قلقانة من ظهور التجاعيد؟ اعرفي أفضل 6 ماسكات طبيعية لعلاج تجاعيد العين تقدري تعمليهم في البيت

آية حسان
آية حسان
في
بشرة
1004

منطقة العيون من أهم مناطق الوجه اللي لازم تهتمي بيها لأنها هيا اللي بتبرز جمالك وتفاصيله، عشان كده لازم تحاربي تجاعيد منطقة العين من بدري وتهتمي ببشرتك، وده مش بالضرورة يكون معناه انك تصرفي مبالغ كبيرة على المستحضرات الغالية ومراكز التجميل، في المقال ده هنقولك على أفضل 6 ماسكات طبيعية لعلاج تجاعيد العين تقدري تعمليهم في البيت

قلقانة من ظهور التجاعيد؟ اعرفي أفضل 6 ماسكات طبيعية لعلاج تجاعيد العين تقدري تعمليهم في البيت

1- ماسك اللبن البارد

لتحضير الماسك ده كل اللي هتحتاجيه معلقتين او 3 معالق من اللبن البارد، وقطعة قطن طبية نضيفة بليها كويس باللبن وسيبي قطعة على كل عين من 10 لـ 15 دقيقة او لحد ما تنشف على عينيكي، وبعد كده اغسلي وشك بمياة باردة وكرري كل ما تحتاجي. 

ماسك اللبن البارد
ماسك اللبن البارد

2- ماسك الشوفان واللبن

لتحضير ماسك الشوفان واللبن هتحتاجي  معلقة من دقيق الشوفان أو الشوفان المطحون ومعلقتين كبار من اللبن.

طريقة التحضير: 

في طاسة او حلة صغيرة، اغلي اللبن  لمدة 2-3 دقائق، وضيفي إليه دقيق الشوفان، امزجي المكونات كويس لحد ما تكون معجون ناعم، حطي القناع حوالين عينيكي، ودلكي  بلطف في حركات دائرية لمدة 2-3 دقائق، وبعدين سيبيه لحد ما ينشف يعني حوالي لمدة 20 دقيقة، وبعد كده اغسليه بالمياة الباردة، وكرري الماسك ده 3 مرات في الاسبوع. 

ماسك الشوفان واللبن
ماسك الشوفان واللبن

3- ماسك الزبدة والموز 

تالت ماسك معانا من ماسكات طبيعية لعلاج تجاعيد العين هو ماسك الزبدة والموز، هتحتاجي لتحضيره معلقة من الزبدة ومعلقة من الموز المهروس.

طريقة التحضير: 

امزجي الموز مع الزبدة واهرسيهم مع بعض كويس لحد ما يكونوا مزيج متجانس، وافرديهم حوالين كل عين ودلكي برفق لمدة دقيقتين وبعد كده سيبي الماسك على عينيكي لمدة ربع ساعة، وبعد مرور الوقت اغسلي وشك بمياة فاترة، كرري الماسك من مرتين لـ3 مرات في الاسبوع. 

مسك الزبدة والموز
مسك الزبدة والموز

4- ماسك زيت الزيتون والبطاطس

امزجي معلقتين لـ3 معالق من البطاطس المهروسة مع معلقة كبيرة من زيت الزيتون وقلبيهم كويس، وافردي المزيج حوالين عينيكي ودلكيه برفق لمدة 3 دقايق، في حركة دائرية، وسيبيه حوالين عينيكي لمدة 20 دقيقة وبعد كده اغسلي وشك بمياة باردة، كرري الماسك ده من مرتين لـ3 مرات في الاسبوع.

ماسك زيت الزيتون والبطاطس
ماسك زيت الزيتون والبطاطس

5- ماسك الأناناس واللبن والعسل

المكونات:

نص كوباية من لُب الأناناس المهروس. 

نص معلقة من الزبادي.

نص معلقة من العسل الأبيض. 

طريقة التحضير: 

في بولة اهرسي لُب الأناناس باستخدام شوكة، وبعد كده ضيفي الزبادي والعسل، قلبيهم مع بعض كويس لحد ما يكونوا مزيج متجانس وافرديه حوالين عينيكي ودلكي برفق لمدة دقيقتين، وسيبيه على وشك حوالي 20 دقيقة او لحد ما ينشف تماما، وبعد كده اغسلي وشك بمياة باردة وكرري الماسك ده مرة او مرتين في الاسبوع. 

ماسك الأناناس واللبن والعسل
ماسك الأناناس واللبن والعسل

6- ماسك الحلبة: 

لتحضير الماسك ده هتحتاجي حوالي ربع كوباية من بذور الحلبة المغسولة والمجففة، ونص كوباية من المياة.

طريقة التحضير: 

في الكبة ضيفي بذور الحلبة مع المياة واهرسيهم مع بعض لحد ما يكونوا معجون ناعم، افرديه حوالين عينيكي ودلكي برفق لمدة دقيقتين، وسيبيه على وشك حوالي 10 دقايق او لحد ما ينشف تماما، وبعد كده اغسلي وشك بمياة باردة وكرري الماسك ده مرتين او 3 مرات في الاسبوع. 

ماسك الحلبة
ماسك الحلبة

اعرفي معانا كمان 4 خطوات في روتين البشرة للعروسة لازم تبدأهم قبل الفرح بشهر

مقالات متعلقه

علاج بوتوكس طبيعي تعمليه في البيت بمكونات بسيطة

علاج بوتوكس طبيعي تعمليه في البيت بمكونات بسيطة

3 نقط من السيروم ده هتخليكي ماتحتاجيش للمكياج

3 نقط من السيروم ده هتخليكي ماتحتاجيش للمكياج

مكون واحد بس لمنع علامات الشيخوخة

مكون واحد بس لمنع علامات الشيخوخة