4 علامات تقولك انه شخص غير مستقر عاطفياً

بقلمآية حسان فيمنوعات visibility2327

عدم الاستقرار العاطفي مشكلة جوه كل شخص وبتختلف الأعراض من شخص للتاني فبيسبب اضطراب في الشخصيه وده بيكون له أكتر من علامه زي الاكتئاب، صدمة في الطفولة أو القلق الزيادة أو نوبات من الغضب الشديد، عشان كده لو في حد حواليكي شاكة في استقراره العاطفي فلازم تكوني عارفه العلامات الخاصة بالموضوع ده عشان تكوني مستعدة وتقدري تساعديه، اعرفي معانا 4 علامات تقولك انه شخص غير مستقر عاطفياً .. 

4 علامات تقولك انه شخص غير مستقر عاطفياً

1- دايماً متهور:

أول علامه بتكون موجوده في الشخص الغير مستقر عاطفيا إنه بيتصرف بتهور إنه ممكن يعمل حاجات تأذي نفسه أو تأذي غيره، مثلا بيسوق العربيه بسرعة كبيرة جدا أو بيصرف فلوس كتير. لأن ممكن التصرفات دي تخليه يحس بالرضا ولو لفترة قصيرة.

2- مابيتحكمش في غضبه: 

أكتر صفة ممكن تكون موجودة في الشخص الغير مستقر عاطفيا هو الغضب وإنه مش بيعرف يتحكم في غضبه وبيتعرضوا لنوبات عنيفة من الحزن أو الفرح، بس غضبهم بيكون أخطر لأنهم ممكن يصرخوا ويكسروا ويعبروا عن غضبهم بأي طريقة تسبب عنف مش شرط يكون شخص بس ممكن يكسروا حاجة. أهم حاجه إنك تبقي عارفه إن الموضوع بعيد عنك تماما لأن الأشخاص اللي بيعانوا من اضطرابات الشخصية مش بيكونوا مدركين تصرفاتهم وتأثيرها علي غيرهم.

شخص غير مستقر عاطفياً
مابيتحكمش في غضبه

3- علاقاته غير مستقرة: 

عدم استقرار علاقاته من الأسباب المميزة لانه مش بيبقي متزن ناحية علاقته بالشخص ده شوية يحبه وشويه يكرهه، فيبدأ يقول حجج واعذار عشان يبعد عن الناس لمدة ساعات أو أيام، مش بس علاقتهم العاطفية هي اللي بتكون متلخبطة لا ده علاقاتهم بكل الناس عموما سواء صحابهم او أهلهم أو زمايلهم في الشغل.

علاقاته غير مستقرة

4-  ردود أفعاله عنيفة: 

اصحاب اضطرابات الشخصية بتكون ردود افعالهم شديدة وعنيفة أحيانا ناحية المواقف اللي بيتعرضوا لها، فلو لقوا نفسهم بيتعرضوا للظلم رد فعلهم بيكون سريع وقوي، التخلي والاستغناء بيكون تصرف شائع جدا لهم، إن صحابهم وأهلهم بيتخلوا عنهم سواء ده كان صح أو لا فده بيسبب رد فعل سيء وسلبي .

شخص غير مستقر عاطفياً
ردود أفعاله عنيفة

أخيرأ، معظم الأشخاص دول بيكونوا اتعرضوا لصدمة في حياتهم كمان مش بيعرفوا يحافظوا علي مشاعرهم بس يقدروا يستفادوا من نظام يدعمهم ويقدروا يخفوا ويكونوا طبيعيين بالعلاج حتي لو بالأدوية، فلو حد حواليكي بيعاني من التصرفات دي حاولي تساعديه عشان يستقر ويمشي علي المسار الطبيعي والصحيح.

اعرفي معانا كمان 10 علامات تقولك ان شريكك بطل يحبك!