طرق استخدام اوراق الريحان للتخلص من حب الشباب

بقلمريهام محمود فيبشرة visibility347

اوراق الريحان تعتبر مطهر طبيعي بيساعد على ازالة خلايا الجلد الميتة وبيمنع ظهور حب الشباب والبثور, وخصائصة القابضة للبشرة بتمتص الزيوت الزيادة من بشرتك, وفي نفس الوقت بتحتفظ بالرطوبة في البشرة, وخصائصة المضادة للاكسدة بتساعد على حماية البشرة من التلف اللي بيحصل بسبب الاشعة فوق البنفسجية الضارة, والنهاردة من خلال المقال بتاعنا هنقول لكل بنات حوا طرق استخدام اوراق الريحان لعلاج ومنع حب الشباب وكمان علاج البقع الناتجة عنه.

اوراق الريحان لعلاج ومنع حب الشباب:

1- وصفة الالوفيرا واوراق الريحان:

المكونات:

2 معلقة صغيرة من جل الالوفيرا.

مليء الكف من اوراق الريحان.

الطريقة:

1- هاتي اوراق الريحان اطحنيها كويس لحد ما تبقى على شكل معجون.

2- ضيفي جل الالوفيرا لمعجون اوراق الريحان, قلبيهم كويس مع بعض.

3- افردي الخليط على البشرة كلها وركزي على المناطق اللي فيها حبوب وبقع.

4- سيبي الخليط على البشرة لمدة من 15 – 20 دقيقة.

5- اغسلي البشرة بالمية.

كرري الوصفة من 2 – 3 مرات في الاسبوع.

اوراق الريحان لعلاج ومنع حب الشباب
اوراق الريحان لعلاج ومنع حب الشباب

2- وصفة الزبادي واوراق الريحان:

المكونات:

1 معلقة صغيرة زبادي.

مليء الكف من اوراق الريحان.

الطريقة:

1- اطحني اوراق الريحان لحد ما تبقى على شكل معجون.

2- في طبق اخلطي اوراق الريحان المطحونة مع الزبادي, وقلبيهم مع بعض.

3- افردي الخليط على البشرة كلها وركزي على المناطق اللي فيها حبوب وبقع.

4- سيبي الخليط على البشرة لمدة من 15 – 20 دقيقة.

5- اغسلي البشرة بالمية.

كرري الوصفة من 2 – 3 مرات في الاسبوع.

اوراق الريحان لعلاج ومنع حب الشباب

3- وصفة العسل واوراق الريحان:

المكونات:

1 معلقة كبيرة عسل.

مليء الكف من اوراق الريحان:

الطريقة:

1- اطحني اوراق الريحان لحد ما تبقى على شكل معجون.

2- في طبق اخلطي اوراق الريحان المطحونة مع العسل, وقلبيهم مع بعض.

3- افردي الخليط على البشرة كلها وركزي على المناطق اللي فيها حبوب وبقع.

4- سيبي الخليط على البشرة لمدة من 15 – 20 دقيقة.

5- اغسلي البشرة بالمية الباردة.

كرري الوصفة من 2 – 3 مرات في الاسبوع.

اوراق الريحان لعلاج ومنع حب الشباب

4- وصفة اوراق النيم مع اوراق الريحان:

المكونات:

مليء الكف من اوراق النيم.

مليء الكف من اوراق الريحان.

مية حسب ما تحتاجي.

3 – 4 نقط من زيت شجرة الشاي.

الطريقة:

1- اطحني اوراق النيم واوراق الريحان مع بعض لحد ما يبقوا على شكل معجون.

2- ضيفي شوية مية صغيرين للخليط لحد ما يبقى الخليط ناعم معاكي.

3- بعدها ضيفي زيت شجرة الشاي, وقلبي المكونات كلها مع بعض.

4- افردي الخليط على البشرة كلها وركزي على المناطق اللي فيها حبوب وبقع.

5- سيبي الخليط على البشرة لمدة من 15 – 20 دقيقة.

6- اغسلي البشرة بالمية الباردة.

5- تونر اوراق الريحان:

المكونات:

مليء الكف من اوراق الريحان.

½ كوباية مية.

الطريقة:

1- اطحني اوراق الريحان لحد ما تبقى على شكل معجون.

2- اغلي ½ كوباية المية على النار لمدة 2 – 3 دقايق.

3- ضيفي اوراق الريحان المطحونة للمية المغلية وارفعيها من على النار.

4- اضربيهم المية مع الريحان في الخلاط, وبعدين صفي المية من اوراق الريحان.

5- صبي تونر الريحان في ازازة سبراي.

6- رشي التونر على الوش كله بعد تنضيف البشرة بالغسول.

7- اعملي مساج للبشرة في حركات دائرية لمدة 2 – 3 دقايق.

8- وبعدين سيبي بشرتك تمتص التونر.

استخدمي التونر ده مرة كل يوم.

3 طرق سهلة لعمل غسول للبشرة لعلاج حب الشباب