طريقة عمل بسكويت العشر دقايق بالخطوات والفيديو

بقلمريهام محمود فيحلويات visibility2771

بسكويت العشر دقايق من انواع المعجنات اللي انتشرت اوي الفترة الاخيرة وبقى فيها طلب عليها كتير, لانه بسيط ومش بياخد وقت وسهل التحضير, والنهاردة من خلال موضوعنا هنقول لكل بنات حوا طريقة عمل بسكويت العشر دقايق بالخطوات والفيديو.

طريقة عمل بسكويت العشر دقايق:

المكونات:

– 1 ½  كوباية دقيق.

– 1 معلقة صغيرة بيكنج بودر.

– ½ كوباية سكر.

– ½ كوباية زبدة على زيت او زيت بس او زبدة بس.

– بيضة.

– 1 معلقة صغيرة فانيليا.

طريقة عمل بسكويت العشر دقايق
طريقة عمل بسكويت العشر دقايق

طريقة التحضير:

1- في طبق اخلطي البيض مع السكر والزبدة والفانيليا واضربيهم مع بعض لحد ما الخليط يبقى ناعم.

طريقة عمل بسكويت العشر دقايق

2- ضيفي الدقيق بالتدريج, والبيكنج بودر وقلبيهم مع بعض كويس, ضيفيهم بالتدريج لخليط السكر والزبدة وقلبي لحد ما تتشكل عندك عجينة سمكية.

طريقة عمل بسكويت العشر دقايق

3- وممكن تاخدي جزء من العجينة تضيفي عليه كاكاو وتعملي شوية بالشوكولاتة, ضيفي لها معلقة لبن مع معلقة كاكاو.

4- ابداي اعملي العجينة كور صغيرة وخدي كل كورة اغمسيها في السكر.

5- رصي البسكويت على صينية عليها ورق زبدة, وسيبي مسافة ما بينهم عشان تمنعي انهم يلزقوا في بعض, وشكليها من فوق باي شكل انتي تفضليه.

6- دخلي الصينية الفرن على درجة حرارة متوسطة حوالي 180 درجة مئوية, لمدة من 15 – 20 دقيقة لحد ما ياخد لون دهبي فاتح من تحت, وبعدين طلعيه وسيبيه لحد ما يهدى ويبرد شوية.

7- وكده البسكويت يبقى جاهز ممكن تاكليه مع الشاي.

الطريقة بالفيديو:

اسهل وصفة حلويات: ترافل الشوكولاتة بالحليب المكثف بمكونين اتنين بس

ترافل الشوكولاتة