نصايح تلبسي ايه عشان تبيني رجلك ارفع واطول

ريهام محمود
ريهام محمود
1072

هل عايزة رجلك يبان شكلها ارفع؟ هنقولك شوية نصايح مفيدة هتساعدك, وهنتعرف على ستايلات هتبين رجلك ارفع واطول, كل الموضوع انك تختاري الحاجات الصح اللي تناسب جسمك.

ستايلات هتبين رجلك ارفع واطول:

1- البسي توب ملفت:

عشان تجذبي او تلفتي الانتباه, البسي توب او بلوزة مميزة وخلي القطعة اللي تحت بسيطة, عشان تخلي التركيز على فوق اكتر من تحت, واعتمدي دايما في القطعة اللي تحت على الالوان الغامقة لانها بتخلي الرجل يطلع شكلها انحف, ممكن تختاري القطعة اللي فوق مطبوعة برسمة ملفتة او تكون بألوان ملفتة للعين.

ستايلات هتبين رجلك ارفع واطول
ستايلات هتبين رجلك ارفع واطول

2- البسي جيبة طويلة:

الجيبة الطويلة الواسعة ممكن تخلي الساقين يبقى شكلهم انحف, واتجنبي ستايل الجيبة الضيقة لانها مش بتطلع حلوة مع الساقين المليانين او العريضة, ستايل الجيبة ال A-line يعتبر افضل اختيار لو عايزة رجلك تبان ارفع, وممكن كمان تلبسي الميدي سكرت او المتوسطة الطول اللي بتكون تحت الركبة, او ستايل الجيبة ال Flowy فوق الركبة.

3- الشراب الاسود المات:

لو معنديش على الاقل شراب واحد اسود مات, يبقى جيه الوقت انك تجيبي واحد, البسي الشراب الاسود مع الفساتين او الجيبات القصيرة عشان تبيني رجلك انحف مع لبس شوز اسود بكعب عالي, دي تعتبر خدعة بسيطة هتعمل فرق كبير جدا في اللوك بتاعك.

4- البسي الاحذية المناسبة:

اكيد احنا عارفين ان الكعب ممكن يبين الرجل انحف واطول, ولكن الموضوع كله متوقف على الاختيار الصحيح, هل تعرفي ان الاختيار الغلط للكعب ممكن يخلي ان الساقين يبانوا اكبر او اتخن من الطبيعي؟ اول حاجة لازم تتجنبي ستايلات الشوز اللي ليها اشرطة على منطقة الكاحل او انكل الرجل, لانها هتخلي الرجل تبان اتخن واقصر, اعتمدي على الكعب السميك متوسط الارتفاع هيظبط شكل الساقين, واتجنبي الكعب الرفيع لانها مش هتبقى مناسبة.

كمان تقدري تعتمدي على الكعب المدبب بيطلع شكله انيق جدا, وتعتبر خدعة بسيطة عشان تبيني الجزء السفلي من الساق انحف, لو مش لابسة شراب, اختاري شوز يكون بلون نيود, حتى لو كنتي لابسة بنطلون مش جيبة.

مقالات متعلقه

8 نصايح موضة تعمليهم في الصيف

8 نصايح موضة تعمليهم في الصيف

10 طرق تلبسي بيهم ملابس عصرية وعلى الموضة من غير ما تصرفي فلوس كتير

10 طرق تلبسي بيهم ملابس عصرية وعلى الموضة من غير ما تصرفي فلوس كتير

افضل دليل لقواعد اللبس الاساسية لكل الاوقات والمناسبات

افضل دليل لقواعد اللبس الاساسية لكل الاوقات والمناسبات