ستايلات للربيع بسيطة تقدري تنسقيها بسهولة
لو بتدوري على ستايلات للربيع بسيطة وتقدري تنسقيها بسهولة, النهاردة من خلال موضوعنا هنقولك على اقتراحات بسيطة وهتطلعك بلوك انيق في نفس الوقت, لان اوقات كتير ممكن تكوني محتارة وكمان معنديش وقت انك تنسقي لوك, عشان كده هنقولك شوية نصايح لتنسيق لوك سريع وبسيط.
ستايلات للربيع:
الجينز الابيض:
الربيع هو افضل وقت للبس الجينز الابيض, ده الوقت انك تطلعي الجينز الابيض بتاعك ولو معندكيش وقت بننصحك انك تضيفيه لدولابك, لانه سهل جدا انك تنسقي عليه اي قطعة من فوق واي لون لان الابيض بيمشي معاه كل الالوان.
قطعتين جينز:
ده الوقت المناسب انك تلبسي الموضة المفضلة, بكل بساطة نسقي البنطلون الجينز مع الشيميز الجينز, ممكن تلبسي الجينز الغامق مع شيميز ابيض او فاتح, وعشان تكملي اللوك اختاري شوز نيود.
الجاكيت الجينز:
الجاكيت الجينز واحدة من اتجاهات الموضة اللي تقريبا مش بتبطل ابدا ومعانا كل سنة, وهتساعدك انها تضيف ستايل كاجوال للوك بتاعك.
الكارديجان الجملي:
الكارديجان الجملي هي قطعة تقدري تنقليها معاكي من موسم الخريف للشتا لحد الربيع, ومن الستايلات البسيطة اللي هتحبيها جدا, وممكن تنسقي معاه شوز بطبعة الفهد عشان تكملي اللوك, مع اكسسوارات دهبي عشان تظهري اللوك اكتر.