ستايلات الشوز التريندي لموسم الربيع في 2020
بداية موسم جديد معناها انك محتاجة انك تراجعي دولابك وتشوفي ايه اللي انتي محتاجة تضيفيه, والنهاردة من خلال موضوعنا هنساعدك في مهمة اختيار الشوز وهنقولك ستايلات الشوز الموضة للربيع وايه اللي انتي محتاجة تضيفية.
ستايلات الشوز الموضة للربيع:
موضة الثمانينات والتسعينات:
موضة الثمانينات والتسعينات من الموضات اللي رجعت موضة تاني في موسم الربيع في 2020, يعني لو عندك شوز قديم لسه متخلصتيش منه بنقولك انه رجع موضة تاني وتقدري تلبسيه, من ضمنها السنيكرز اللي بأحزمة الموديل القديم اللي كان منتشر في التسعينات, لو عندك الموديل ده فانتي مش محتاجة تشتري واحد جديد للربيع والصيف ده.
الالوان الزاهية:
الشوز بالالوان الزاهية موضة جدا الموسم ده وكمان مناسب اوي للربيع, ولو لاحظنا عروض الازياء العالمية هنلاقي العارضات معتمدين على الاحذية بالالوان الزاهية زي الاصفر والاورانج.
ال Chunky سنيكرز:
الاحذية الرياضية او السنيكرز الضخمة من الحاجات الموضة للموسم ده, والمضوة دي هي بالفعل معانا من 2019 ومكملة ل 2020.
سنيكرز Platform:
لو السنيكرز الضخمة مش الستايل بتاعك, ممكن تجربي السنيكرز ال Platfrom, تعتبر من الاحذية العملية والمريحة جدا وفي نفس الوقت بكعب مريح لو عايزة تلبسي كعب من غير ما تتعبي رجلك اعتمدي على الستايل ده.