نصايح النضافة الشخصية اللي لازم كل بنت تعملها

بقلمريهام محمود فيبشرة visibility1979

الاهتمام بنضافة الجسم والعناية بالنضافة الشخصية مهمة جدا لكل بنت, والنهاردة من خلال موضوعنا هنساعدك في المهمة دي وهنقول لكل بنات حوا نصايح النضافة الشخصية العامة, بالاضافة لنصيحتين للنضافة الخاصة بفترة الدورة الشهرية.

نصايح النضافة الشخصية:

– النضافة العامة: النصيحة (1) التطهير والتقشير:

الحفاظ على نضافة الجسم بيساعد على قتل البكتيريا الضارة, وبالظبط زي الوش الجسم كمان بيحتاج لتقشير.

او حاجة اغسلي جسمك بمية دافية عشان تفتحي المسام, بعدها قشري الجسم باي نوع مقشر طبيعي بتستخدميه, ونضفيه باستخدام غسول الجسم, ومتنسيش المرطب في الاخر بعد ما تنشفي جسمك.

نصايح النضافة الشخصية
نصايح النضافة الشخصية

– النضافة العامة: النصيحة (2) التخلص من الروايح الكريهة:

لو فاكرة ان ريحة الجسم ممكن تغطيها بمزيل عرق, احنا النهاردة بنقولك ان مزيل العرق او البرفيوم بيغطي على الريحة بس ولكن مش بيخلصك منها.

لو انتي جسمك ليه ريحة كريهة بشكل طبيعي, بننصحك انك تستخدمي زيوت عطرية مع المية اللي بتستحمي بيها, ممكن تملي البانيو بمية دافية وتحطي فيها كام نقطة من اي نوع زيت عطري مفضل عندك وتنقعي جسمك فيه شوية.

الزيت العطري بيساعد على تنضيف الجسم, وبيقتل البكتيريا, وهيحل مشكلة ريحة الجسم الكريهة.

نصايح النضافة الشخصية

– النضافة العامة: النصيحة (3) قص شعر العانة:

كلنا اكيد عارفين قد ايه مهم ازالة الشعر من منطقة البكيني, ولكن معظمنا ميعرفش ان الشعر في المنطقة دي بيساعد على موازنة مستوى الرقم الهيدروجيني في منطقة البكيني.

عشان كده بنقول ان ازالته تماما باستمرار ممكن يضر اكتر من انه ينفع, عشان كده نصيحتنا هنا انك تقصيه وتخلي الشعر قصير في المكان ده.

نصايح النضافة الشخصية

– النضافة العامة: النصيحة (4) الملابس الداخلية:

الجسم بيفرز كتير من الافرازات والرطوبة, وعشان تضمني امتصاصها, مهم انك تلبسي بانتي بخامة قطن, اكيد في بنات كتير بيتشدوا اكتر للحاجات اللي فيها تفاصيل او شبك او دانتيل, ولكن مهم جدا اننا نعرف انه مع الملابس الداخلية الامتصاص هو المفتاح للحفاظ على نضافة المنطقة.

نصايح النضافة الشخصية

– النضافة العامة: النصيحة (5) العناية بعد التمرين:

لو انتي بتمارسي تمارين رياضية, يبقى ضروري جدا بعد التمرين تغيري كل الهدوم بتاعتك, وملابسك الداخلية, لان مع التمرين الجسم بيفرز عرق كتير فمهم جدا انك تغيري كل هدومك بتاعة التمرين.

– النضافة لفترة الدورة الشهرية: النصيحة (1) غيري الفوطة باستمرار:

بننصحك انك تغيري الفوطة الصحية او ايا كان الوسيلة اللي بتستخدميها للحماية كل 4 ساعات, بغض النظر عن كمية تدفق الدم, يعني حتى لو قليل لازم تتغير باستمرار برضه.

لان الفوطة لما متتغيرش في الوقت المحدد او تستخدميها لفترة طويلة, البكتيريا بتبدأ تتراكم في المكان, وده هيأدي لعدوى المهبل والفطريات.

– النضافة لفترة الدورة الشهرية: النصيحة (2) تجنب الغسيل المهبلي:

اكيد عارفين ومتفهمين ان اي بنت في الفترة دي بتبقى متضايقة من الريحة السيئة اللي بتكون موجودة في فترة الدورة الشهرية, ولكن مع ذلك الغسيل المهبلي مش حل, لان تنضيف المهبل والاجزاء الداخلية منه بالصابون ممكن انه يتسبب في رجوع البكتيريا وبقايا الدورة الشهرية للدخول في الجهاز التناسلي, وده ممكن يسبب التهاب الحوض.

عشان كده بدل ده بننصحك انك في الفترة دي تنضفي المنطقة بالمية الدافية لقتل البكتيريا واستخدام صابون خفيف بمستوى معادل في درجة الحموضة عشان تحافظي على صحة المنطقة الحساسة.

روتين العناية بالمنطقة الحساسة عشان تحافظي عليها صحية

روتين العناية بالمنطقة الحساسة