شاي الاعشاب لبشرة نضرة ولصحة الامعاء وفوايد تانية كتير

بقلمريهام محمود فيصحة visibility302

العالم منقسم ما بين محبين الشاي ومحبين القهوة, ولكن الفرق ما بينهم وما بين شاي الاعشاب انه ليه فوايد جمالية وصحية كتير جدا, من اول مشاكل حب الشباب لحد علاج المشاكل القوية زي الالتهابات والحفاظ على صحة الامعاء, شاي الاعشاب تقريبا حل لمشاكل كتير, والنهاردة هنتعرف على فوايد شاي الاعشاب الجمالية والصحية, وتختاري منها النوع اللي يناسب مشكلتك وهيحلها بشكل جذري وفعال جدا.

فوايد شاي الاعشاب الجمالية والصحية:

1- الشاي الاخضر:

الحاجات اللي هتحتاجيها:

1 معلقة صغيرة شاي اخضر.

كوباية مية.

الطريقة:

– في البراد حطي المية وسيبيها تغلي.

– بعد ما المية تغلي اول غلوة ضيفي الشاي الاخضر, وسيبيه يغلي لمدة دقيقة وارفعيه من على النار.

– صفي الشاي في الكوباية وحليه بالعسل لو احتاجتي.

اشربي الشاي الاخضر كل يوم الصبح على الريق.

الشاي الاخضر مفيد جدا للامعاء, بيحل مشاكل القناة الهضمية اللي بتحصل في الغالب بسبب ان الجهاز الهضمي مش بيأدي دوره بشكل سليم, بالاضافة للاكل الغير صحي اللي ممكن يضر الامعاء, الشاي الاخضر بيساعد على زيادة التمثيل الغذائي, وتحسين صحة الامعاء.

فوايد شاي الاعشاب الجمالية والصحية
فوايد شاي الاعشاب الجمالية والصحية

2- شاي الكاموميل “البابونج”:

الحاجات اللي هتحتاجيها:

مليء الكف اعشاب الكاموميل “البابونج”.

كوباية مية.

ورقتين نعناع طازة.

الطريقة:

– حطي المية في البراد, وضيفي لها الكاموميل وسيبيها لحد ما تغلي.

– ضيفي اوراق النعناع, وسيبيها تغلي دقيقتين كمان.

– صفي الخليط في الكوباية, وحليه بالعسل.

تقدري تشربي من شاي البابونج مرتين في اليوم, مرة الصبح على معدة فاضية, ومرة تانية بعد العشا.

البابونج بيحتوي على مواد مضادة للبكتيريا بتساعد على تهدئة المعدة وتهدئة الالتهاب في القناة الهضمية, وكمان ممكن يساعد على تهدئة القرحة في الجهاز الهضمي.

فوايد شاي الاعشاب الجمالية والصحية

3- شاي الشمر:

الحاجات اللي هتحتاجيها:

2 معلقة كبيرة شمر.

لتر مية.

1 معلقة صغيرة سكر.

الطريقة:

– في براد كتير او حلة حطي لتر المية, وضيفي لها الشمر وسيبيها لحد ما تغلي.

– بعد ما المية لونها يتحول للبني, ارفعيها من على النار وسيبيها تبرد شوية.

– صفي الشاي وضيفي له السكر, او تستبدلي السكر بالعسل او تشربيه زي ما هو من غير تحليه.

اشربيه مرتين في اليوم, مرة الصبح ومرة بالليل.

الشمر رائع جدا للهضم, بيسهل عملية الهضم جدا, وبيساعد على تهدئة عضلات الجهاز الهضمي, بيساعد كمان على الاسترخاء وتقليل الغازات والانتفاخ وتقلصات المعدة.

فوايد شاي الاعشاب الجمالية والصحية

4- شاي الريحان للامعاء:

الحاجات اللي هتحتاجيها:

2 معلقة كبيرة ريحان.

كوباية مية.

4 نقط عصير ليمون.

1/8 معلقة جنزبيل.

1 معلقة صغيرة عسل.

الطريقة:

– حطي المية في البراد, وضيفي لها الريحان والجنزبيل وسيبيها تغلي لمدة 1 – 2 دقيقة.

– صفي الشاي في الكوباية وضيفي له الليمون والعسل.

