6 عادات بتأثر بشكل سلبي على صحتك العقلية وإزاي تصلحيها

آية حسان
آية حسان
في
صحة
1526

 صحتك العقلية ماتقلش اهمية عن صحتك الجسدية، ورغم ان دي حقيقة معروفة، الا ان كتير مننا بيهملوا صحتهم العقلية والنفسية او مابيبقوش عارفين ازاي يهتموا بيها صح،واهم حاجة في جسم الانسان هي المخ، لأنه المسؤول عن أي تصرف وحاجه بتحصل لجسمك زي أضرار صحية، نفسيه او جسدية، عشان كده في المقال ده هنقولك 6 عادات بتأثر بشكل سلبي على صحتك العقلية وإزاي تصلحيها ..

6 عادات بتأثر بشكل سلبي على صحتك العقلية وإزاي تصلحيها 

1- عدم ممارسة الرياضة

عدم ممارستك للرياضة او أي نشاط بدني بيأثر جدا علي الصحة وبيسبب الأمراض زي السرطان،الخرف،الاكتئاب،السمنة وأمراض القلب وكمان ممكن يسبب أمراض في الدماع وتغيير نظامه.

إزاي تصلحي العادة دي :

التمارين مهمة ومفيدة جدا أيا كانت بسيطه حتي لو المشي لانه بيخلي فيه استقرار صحي ومزاجي وتحسين جودة النوم وعدم الأرق، كمان بيخفف القلق والتوتر وتقدر تتمرن عدد دقايق من 75 ل 150 دقيقة في الأسبوع .

2- كثرة المهام

آخر الاحصائيات أشارت ان فيه 6 مليون حادثة عربيات بتحصل بسبب تعدد المهام، زي مثلا انك تسوقي العربية وانتي ماسكة الموبايل، تعدد المهام خصوصاً لو كانت مش ضرورية بتتسبب في التشتت وارهاق العقل بشكل كبير. 

كثرة-المهام
كثرة-المهام

إزاي تصلحي العادة دي :

المهمة الفدرية دي أفضل حل، كل قوتك وعقلك تكون مركزة في مهمة واحدة بس، ورتبي المهام اللي وراكي واعملهم واحدة واحدة. 

3- زيادة المعلومات عن اللزوم 

المسجات والايميلات والإشعارات في السوشيال ميديا سيئة جدا لانها بتسبب إجهاد زيادة، عشان كدة بيقولوا إن في علاقة كبيرة بين إدمانك للموبايل وبين صحتك العقلية أو حتي البدنية للمراهقين، والموبايل مثال واحد من ضمن اسئلة كتيرة، حاولي دايما تبقى انتقائية في الحاجات اللي تشغلي عقلك بيها، وابعدي عن اي حاجة مالهاش اهمية ممكن تأثر عليكي. 

إزاي تصلحي العادة دي :

خصصي وقت محدد ومعين لاستخدامك للتكنولوجيا، عدلي أولوياتك لأن كثرة استخدامك للموبايل والتكنولوجيا بيقلل تركيزنا وبنكون عٌرضة أكثر للعصبيه والغضب.

4- الجلوس لفترة كبيرة

جلوسك لفترة طويلة بيسبب آثار ضارة جدا خصوصاً للأطفال، واثبتوا ان النشاط البدني حتي لو كان عالي مش كفاية لتقليل الأضرار اللي سببها الجلوس الكثير .

الجلوس لفترة كبيرة
الجلوس لفترة كبيرة

إزاي تصلحي العادة دي :

لو عندك شغل أو عندك حاجه بتخليكي قاعدة وقت طويل حاولي كل فترة تقومي تتحركي وممكن كمان تعملي تمارين بسيطه زي  اليوجا تساعدك علي الراحة، متقعديش قدام التليفزيون او الموبايل لفترة طويل ، قومي اخرجي اكثر واتحركي .

5- المزيكا بصوت عالي 

من أخطر العادات اللي ممكن تدمر الدماغ،  كلنا بنحب نسمع المزيكا اللي بنحبها سواء في الجيم او في العربية . ومش معني إن المزيكا حلو وعالية فهي كده مناسبة ليكي، وفي كتير من الأبحاث أثبتت ان استخدامك للسماعات الرأس او الهاند فري بتأثر بشكل كبير علي أعصاب الدماغ .

المزيكا بصوت عالي
المزيكا بصوت عالي

إزاي تصلحي العادة دي :

حاولي تسمعي المزيكا اللي بتحبيها بصوت متوسط حوالي 60% من مستوي الصوت لان أكتر من كده بيزيد من خطر تلف الدماغ وفقدانك للسمع .

6- قلة النوم

كلنا عارفين قلة النوم ممكن تعمل إيه في أي شخص ، ممكن يسبب القلق والاكتئاب ، صداع وضعف الذاكرة، وعلي المدي الطويل قلة النوم بتسبب في تقلص الدماغ!

قلة النوم
قلة النوم

إزاي تصلحي العادة دي :

النوم أهم عنصر لصحة الدماغ ولازم يكون اولوية في حياتنا، حاولي تنامي في ميعاد ثابت كل يوم وتنامي على الأقل من 6 لـ 8 ساعات. 

بعض الأفكار اللي  ممكن تساعدك :

امنعي شرب أي كافيين بالليل

قللي من استخدامك للموبايل

طلعي التليفزيون بره أوضة نومك

متاكليش كتير وقت العشا

خلي اوضتك يكون فيها نور خافت وإنتي نايمة .

اعرفي معانا كمان 5 عادات بيعملها الاشخاص اكتشف الباحثين انها ممكن تضر بصحتهم العقلية

مقالات متعلقه

ايه اللي هيحصل لو حطيتي ليمونة جنب سريرك كل يوم!

ايه اللي هيحصل لو حطيتي ليمونة جنب سريرك كل يوم!

طرق طبيعية لزيادة هرمون الانوثة في الجسم

طرق طبيعية لزيادة هرمون الانوثة في الجسم

5 تقينات ذكية ممكن تساعدك على تخفيف التوتر بسرعة

5 تقينات ذكية ممكن تساعدك على تخفيف التوتر بسرعة