طريقة عمل الرافيولي بتلات انواع مختلفة من الجبنة

الرافيولي من اشهر اطباق الباستا الايطالية, ومن الاكلات اللذيذة جدا, واللي ممكن تنوعي فيها وتعمليها باكتر من طريقة واكتر من نوع صوص مختلف, النهاردة هنشوف مع بعض طريقة عمل الرافيولي بتلات انواع جبن مختلفة, وطريقة صوص الرافيولي مع اللحمة المفرومة.

طريقة عمل الرافيولي:

المكونات:

– 2 بيضة.

– 1 كوباية جبنة ريكوتا.

– 1 كوباية جبنة موتزاريلا مبشورة.

– ¼ كوباية جبنة بارميزان مبشورة.

– 2 معلقة كبيرة زعتر.

– ½ معلقة صغيرة + 1 معلقة كبيرة ملح منفصلين.

– 2 – 4 معالق كبيرة دقيق لجميع الاغراض.

– عجينة باستا.

طريقة عمل الرافيولي
طريقة عمل الرافيولي

طريقة عجينة الباستا:

– 2 ¼ كوباية دقيق.

– 3 بيضات كبار.

– ذرة ملح.

في طبق كبير حطي الدقيق واعملي حفرة في نص الدقيقي وضيفي البيض والملح, واعجينهم مع بعض لحد ما العجينة تبقى ناعمة وسلسة معاكي, لفيها بورق بلاستيك وسيبيها ترتاح لمدة 20 دقيقة, وكده تبقى جاهزة للاستخدام.

طريقة عمل عجينة الباستا
طريقة عمل عجينة الباستا

طريقة تحضير الرافيولي:

1- اجمعي المكونات كلها قدامك عشان تبقى سهلة عليكي.

طريقة عمل الرافيولي

2- في طبق كبير اضربي البيض بالمضرب اليدوي.

طريقة عمل الرافيولي

3- ضيفي للبيض الجبنة الريكوتا, والجبنة الموتزاريلا, والجبنة البارميزان, والزعتر, و ½ معلقة صغيرة ملح, اخلطي المكونات كلها مع بعض كويس.

طريقة عمل الرافيولي

4- حطي كوباية مية كبيرة على النار وسيبيها تغلي, واثناء ده رشي الرخامة بالدقيق.

طريقة عمل الرافيولي

5- سيبي المية تبرد شوية لحد ما تاخد درجة حرارة الغرفة, واستخدمي سكينة او قطاعة لتقسيم عجينة الباستا من 4 – 6 اجزاء متساوية وغطيها بكيس بلاستيك.

طريقة عمل الرافيولي

6- خدي قطعة من العجينة افرديها في مكنة الباستا, او على الرخامة بالنشابة لحد ما توصلي لسمك رفيع حوالي من 5 – 6 بوصات.

7- بمعلقة صغيرة خدي من خليط الجبنة اللي حضرناه ووزعيه على العجينة, وخلي ما بين كل معلقة والتانية حوالي 2 بوصة في الجزء اللي تحت من العجينة.

8- استخدمي صوباعك بليه بالمية ورطبي المنطقة اللي حوالين كل قطعة من الحشو, وبعدين اتني الجزء اللي فوق من العجينة على الحشو, واضغطي عليه حوالين الحشو عشان تقفليه كويس وتخرجي منه اي هوا.

9- باستخدام سكينة حادة او قطاعة الباستا او قطاعة البيتزا, قصي كل قطعة رافيولي لوحدها.

10- رصي الرافيولي على ورق زبدة او ورق خبز, وكرري نفس الخطوات مع باقي العجينة لحد ما تخلصي الحشو كله, وممكن بعدها تحطي الرافيولي في التلاجة وغطيها بغلاف بلاستيك, وسيبيها لمدة يوم كامل تقريبا قبل ما تطبخيها.

طريقة طبخ الرافيولي:

1- هاتي حلة كبيرة حطي فيها مية و1 معلقة كبيرة ملح وسيبيها تغلي, وبعدين ضيفي لها الباستا.

2- سيبيها تغلي لمدة من 3 – 4 دقايق, او لحد ما الباستا تطلع على وش المية فوق كده تبقى استوت.

وكده الرافيولي يبقى جاهز تقدري تضيفي له اي نوع صوص تفضلية, سواء صوص احمر, صوص ابيض, بشاميل, او طماطم مجففة, او صوص زيتون, او حتى تتحمر في الزبدة بس وتضيفي لها على الوش جبنة بارميزان بس, واحنا النهاردة هنقولكم على طريقة صوص باللحمة المفرومة.

طريقة صوص الرافيولي باللحمة المفرومة:

المكونات:

– ½ كيلو لحمة مفرومة.

– 2 كوباية صلصة طماطم او مارينارا صوص.

– 1 كوباية لبن.

– 1 معلقة كبيرة توابل ايطالية.

– 1 معلقة صغيرة ملح.

– 1 معلقة صغيرة سكر.

– 1 معلقة صغيرة ثوم مفروم.

– 700 جرام رافيولي مجمدة او مبردة.

– ريحان طازة للتزيين.

طريقة صوص الرافيولي
طريقة صوص الرافيولي

طريقة التحضير:

1- في حلة او طاسة حطي اللحمة وسيبيها لحد ما تتحول للون البني وتنزل كل الدهون بتاعتها, واتخلصي من كل الدهون الزيادة.

2- ضيفي لها صلصة الطماطم, اللبن, التوابل الايطالية, الملح, السكر, الثوم, قلبي المكونات كلها مع بعض كويس.

طريقة صوص الرافيولي

3- ضيفي الرافيولي وقلبيه مع باقي المكونات.

4- غطي الحلة وسيبي الخليط يغلي لمدة 10 دقايق تقريبا, وقلبيها من وقت للتاني.

5- بعدها ارفعي الحلة من على النار, قدمي الرافيولي في طبق وزينيه باوراق الريحان.

طريقة عمل ارز الريزو مع الفراخ من كنتاكي

طريقة عمل ارز الريزو بالفراخ