اتعلمي طريقة عمل مكياج نيود في البيت في 5 خطوات بسيطة

بقلمريهام محمود فيمكياج visibility306

المكياج النيود هو المكياج الطبيعي اللي بيبرز ملامح الوش باستخدام الكمية المناسبة من المكياج, والمكياج النيود يعتبر من اتجاهات المكياج الموضة جدا, والنهاردة من خلال السطور الجاية هنقولك طريقة عمل مكياج نيود في 5 خطوات بسيطة وسهلة.

طريقة عمل مكياج نيود:

ايه هو المكياج النيود بالظبط؟ هو المكياج اللي بتستخدمي فيه كمية اقل من منتجات المكياج, بدل الاكتر, وبيكون بألوان طبيعية قريبة من لون البشرة عشان اللوك يطلع طبيعي.

1- الخطوة (1) التنضيف:

اول قاعدة للعناية بالبشرة, هي التنضيف والتونر والترطيب, وده بينطبق كمان على خطوات تجهيز البشرة قبل المكياج, لازم تعملي التلات خطوات دول, نضفي بشرتك باستخدام غسول مناسب لنوع بشرتك, وبعدها امسحي البشرة بالتونر, وبعدين حطي الكريم المرطب, عشان تخلي بشرتك جاهزة للمكياج.

طريقة عمل مكياج نيود
طريقة عمل مكياج نيود

2- الخطوة (2) المرطب الملون:

لو عايزة لوك طبيعي يبقى اتخطي خطوة كريم الاساس لانه هيخلي البشرة Caky, اختاري بداله كريم مرطب ملون, استخدمي اقرب لون للون بشرتك, لو بشرتك بيضا اعتمدي على المرطب الملون باللون الوردي الفاتح او الخوخي, لو بشرتك زيتوني او سمرا اختاري اللون البيج او الكريمي, وباستخدام صوابعك ادمجيه على بشرتك كلها بالتساوي للوك ناعم.

طريقة عمل مكياج نيود

3- الخطوة (3) مكياج العيون:

اختاري ايشادو بلون قريب من لون بشرتك الطبيعية, وباستخدام فرشة افردي اللون على الجفن كله عشان العيون تظهر بلوك ناعم.

وعشان تبرزي العين اكتر, اختاري درجة اغمق من اللي حطتيها على الجفن كله, حطيها على الزوايا الخارجية للعين.

ولو عايزة تدي العيون لوك دراماتيكي, استخدمي لون ايشادو كريمي على عضمة الحاجب.

واكيد مافيش مكياج عين كامل من غير الايلاينر, استخدمي قلم ايلاينر بلون بني وارسمي بيه على طول خط الرموش, وانهي اللوك بطبقة واحدة من الماسكارا.

4- الخطوة (4) مكياج الخدود:

عشان تضيفي حياة على الخدود, استخدمي بلاشر خفيف, متروحيش للالوان الفاقعة اوي, اعتمدي على الالوان الطبيعية اكتر, وتقدري تبرزي الخدود اكتر باستخدام هايلايتر فوق عضمة الخد, ممكن تعتمدي على الالوان الباستيل الناعمة للوك طبيعي.

5- الخطوة (5) مكياج الشفايف:

عشان تكملي اللوك النيود الطبيعي لازم الشفايف كمان تبقى باللون النيود, حتى و انتي بتفضلي الالوان الغامقة او الفاقعة زي الاحمر والنبيتي, فدلوقتي الوقت المناسب انك تغيري وتعتمدي على الالوان الطبيعية اكتر, استخدمي درجات الوان الروج الاقرب للون بشرتك.

انهي مكياج الشفايف بطبقة من الليب جلوس او الملمع, وكده اللوك بتاعك جاهز.

خطوات عمل بشرة زجاجية كورية بالمكياج

خطوات عمل بشرة زجاجية