روتين ليلي للعناية بالبشرة للحصول على بشرة نضرة وصحية

ريهام محمود
ريهام محمود
في
بشرة
2470

هل عند روتين ليلي لبشرتك؟ البشرة بتحتاج قبل النوم عناية عشان تصحي تاني يوم تبقى بشرتك شكلها نضر وصحية, والنهاردة من خلال السطور الجايه هنشارك معاكم روتين ليلي للعناية بالبشرة هيحافظ على بشرتك صحية ومشرقة.

روتين ليلي للعناية بالبشرة:

1- المنظف:

المكونات:

2 معلقة صغيرة لبن.

1 معلقة صغيرة عسل.

الطريقة:

1- في بولة صغيرة اخلطي اللبن مع العسل كويس.

2- حطي الخليط على بشرتك ودلكيه في حركات دائرية لمدة 5 دقايق.

3- بعدها اغسلي البشرة بمية باردة.

تقدري تستخدمي المنظف ده مرة في اليوم او قبل النوم, لانه هيشيل اي اثار مكياج من على البشرة وهينضف البشرة قبل النوم.

اللبن بيساعد على تقليل تصبغات البشرة, وترطيب البشرة, وعلاج حب الشباب, وعلاج حروق الشمس.

العسل بيحتوي على خصائص طبيعية مهدئة وعلاجية, وبيساعد على تغذية البشرة وازالة الندبات.

روتين ليلي للعناية بالبشرة 1
روتين ليلي للعناية بالبشرة 1

2- تقشير البشرة:

المكونات:

1 معلقة صغيرة رده او سكر او جوز هند مبشور.

1 معلقة كبيرة زبادي.

الطريقة:

1- اخلطي الرده مع الزبادي كويس.

2- حطي الخليط عى البشرة ودلكية في حركات دائرية لمدة 5 دقايق.

3- سيبيه لحد ما ينشف على البشرة.

4- وبعدين اغسلي البشرة بمية فاترة وافركيها في حركات دائرية اثناء الغسيل.

كرري المقشر ده من مرة لمرتين في الاسبوع.

الزبادي بتساعد على ترطيب البشرة وتفتيحها, وبيحسن من مرونة الجلد, وبيقلل من الخطوط الرفيعة والتجاعيد.

روتين ليلي للعناية بالبشرة 2
روتين ليلي للعناية بالبشرة 2

3- سيروم ليلي:

المكونات:

2 معلقة كبيرة من جل الالوفيرا.

2 معلقة كبيرة مية ورد.

1 معلقة صغيرة من زيت اللوز الحلو.

1 معلقة صغيرة من زيت فيتامين E.

الطريقة:

1- اخلطي المكونات كلها مع بعض كويس.

2- حطي الخليط في ازازة سبراي, ورشي الوش كله.

3- دلكي البشرة وبعدين سيبيه لحد ما ينشف لمدة 10 دقايق, او سيبيه على البشرة طول الليل واغسليه الصبح بمية فاترة.

تقدري تستخدمي السيروم ده يوميا قبل النوم.

زيت فيتامين E بيقلل من الالتهابات وبيخلي البشرة تبان اصغر.

الصبار بيحتوي على خصائص تبريد بتساعد على تهدئة البشرة من حروق الشمس.

روتين ليلي للعناية بالبشرة 3
روتين ليلي للعناية بالبشرة 3

4- كريم مرطب ليلي:

المكونات:

2 معلقة كبيرة مية ورد.

1 معلقة كبيرة من زيت اللوز الحلو.

1 معلقة كبيرة من زيت الزيتون.

1 معلقة كبيرة جليسرين.

الطريقة:

1- اخلطي المكونات كلها مع بعض كويس.

2- خدي من الكريم ادهني بيه البشرة كلها.

3- سيبيه طول الليل واغسليه الصبح.

استخدمي الكريم ده كل يوم قبل النوم.

الجليسرين هايل جدا للبشرة لانه بيسحب المية من الهوا لبشرتك لترطيبها من غير ما يخليها دهنية, كمان ليه فوايد مهدئة للبشرة وبيحافظ على رطوبة البشرة.

مية الورد بتحافظ على توازن درجة حموضة البشرة وبالتالي يعتبر تونر طبيعي للبشرة.

روتين ليلي للعناية بالبشرة 4

5- كريم ليلي ضد التجاعيد:

المكونات:

1 ثمرة افوكادو.

½ كوباية زبادي.

1 بيضة.

الطريقة:

1- في طبق اخلطي البيض والزبادي واضربيهم مع بعض كويس.

2- ضيفي لهم الافوكادو واضربي كل المكونات مع بعض في الخلاط لحد ما يبقى عندك خليط كريمي ناعم.

3- حطي من الخليط على البشرة وسيبيه لحد ما ينشف, وبعدين اغسليه بالمية.

ممكن تستخدمي الكريم ده مرتين في الاسبوع.

وتقدري تحفظي باقي الكمية في برطمان محكم الغلق في التلاجة.

الكريم ده هيساعد على التخلص من التجاعيد والخطوط الرفيعة.

الافوكادو بيحتوي على زيت طبيعي بيخترق الجلد بعمق, وبيساعد على الحفاظ على نعومة البشرة, وبيعزز مناعة بشرتك.

روتين ليلي للعناية بالبشرة 5

مقالات متعلقه

علاج بوتوكس طبيعي تعمليه في البيت بمكونات بسيطة

علاج بوتوكس طبيعي تعمليه في البيت بمكونات بسيطة

3 نقط من السيروم ده هتخليكي ماتحتاجيش للمكياج

3 نقط من السيروم ده هتخليكي ماتحتاجيش للمكياج

مكون واحد بس لمنع علامات الشيخوخة

مكون واحد بس لمنع علامات الشيخوخة