9 نصايح هتساعدك في اختيار شنطة متأذيش ضهرك

بقلمريهام محمود فيموضة وأزياء visibility271

الشنطة ممكن يكون ليها تأثير كبير على جسمنا وخصوصا منطقة الضهر والكتف اللي بيكون متركز عليهم وزن الشنطة, عشان كده مهم جدا انك تعرفي ازاي تختاري الشنطة اللي متضرش جسمك, والنهاردة من خلال السطور الجاية هنقولك ممكن نصايح لاختيار الشنطة بطريقة صح.

نصايح لاختيار الشنطة بطريقة صح:

1- اعتمدي على الشنطة اللي تكون قريبة من الجسم:

لما تختاري شنطة تكون قريبة من جسمك, الوزن هيتوزع بالتساوي وهتبقى مريحة اكتر, عشان كده بننصحك تعتمدي على الشنطة الكروس, لان الوزن بتاعها هيتوزع على الجسم, وكمان الافضل انك تغيري الجنب من وقت للتاني.

نصايح لاختيار الشنطة بطريقة صح
نصايح لاختيار الشنطة بطريقة صح

2- اتجنبي الشنط اللي ايدها قصيرة اوي:

اتجنبي موديلات الشنط اللي بتكون ايدها قصيرة اوي وبتتشال على الذراعين, اعتمدي على الشنط اللي بيدعمها اجزاء اقوى في الجسم زي ظهرك, كتفك او اي اجزاء تانية اقوى في الجسم, لان شيل الشنطة على الذراع بس ممكن انه يسبب لك مشاكل في منطقة الكوعين, الكتف, المعصم, والرقبة.

نصايح لاختيار الشنطة بطريقة صح

3- خدي بالك من وزن الشنطة:

مهم جدا انك تاخدي بالك من وزن الشنطة, لانك لسه هتشيلي حاجات جواها, فلازم تفكري ان وزنها هيزيد اكتر وهتبقى اتقل لو هي في الاصل كمان وزنها تقيل, والمفروض وزن الشنطة المناسب ميزدش عن 10% من وزن جسمك.

نصايح لاختيار الشنطة بطريقة صح

4- ابعدي عن الموديلات اللي فيها سلسلة:

على الرغم من ان السلاسل من الحاجات اللي بتخلي الشنطة شكلها يبقى انيق اكتر, لكن مش هي الاختيار الافضل لما الموضوع يكون متعلق براحة جسمك, لانها بتبقى تقيلة ومش مريحة, الافضل انك تعتمدي على الايد الناعمة والقصيرة اللي مش هتسبب لك اي اذى.

نصايح لاختيار الشنطة بطريقة صح

5- جربيها في المحل:

في بعض الاوقات في حاجات في اللبس مش بتبقى زي الشكل لما بنشوفه من بعيد كده بس, عشان كده مهم جدا انك تجربي الشنطة في المحل قبل ما تشتريها, عشان تشوفي شكلها عليكي وقربها من جسمك, وتختبري وزنها, وتشوفي لو الايد بتاعتها مريحاكي ولا لا, وتتأكدي انك تختاري افضل موديل مناسب ليكي.

نصايح لاختيار الشنطة بطريقة صح

6- اختاري الموديلات الصغيرة:

اختاري موديلات الشنط القصيرة, عشان تضمني انها مش هتعمل وزن زيادة على جسمك, لانها هتبقى اخف وزن لانها معمولة من مواد او خامات اقل, بالاضافة انها هتخليكي متشليش حاجات كتير, وهتحطي فيها الحاجات المهمة بس.

7- اختاري شنطة بتصميم كويس:

لو الشنطة ليها Shape او شكل محدد, وقاعدة صلبة او متينة, ومتقسمة من جوه بشكل كويس, هتحافظ على توزيع الوزن كويس على الجسم كله, اختاري الموديلات اللي فيها المميزات دي عشان متأذيش جسمك, وفي الحالة دي مش مهم حجم الشنطة مادام بتديكي الدعم الكويس للجسم.

8- اختاري الشنط اللي بتتشال على الاجزاء الاقوى في الجسم:

افضل اختيار للشنطة هيكون هو للموديل اللي بيتشال على اقوى الاجزاء في الجسم, عشان كده تعتبر شنطة الضهر وشنطة الوسط من الاختيارات الصح جدا اللي تقدري تشيلي فيها حاجتك من غير ما تتعب جسمك, لان الضهر وفقرات اسفل الضهر ممكن انها تشيل وزن اكبر من الرقبة, واعلى الضهر, والذراعين.

9- اختاري الايد العريضة:

الايد او الحزام العريض للشنطة هو الاختيار الافضل, لان الايد الرفيعة ممكن تأذي البشرة عند منطقة الكتف, بالاضافة انها مش هتديكي الدعم الكافي عشان تتحمل وزن الحاجات اللي هتتحط جواها, عشان كده الافضل لراحة جسمك انك تعتمدي على الشنط اللي ايديها عريضة.

حاجات لازم تحطيها في الاعتبار قبل ما تشتري شنطة اليد

اسس اختيار شنطة اليد
اسس اختيار شنطة اليد