيرها من الاماكن, اللي تقدري من خلال الاكل المناسب والتمارين انك تتخلصي من الدهون المتراكمة فيها, والنهاردة هنقدملك وصفة هتساعدك على ده, وهي مشروب قشر الموز لحرق الدهون في الجسم بشكل عام ودهون البطن بشكل خاص.
فوايد الوصفة:
هنتعرف الاول على فوايد الوصفة, قشر الموز غني بالالياف القابلة للذوبان وغير القابلة للذوبان, وبيتوفر فيه عناصر غذائية بتساعد على حرق الدهون والحفاظ على لياقة الجسم, قشر الموز كمان غني بفيتامين B6, وفيتامين C, والبوتاسيوم, والمغنسيوم, اللي بيساعد على حرق الدهون والحفاظ على الصحة.
المكون التاني في الوصفة اللي معانا النهاردة هي القرفة, القرفة تعتبر مكون قوي حارق للدهون, لانها بتحتوي على السينامالديهيد اللي ليه خصائص حرق الدهون وفقدان الوزن, وبيساعد كمان على تحسين التمثيل الغذائي, واثبتت الدراسات ان القرفة ممكن انها تساعد على حرق الخلايا الدهنية.
مشروب قشر الموز لحرق الدهون:
المكونات:
– 1 كوب مية مغلية.
– قشر موزة “احنا محتاجين القشر بس مش الموزة نفسها”.
– 1 معلقة كبيرة قرفة بودر.
الطريقة:
1- في برطمان او كوباية حطي المية المغلية وانقعي فيها قشر الموز.
2- غطي البرطمان وسيبي قشر الموز منقوع من 7 – 8 دقايق.
3- طلعي قشر الموز من المية, وضيفي للمية القرفة, وقلبيها.
4- وكده المشروب يبقى جاهز اشربيه على طول.
5- اشربية يوميا اي وقت خلال اليوم.
