8 تمارين خفيفة لحرق الدهون تقدري تعمليهم في السرير
في اوقات كتير ممكن نبقى كسلانين اننا نعمل تمارين تساعدنا على تقليل الوزن, ولكن ايه رايك لو تجربي بعض تمارين حرق الدهون اللي ممكن تعمليها بسهولة وانتي على السرير, هو ده اللي هنشوفه النهاردة مع بعض من خلال موضوعنا.
تمارين حرق الدهون:
1- تمرين Russian twist:
1- اقعدي على السرير مع تني الركبتين.
2- ضمي ايديكي الاتنين واشبكي صوابعك في بعض كويس.
3- والايدين الاتنين يبقوا قدام منطقة الصدر.
4- اتأكدي ان البطن مشدودة, والعمود الفقري مستقيم.
5- دلوقتي ارجعي بجسمك لورا شوية, وارفعي رجلك لفوق.
6- حركي الجذع ببطء ناحية الشمال.
7- واثناء تحريك الجذع, حافظي على وضع الايد قريب من منطقة الصدر, جنب الورك الشمال, والايدين مشبوكين في بعض.
8- بعد كده ارجعي للنص التاني.
9- حركي الجذع ناحية اليمين, والايدين تبقى جنب الورك اليمين.
10- بعد كده ارجعي للوضع الاول.
كرري التمرين 10 مرات كل يوم.
2- تمرين Leg lifts:
1- نامي على السرير بشكل مستقيم, وخلي الساقين والعمود الفقري في شكل مستقيم.
2- حطي ايديكي الاتنين ياما ورا ضهرك او ورا راسك.
3- ابدأي ارفعي الساقين لفوق من غير ما تتني ركبتك.
4- ارفعي الرجل لحد ما توصلي لوضع عمودي.
5- بعدها نزلي الساقين ببطء للوضع الطبيعي.
6- والنتايج هتكون فعالة اكتر كل ما نزلتي الساقين ببطء قدر الامكان.
7- واتأكدي ان الساقين ميلمسوش السرير وانتي بتنزليهم اثناء التمرين.
كرري التمرين 20 مرة كل يوم.
3- تمرين Glute bridges:
1- نامي على ضهرك على السرير بشكل مستقيم.
2- خلي ايديكي الاتنين جنبك بحيث راحة الايد تلمس السرير.
3- اتني الركبتين ببطء بحيث يكون القدمين مفرودين على السرير.
4- دلوقتي ابدأي ارفعي منطقة الارداف لفوق.
5- اثناء الرفع اتأكدي انك محافظة على وضع القدمين والايدين على السرير.
6- اثبتي على الوضع ده شوية وحاولي ترفعي المنطقة لفوق على قد ما تقدري, بعدها ارجعي للوضع الطبيعي.
7- وعشان توصلي لنتايج فعالة اكتر, ممكن ترفعي ساق واحدة اثناء رفع منطقة الارداف لفوق, وبعدين كرري مع الساق التانية.
كرري التمرين 10 مرات في اليوم.
4- تمرين ال Plank:
1- اول حاجة خلي جسمك في وضع الضغط على السرير.
2- تكوني تانية الكوعين مباشرة تحت الكتفين.
3- ارفعي جسمك كله باستخدام الكوعين كدعم.
4- لازم يكون جسمك كله في خط مستقيم من اول الراس لحد منطقة القدمين.
5- اتأكدي انك متتنيش ضهرك ولا الفخدين ولا الركبتين اثناء التمرين عشان توصلي لنتايج فعالة.
6- اثبتي على الوضع ده لاطول فترة ممكنة على قد ما تقدري.
7- بعدها رجعي جسمك للوضع الطبيعي.
8- والنتايج هتعتمد على المدة اللي تقدري تثبتي جسمك فيها على الوضع ده.
كرري التمرين مرة واحدة كل يوم.
5- تمرين Front of your thighs:
1- نامي على السرير من غير ما تتني ركبتك.
2- خلي الذراعين جنب جسمك.
3- ارفعي الساق اليمين لفوق من غير تني الركبة, حافظي عليهم في شكل مستقيم.
4- ارفعيها لحد ما الساق توصل لزاوية 90 درجة.
5- الركبتين لازم يكونوا في شكل مستقيم بحيث صوابع الرجل يبقى اتجاهها لفوق.
6- بعدها رجلي الساق للوضع الطبيعي.
7- اعملي نفس الحركة مع الرجل التانية.
كرري التمرين 10 مرات لكل رجل.
6- تمرين Full body crunch:
1- نامي على السرير على ضهرك والساقين يبقوا على السرير مباشرة.
2- حطي ايديكي ورا راسك او على منطقة الصدر.
3- ارفعي القدمين عن السرير واتني الركبتين.
4- لفي جذعك وارفعي منطقة الصدر لفوق, وانتي بتعملي كده لازم يكون في مسافة بين الدقن والصدر.
5- دلوقتي حركي الجزء السفلي والعلوي من جسمك.
6- بعد كده ارجعي بجسمك للوضع الطبيعي.
7- وكعب رجلك المفروض ميلمسش الارض اثناء التمرين.
كرري التمرين 10 مرات.
7- تمرين Superman:
1- نامي على بطنك على السرير.
2- ارفعي الذراعين والساقين ببطء بعيد عن الارض.
3- واثبتي على الوضع ده لمدة ثانيتين تقريبا.
4- وبعدين رجعي الذراعين والساقين للوضع الطبيعي.
5- ضروري جدا تتنفسي كويس اثناء التمرين, وتمدي صوابع الايدين والرجلين عشان توصلي لنتايج فعالة.
كرري التمرين كل يوم من 8 – 12 مرة في مجموعة واحدة او 3 مجموعات.
8- تمرين Scissor legs:
1- نامي على ضهرك وحطي ايديكي تحت منطقة الوركين.
2- ولازم يكون كف الايدين الاتنين متجهة لتحت ناحية الارض.
3- ابدأي رفع الساقين في الهوا بشكل مستقيم وصوابع القدمين تبقى لفوق.
4- نزلي الرجل اليمين ناحية السرير بس من غير ما تلمسه, وبعدين ارفعيها تاني لفوق.
5- اعملي نفس الحركة مع الرجل الشمال وبعدين ارفعيها لفوق.
كرري التمرين 10 مرات كل يوم.