– اشربي الشاي ده كل يوم الصبح مع وجبة الفطار, وبالليل مع الوجبات الخفيفة.

الريحان مفيد جدا للجهاز الهضمي بيساعد على تهدئته وتخفيف الانتفاخ والغازات, وبيساعد على تخفيف التوتر بشكل عام.

فوايد شاي الاعشاب الجمالية والصحية

5- شاي القرفة للالتهابات:

الحاجات اللي هتحتاجيها:

2 معلقة كبيرة قرفة.

1/8 معلقة صغيرة كركم.

1 – 2 معلقة كبيرة شاي اخضر.

1 معلقة صغيرة عسل.

شرايح ليمون لو احتاجتي.

الطريقة:

– املي كوباية مية مغلية, وضيفي لها القرفة والشاي الاخضر والكركم, غطي الكوباية وسيبي المكونات منقوعة لمدة 5 دقايق.

– صفي الخليط وسيبيه يبرد وضيفي العسل للتحليه, ومكعبات تلج وشرايح ليمون.

– اشربي شاي القرفة مرة واحدة في اليوم, وتقدري تشربيه الصبح او بالليل.

القرفة بتحتوي على خصائص مضادة للالتهاب, وبتحارب العدوى, وبتساعد على اصلاح تلف الخلايا, مضاد الالتهاب بيساعد على تبريد الجسم وبيرجعه لدرجة حرارته الطبيعية.

6- شاي الكركدية للالتهابات:

الحاجات اللي هتحتاجيها:

2 كوباية من زهور الكركدية.

4 كوبايات مية.

2/3 كوباية سكر.

الطريقة:

– في حلة او طاسة حطي المية, وضيفي لها الكركدية والسكر.

– سيبيها تغلي لمدة من 15 – 20 دقيقة.

– ارفعيها من على النار وسيبيها تبرد.

– صفي الكركدية وضيفي له من 6 – 8 كوبايات مية كمان.

– صبيه في الكوبايات وضيفي له مكعبات تلج.

احفظيه في التلاجة واشربي منه كل يوم بالليل قبل العشا.

الكركدية بيحتوي على خصائص مضادة للالتهابات اللي بتساعد على تهدئة الالتهابات في الجسم اللي ممكن انها تسبب مشاكل في القناة الهضمية وكمان في القلب والاوعية الدموية.

7- شاي النعناع لحب الشباب:

الحاجات اللي هتحتايجها:

مليء الكف من اوراق النعناع.

1 ¼ كوباية مية.

1 معلقة صغيرة عسل.

الطريقة:

– حطي المية في البراد, ضيفي لها النعناع وسيبيها تغلي لمدة دقيقتين.

– ارفعي الشاي من على النار وصفيه وضيفي له العسل.

– اشربي شاي النعناع كل يوم على معدة فاضية لافضل النتايج.

النعناع ليه خصائص بتقدر تعالج المشاكل اللي بتسببها الهرمونات بالبشرة, والنعناع كمان ليه تأثير مضاد للاندروجين اللي بيساعد على تحسين الاختلالات الهرمونية, فلو بشرتك دهنية بشكل مفرط, الشاي ده هيكون الاختيار المثالي لعلاجها.

8- شاي الكركم لازالة السموم:

الحاجات اللي هتحتاجيها:

¼ معلقة صغيرة كركم.

ذرة فلفل اسود.

¼ معلقة صغيرة جنزبيل.

1 معلقة كبيرة عسل.

2 كوباية مية.

¼ كوباية من لبن جوز الهند.

الطريقة:

– في البراد حطي المية, ضيفي لها الكركم والجنزبيل, سيبيها تغلي من 5 – 10 دقايق.

– ارفعي المية من على النار وصفيها, وضيفي لها باقي المكونات الفلفل الاسود, العسل, لبن جوز الهند.

اشربي الشاي ده مرة واحدة في اليوم.

الكركم بيحتوي على خصائص مضادة للبكتيريا ومضادة للالتهابات اللي بتساعد على تهدئة التهاب الجلد, وبتساعد على علاج مشاكل البشرة زي البثور وحب الشباب والجلد الباهت.

طرق استخدام العرق سوس لتفتيح البشرة والجسم