3 مشاهير بيشاركوا افضل نصايح وحيل بيستخدموها لجمال بشرتهم

ريهام محمود
ريهام محمود
في
بشرة
936

المشاهير بيكون ليهم تأثير كبير على الناس, ودايما البنات بيتابعوهم عشان يعرفوا طرق العناية اللي بيستخدموها عشان يوصلوا لبشرة نضرة وصحية زيهم, والنهاردة هنشارك معاكم حيل ونصايح جمالية من 3 مشاهير بيستخدموها عشان يحافظوا على جمال بشرتهم, واللي ممكن تفيدك في روتينك اليومي للعناية ببشرتك.

حيل ونصايح جمالية من المشاهير:

1- كاتي بيري بتستخدم بياض البيض لمنع التجاعيد:

المكونات:

1 بياض بيضة.

1 معلقة صغيرة من زيت اللوز الحلو.

الطريقة:

– افصلي الصفار عن البياض.

– اضربي البياض كويس بمضرب يدوي او بالشوكة, وضيفي له زيت اللوز وقلبيهم مع بعض كويس.

– اغسلي بشرتك بالمية الدافية عشان تفتحي المسام.

– وزعي الخليط على البشرة كلها.

– سيبي الخليط لمدة 15 دقيقة لحد ما ينشف, وبعدين اغسليه بالمية الدافية.

– كرري الماسك ده مرة واحدة في الاسبوع.

بياض البيض بيساعد تقليل حجم المسام الواسعة, بيقشر البشرة وبينضفها, وتعتبر من اسهل الوصفات واكترها فعالية لمنع التجاعيد وعلامات الشيخوخة.

زيت اللوز كمان بيمنع ظهور البقع الغامقة والتجاعيد.

2- بيونسيه بتستخدم الفراولة لبشرتها الدهنية:

المكونات:

2 – 3 ثمرات فراولة مهروسة او مضروبة في الخلاط.

1 معلقة صغيرة عصير ليمون.

الطريقة:

– قطعي الفراولة قطع صغيرة واهرسيها بالشوكة او اضربيها في الخلاط.

– ضيفي عصير الليمون للفراولة المهروسة وقلبيهم مع بعض.

– وزعي الخليط على البشرة وسيبيه لمدة 15 دقيقة.

– بعدها اغسلي بشرتك بالمية الدافية, هتحسي بنعومة فورية في البشرة بعد غسل الماسك.

– استخدمي الماسك ده 3 مرات في الاسبوع لازالة الدهون الزيادة من البشرة وتنضيفها.

الفراولة تعتبر فاكهة حمضية والاحماض عنصر فعال بيزيل الزيوت والاوساخ الزيادة من البشرة, كمان بيساعد على تفتيح البشرة, وبيمنع ظهور ندبات حب الشباب.

عصير الليمون كمان من العناصر اللي بتساعد على ازالة الزيوت من البشرة, وبيساعد على تفتيحها.

3- تايرا بانكس بتستخدم الكربوناتو لعلاج حب الشباب:

المكونات:

1 معلقة كبيرة مية فاترة.

½ معلقة كبيرة من صودا الخبز او الكربوناتو.

الطريقة:

– امزجي الكربوناتو مع المية لحد ما يتشكل عندك معجون.

– وزعي الخليط على البشرة وسيبيه لمدة 10 دقايق.

– بعدها اغسلي بشرتك بالمية.

– متستخدميش الماسك دده اكتر من 3 مرات في الاسبوع كحد اقصى.

حيل ونصايح جمالية من المشاهير 3
حيل ونصايح جمالية من المشاهير 3

مرطب للبشرة:

المكونات:

1 معلقة كبيرة كربوناتو.

1 معلقة كبيرة عصير برتقان.

الطريقة:

– اخلطي الكربوناتو مع عصير البرتقان.

– وزعي الخليط ده على البشرة ودلكيها في حركات دائرية لمدة دقيقتين.

– وبعدين سيبيه لمدة 20 دقيقة كمان.

– اغسلي بشرتك بالمية, وبعدها ادهنيها بكريم مرطب عادي.

– استخدمي الخليط ده بانتظام عشا تحافظي على ترطيب بشرتك.

عصير البرتقان يعتبر مصدر غني جدا بفيتامين C اللي بيساعد على نضارة البشرة.

والكربوناتو يعتبر منظف طبيعي, وبيساعد على قفل المسام الواسعة.

مقالات متعلقه

تحدي اليوم الواحد لتوهج بشرتك قبل الفرح

تحدي اليوم الواحد لتوهج بشرتك قبل الفرح

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب