10 عادات طبخ سيئة بنعملها ومش عارفين انها خطر على حياتنا.. اعرفيهم واتجنبيهم

بقلمآية حسان فيمنوعات visibility259

كلنا عارفين ان الطبخ له مزايا كتيرة أوي أهمهم أنه بنكون عارفين كل الاحتياجات الغذائية الضرورية في حياتنا بس طبعا عشان نحافظ علي أكلنا نضيف وآمن لازم نتبع بعض القواعد الاساسيه، عشان كده في المقال ده هنقولك 10 عادات طبخ سيئة بنعملها ومش عارفين انها خطر على حياتنا.. اعرفيهم واتجنبيهم 

10 عادات طبخ سيئة بنعملها ومش عارفين انها خطر على حياتنا.. اعرفيهم واتجنبيهم

1- بتسيبي اللحوم تفك بره التلاجة:

درجات الحرارة من 41 درجة الي 140 درجة فهرنهايت مابين الدرجات دي المواد الغذائية كفيله إنها يكون فيها بكتيريا خطيرة وضارة جدا عشان كده أفضل حل إنك تذوبي اللحوم في التلاجة او الميكرويف، يعني ماتسيبهاش تفك بره في درجة حرارة الغرفة العادية. 

بتسيبي اللحوم تفك بره التلاجة
بتسيبي اللحوم تفك بره التلاجة

2- غسل اللحوم النية :

كلنا عندنا الفكرة أن احنا نغسل أي حاجه ونشطفها كويس حتي في اللحوم سواء كان لحوم، لحم خروف، فراخ وده غلط تماما لأنه بيسبب أضرار وبكتيريا ممكن توصل للمكان اللي حواليه والاسطح وكمان أدوات المطبخ .

عادات طبخ سيئة
غسل اللحوم نية

3- تبريد الأكل قبل مايدخل التلاجة :

نفس فكرة ذوبان اللحوم ووجود بكتيريا خطيرة عشان كده غلط جدا إنك تسيبي أي منتج برة، دايما حطي الاكل مباشرة داخل التلاجة اول لما حرارته تبقى هادية، وسيبيه في التلاجة لمدة ساعة أو ساعتين.

تبريد الأكل بره التلاجة

4- بتدوقي الأكل عشان تتأكدي انه سليم:

كلنا لما نيجي نجرب أكل سبناه بره كتير أو جوه التلاجة فترة كبيرة بنشوف شكله أو نشم ريحته الأول، وده برده غلط لأن مستحيل تتعرفي علي البكتيريا الموجودة بالطريقة دي وان فيه بكتيريا صغيرة جدا ماتغيرش الطعم ولا الريحة وممكن تسبب تسمم خطير للاسف، عشان كده ديما اتخلصي من اي منتج عندك شك أنه فاسد .

بتدوقي الأكل عشان تتأكدي انه سليم

5- تجربة العجين الخام :

تقريبا معظمنا بيحب يدوق العجين وخصوصا عجين الكيك والكب كيك والمعجنات قبل ما يتخبز،  بس للاسف ده طلع ضار جدا لأن البيض اللي بيكون موجود بيكون ني وفيه بكتيريا السالومنيلا، وكمان الدقيق ممكن يكون فيه نوع اسمه الاشريكية القولونية وممكن تسبب عدوي سيئة تسبب مرض شديد.

تجربة العجين الخام

6- تتبيل اللحم أو السمك بالخارج :

ده طبعا غلط كبير لأنك ممكن تتعرضي للتسمم بسبب ظهور البكتيريا وتراكمها على اللحوم أو الأسماك وحتى منتجات الدجاج وهي بره التلاجة، فحتى لو هتبليها او هتنقعيها ضروري جدا جدا تحطيها في التلاجة فوراً. 

تتبيل اللحم أو السمك بالخارج

7- طبخ اللحوم والأسماك غلط:

الأكل هيكون ديما آمن ونظيف لما يسخن علي درجة حرارة معينة ودي أفضل طريقة عشان تضمني اختفاء البكتيريا، عشان كده اتأكدي دايما انك تسوي اللحوم والفراخ والاسماك بشكل جيد لحد تمام النضج في درجة حرارة متوسطة لعالية. 

طبخ اللحوم والأسماك

8- عدم غسل اليد قبل الطبخ :

البكتيريا بتعيش في كل مكان وعلي جميع الأسطح بما فيهم الايد، مابالك انتي لمستي كام سطح بايدك خلال يومك؟، فلما تيجي تجهزي الأكل وانتي مش غاسله ايدك هتنقلي كل البكتيريا للأكل. وطبعا ماتنسيش تغسلي ايدك كويس بعد ما تخلصي .

عادات طبخ سيئة
لازم تغسلي ايدك

9- شراء الدجاج المحقون بمحلول الملح او فيه ماية :

بعض شركات الدواجن او اللحوم بتضيف محلول ملحي او مياة في المنتجات دي عشان حجمها يزيد، أو لحفظها طبعا المنتجات دي مش آمنة فعشان كده خلي بالك وانتي بتشتري المنتجات دي وتقري مكوناتها كويسن وتجنبيها بشكل كامل، حاولي تعتمدي اكتر على المنتجات الفريش. 

ابعدي عن المنتجات المحقونة

10- تعريض العسل لدرجة حرارة عالية :

العسل بيدخل في طبخات كتيرة حلوة وحادقة،  لما بيتعرض لدرجة حرارة عاليك للاسف بيفقد جودته وقيمته الغذائية وكمان ممكن يسبب بعض المركبات السرطانية عشان كده حاولي متحطيش العسل مع المشروبات السخنة .

عادات طبخ سيئة
تسخين العسل

اعرفي معانا كمان افكار جديدة للعشاء سهلة جدا