نصايح وأفكار ازاي تخلي وقت الأكل مع العيلة ممتع ومسلي
دلوقتي مع الظروف الجديدة اللي بيمر بيها العالم، وبما اننا كلنا قاعدين في البيت وبقينا نشوف عيلتنا وولادنا وقت أكبر، وحتى بقينا نتجمع على الاكل رغم انه دي عادة مهمة ويمكن بقالها وقت طويل ومابتحصلش بسبب مشاغلنا ومواعيدنا اللي مبتخلينا مش دايماً فاضيين في نفس الوقت، ومابين الشغل والمكتب، واجب المدرسة والأنشطة، وشغل البيت والتنظيف والانشغال، فميبقاش فيه وقت نتجمع فيه أو ناكل مع بعض، لكن دلوقتي الوضع اختلف وممكن نستغل الحجر اللي احنا فيه عشان نرجع العادة دي من جديد، اعرفي معانا نصايح وأفكار ازاي تخلي وقت الأكل مع العيلة ممتع ومسلي
نصايح وأفكار ازاي تخلي وقت الأكل مع العيلة ممتع ومسلي
مش لازم كل يوم :
حاولي يكون مواعيد الغداء او العشا والفطار مش كل يوم ، يعني ممكن نبتدي إن نخلي الفطار يوم الجمعة مع بعض ، الغداء كلنا يوم السبت وهكذا، واحدة واحدة هتلاقي بقيتوا بتاكلوا مع بعض كل الوجبات كل يوم، بس خلى الموضوع ييجي تدريجي عشان ولادك مايزهقوش.
شاركي :
خلي ولادك يشاركوكي وانتي بتحضر الغداء أو الفطار، ممكن تسأليهم علي غداء جديد عاوزين يجربوه خاصة لو كانو أطفالك ، ممكن يساعدوكي في تقطيع الخضار أو يغسلوا البطاطس، يساعدوا في ترتيب السفرة، مشاركتهم هتخليهم مهتمين أكتر.
وقت الأكل غير وقت الشاشات:
وقت الغداء لازم تتأكدي إن مفيش تليفزيون اوموبايل اولاب مفتوح قدامهم، تناولك للأكل مش بياخد وقت كبير، وتعتبر الوجبة الأساسية فلازم نكون مهتمين بيها لأن التليفزيون بيشغل الانتباه بشكل كبير وهيأثر علي طفلك وصحته.
نظفي:
طبعا الموضوع مش بيخلص بمجرد الأكل، لازم لما تخلصوا أكل تنظفوا مكان الأكل نظيف وخلي أطفالك يساعدوكي، يعني شخص يمسح التربيزة، شخص يشيل الأكل الباقي في التلاجة، شخص ينضف ويغسل الأطباق، وبكده هيكون عندك فرصة لعائلتك تستمتعوا بوقتكم مع بعض وترجعوا مرتبطين تاني، واهو نستفيد من الحجر بحاجة… رُب ضارة نافعة.
اعرفي معانا كمان عادات خاصة بالتليفون بتقدر تدمر علاقتك مع شريك حياتك.. اعرفيهم واتخلصي منهم