طرق لاستغلال وقت الفراغ في البيت بشكل مفيد

ريهام محمود
ريهام محمود
1296

منقدرش نعتبر وقت الفراغ اللي بنقضيه في البيت وقت فراغ عادي, لانه لو هنبص له كده ونقضيه بشكل مش مفيد كده هيبقى وقت ضايع مش وقت فراغ, لان وقت الفراغ ممكن جدا اننا نملاه بحاجات مفيدة, وده اللي هنحاول اننا نشاركه معاكم النهاردة, وهنقولكم طرق لاستغلال وقت الفراغ بشكل مفيد وازاي تستفيدي بالوقت ده لاقصى حد.

طرق لاستغلال وقت الفراغ في البيت:

اولا تعريف سريع كده لوقت الفراغ, هو الوقت اللي بيكون مافيش عندنا مذاكرة ولا شغل ولا اي مهام اساسية ورانا المفروض نعملها, في الحالة دي هندور على حاجات مفيدة نقدر نملى بيها الوقت ده.

1- قراءة كتاب مفيد:

اول حاجة نقدر نعملها في البيت وتبقى متاحة لينا في وقتنا فراغنا هي القراءة, وبننصحك انك تعتمدي على الكتاب الورقي مش كتاب اون لاين او على الكمبيوتر, لان الكتاب الورقي بيكون ليه متعة اكبر, تقدري تختاري اي كتاب في اي مجال انتي تحبي تقري فيه وتزودي فيه معلوماتك, او حتى تقري قصص او روايات سواء طويلة او قصيرة.

طرق لاستغلال وقت الفراغ 1
طرق لاستغلال وقت الفراغ 1

2- مشاهدة فيلم:

تاني حاجة تقدري تستغلي بيها وقتك في البيت, انك تتفرجي على فيلم حلو, سواء لوحدك او مع اسرتك ويبقى وقت تجمع عائلي وتقضوا وقت حلو مع بعض, تقدري تختاري اي نوعية افلام تحبي تتفرجي عليها او افلام لفنانك المفضل.

طرق لاستغلال وقت الفراغ 2
طرق لاستغلال وقت الفراغ 2

3- ممارسة هواية:

مافيش شك ان اشخاص كتير ممكن يكون عندهم هوايات قديمة واهملوها او نسيوها من مشاكل وضغوطات الحياة, وقت الفراغ هو الوقت المناسب انك ترجعي تمارسي الهواية دي تانية, سواء اشغال يدوية, رسم, تصميم, طبخ, زراعة, اي هواية كنتي بتمارسيها قبل كده ومكنش عندك الوقت انك تعمليها.

طرق لاستغلال وقت الفراغ 3
طرق لاستغلال وقت الفراغ 3

4- تعلم حاجات جديدة:

لو انتي معندكيش هواية معينة ممكن تتعلمي حاجة جديدة, ودلوقتي بقى في فيديوهات ومواقع تعليمية كتير مجانية على الانترنت تقدري تستفادي منها وتتعلمي حاجة جديدة.

ممكن تتعلمي لغة جديدة, كمان بقى متاح على الانترنت فيديوهات تعليمية ومواقع مجانية لتعلم اللغة, ومش بس كده الموضوع بقى اسهل كمان انه في ابليكيشن كتير جدا على الموبايل لتعلم اللغة وبتكون مفيدة جدا, ممكن تستخدموا تطبيق دولينجو Duolingo, او تطبيق Hello Talk, دي تطبيقات بتيح لك انك تتعلمي اي لغة انتي عايزاها.

طرق لاستغلال وقت الفراغ 4
طرق لاستغلال وقت الفراغ 4

5- التفكير في اي حاجة شغلاكي:

وقت الفراغ ممكن نستغله في التفكير بشكل اكتر هدوء في اي موضوع او مشكلة ممكن تكون بتشغلك ومكنتيش لاقية الوقت انك تفكري في حل ليها بشكل صح, او تفكري في خططك المستقبلية وعايزة تعملي ايه, وقت الفراغ هو الوقت المناسب لده, خصوصا لو الحاجة اللي انتي بتفكري فيها محتاجة ذهن صافي, هتلاقي ان الحلول لاصعب المشاكل ممكن انها تجيلك في وقت فراغك.

طرق لاستغلال وقت الفراغ 5

6- الجلوس مع اطفالك:

لو عندك اطفال ومشاغل الحياة او ظروف شغلك خلتك تنشغلي عنهم شوية ومش بتقعدي معاهم وقت كافي, يبقى وقت الفراغ ده هو انسب وقت عشان تقعدي معاهم وتقضي معاهم وقت اكتر, ممكن تشوفي مستواهم الدراسي, تتكلمي معاهم في اي حاجة هما عايزين يتكلموا فيها, تلعبي معاهم وتقضوا وقت Funny.

طرق لاستغلال وقت الفراغ 6

7- التواصل مع اصحابك وقرايبك بالتليفون:

مشاغل الحياة بتخلينا ننسى حاجات كتير اوي واولها التواصل مع الاصحاب او القرايب, فممكن انك في وقت فراغك في البيت تحاولي تتصلي بك قرايبك واصحابك اللي بقالك فترة مش متواصلة معاهم, ودلوقتي الموبايلات الحديثة موفرة لنا مكالمات الفيديو يعني تقدري تشوفيهم كمان وانتي بتكلميهم, ايا كانت الطريقة سواء مكالمة عادية او فيديو المهم الهدف واحد وهو استغلال وقتك والتواصل مع اصحابك وقرايبك.

طرق لاستغلال وقت الفراغ 7

ازاي تلاقي الهواية المناسبة لشخصيتك

ازاي تلاقي الهواية المناسبة لشخصيتك
ازاي تلاقي الهواية المناسبة لشخصيتك

مقالات متعلقه

حكاية وتاريخ فانوس رمضان

حكاية وتاريخ فانوس رمضان

برامج ومسلسلات راديو نجوم اف ام في رمضان 2024

برامج ومسلسلات راديو نجوم اف ام في رمضان 2024

برامج ومسلسلات الراديو 9090 في رمضان 2024

برامج ومسلسلات الراديو 9090 في رمضان 2024