14 قطعة ملابس عصرية مناسبة لاي سن هتخليكي تطلعي بلوك مثالي

بقلمريهام محمود فيموضة وأزياء visibility299

كل سن بيكون ليه قطع ملابس مناسبة ليه اكتر, ولكن في قطع تانية ممكن تناسب اي سن, وده اللي هنعرفه النهاردة من خلال موضوعنا, هنشوف قطع ملابس مناسبة لاي سن وبتثبت ان الموضة للكل مش معمولة لسن معين, كل اللي عليكي بس انك تختاري القطع بشكل صح.

قطع ملابس مناسبة لاي سن:

1- البليزر:

البليزر من القطع الانيقة المناسبة للنساء في سن 20,30, او ال 40, والموضوع مش مقتصر على لبسه بشكل كلاسيك بس للشغل او للمكتب, ولكن كمان تقدري تنسقيه بلوك كاجوال على الجينز والسنيكرز.

قطع ملابس مناسبة لاي سن
قطع ملابس مناسبة لاي سن

2- الكارديجان الطويل:

الكارديجان الطويل, والبونشو هو يعتبر قطعة ملابس المفروض تكون اساسية في اي دولاب ومافيش غنا عنها, لانها تنفع لاي لوك ولاي وقت سواء الصبح, بالليل, خروج عادي مع اصحابك, ومناسبة لاي سن.

قطع ملابس مناسبة لاي سن

3- القميص الكلاسيك:

القميص الكلاسيك ممكن يبين اللي عمرها 40 سنة اصغر من سنها, ومناسب جدا كمان للبت اللي عمرها 20 سنة, والقميص الكلاسيك تقدري تنسقيه مع الوان كتير, القميص الرسمي بألوان محايدة هيكون مناسب للشغل جدا, وبالنسبة للخروج العادي تقدري تختاري قميص غير رسمي ملون.

قطع ملابس مناسبة لاي سن

4- القميص الكاروه:

القميص الكاروه يعتبر قطعة عصرية وانيقة مناسبة لاي سن, بالاضافة ان ستايل القميص الكاروه متوفر بمجموعة الوان كتير جدا, وهيكون سهل انك تعملي بيه لوك مريح غير رسمي.

قطع ملابس مناسبة لاي سن

5- قميص بزراير تحت السويتر:

لو عندك اعتقاد ان اللوك ده ينفع لسن العشرينات او التلاتينات بس, النهاردة بنقولك ان ده اتغير, واتجاهات الموضة دلوقتي اللي كانت قبل كده مناسبة للسن الصغير بس بقت مناسبة لاي سن, واللوك ده مش بس انيق ولكن كمان مريح جدا, وحتى النساء اللي فوق ال 50 يقدروا يعتمدوا على اللوك ده كتغيير وتجربة حاجة جديدة.

قطع ملابس مناسبة لاي سن

6- القبعة:

ممكن يكون صعب انك تنسقي القبعة الصح مع اللوك بتاعك, ولكن لو اختارتي القبعة بشكل صح هتفرق في اللوك بتاعك جدا وهتغيره وهتلفت النظر ليكي بغض النظر عن سنك.

قطع ملابس مناسبة لاي سن

7- الجاكت الجينز:

الجاكت الجينز من القطع التريندي جدا لسنين كتير, ومناسبة جدا للبس اليومي على بنطلون جينز, او مع فستان, والقطعة دي من القطع اللي ممكن تبين اللي في سن ال 40 اصغر من سنها بكتير.

قطع ملابس مناسبة لاي سن

8- السالوبيت:

السالوبيت لما تختاريه بشكل صح ومناسب لجسمك, هيطلعك بشكل حلو واصغر, وهيديكي لوك عصري جدا.

9- السكارف المطبوع:

السكارف المطبوع او الملون ممكن تبقى قطعة بسيطة ولكن هتبقى اضافة للوك بتاعك, وخصوصا السكارف المطبوع بألوان زاهية “ولكن مش الالوان الصارخة”, هتكون مناسبة لاي عمر وهتضيف لمظهرك.

10- البنطلون او الجينز الابيض:

البنطلون الابيض او الجينز الابيض مناسب جدا للمناسبات الخاصة وبيجذب الانتباه, ومناسب جدا لاي سن سواء البنات الصغيرين او الكبار في السن.

11- فستان مع حزام:

مش كل النساء فوق ال 50 سنة بيحبوا يلبسوا الفساتين الضيقة او اللي ممكن متكونش مناسبة لجسمهم, عشان كده بننصحك باختيار الفستان الواسع مع الحزام اللي هيساعد على تحديد شكل الوسط واخفاء العيوب لو في جزء في جسمك انتي مش حابة تظهريه.

12- البالطو الطويل:

البالطو الطويل من القطع التريندي جدا, واللي مش بس تقدري تنسقيه على البوت, ولكن كمان ممكن تلبسيه مع الشوز الفلات والرياضي, والستايل ده من البالطو ممكن يبين اللي عمرها 40 سنة او اكتر اصغر من سنها, ومناسب للبنات كمان في سن ال 20.

13- تيشرت بأربطة عند الرقبة:

القميص بالستايل ده هيخلي اي واحدة في اي سن يطلع شكلها حلو وعصري, والحاجة الرئيسية بس في اختياره انك تختاري اللون المناسب ليكي, واختيار الستايل المناسب.

14- الشيرت دريس:

ممكن يبان من اول لحظة كده ان الستايل ده مناسب للبنات الصغيرين بس, ولكن الحقيقة انه مناسب لاي سن, كل اللي عليكي بس او اللي انتي محتاجاه انك تختاري منه الستايل والطول المناسب ليكي وهيطلع شكله حلو عليكي.

نصايح تلبسي ايه عشان تبيني رجلك ارفع واطول