ازاي تستخدمي الشطة لخسارة الوزن

بقلمريهام محمود فيتخسيس الوزن visibility606

زيادة الوزن او السمنة المفرطة ممكن انها تأدي لمشاكل صحية كتير جدا اللي احيانا ممكن توصل للوفاة, عشان كده مهم جدا اننا نحافظ على الوزن المثالي للجسم, وواحد من المكونات الطبيعية اللي ممكن تساعدك على ده, هي الشطة, ومن خلال السطور الجاية هنقولك طرق استخدام الشطة لخسارة الوزن.

طرق استخدام الشطة لخسارة الوزن:

1- وصفة الشطة وعصير الليمون:

الحاجات اللي هتحتاجيها:

من 118 – 147 مل مية فاترة.

½ عصير ليمونة.

¼ معلقة صغيرة شطة.

الطريقة:

1- هاتي كوباية حطي فيها المية وضيفي لها الشطة وعصير الليمون.

2- قلبيهم مع بعض لمدة ثواني لحد ما يمتزجوا كويس.

3- بعدها اشربي المية, وممكن تضيفي لها 1 معلقة صغيرة عسل نحل لو حسيتي ان طعمها حاد اوي.

4- اشربي حوالي 6 – 12 كوباية من المية دي كل يوم لحرق اكبر قدر من السعرات الحرارية.

ملحوظة: متشربيش المية دي بعد التمارين على طول او بعدها بوقت قصير, لانها ممكن تسبب الم حاد في المعدة, استني حوالي 15 – 30 دقيقة وبعدين اشربي المية.

الشطة لخسارة الوزن
الشطة لخسارة الوزن

2- سموزي الشطة والتوت:

الحاجات اللي هتحتاجيها:

1 معلقة صغيرة عسل.

1 ثمرة موز مجمدة او طازة.

1/3 كوباية عصير رمان.

6 شرايح خوخ مجمد او طازة.

2/3 كوباية عصير برتقان.

½ عصير ليمونة.

1/8 معلقة صغيرة قرفة.

1/8 معلقة صغيرة شطة.

20 واحدة توت.

1/8 معلقة صغيرة حبهان مطحون.

1/8 معلقة صغيرة جنزبيل.

1/8 معلقة صغيرة كركم.

الطريقة:

1- هاتي الخلاط حطي فيه كل المكونات.

2- اضربي المكونات مع بعض كويس لمدة 15 ثانية تقريبا لحد ما يبقى مزيج ناعم.

3- اتأكدي ان المزيج خالي من اي قطع.

4- وتقدري انك تضاعفي كمية البهارات وتحطي ¼ معلقة صغيرة بدل 1/8 معلقة.

5- وكده السموزي يبقى جاهز للشرب.

اشربي كوباية من السموزي دي كل يوم لنتايج فعالة.

وممكن تشربيه كوجبة فطار او كوجبة خفيفة بالليل.

الشطة لخسارة الوزن

3- وصفة الشطة مع خل التفاح:

الحاجات اللي هتحتاجيها:

2 معلقة كبيرة من خل التفاح.

1 – 2 معلقة كبيرة عصير ليمون.

كوباية مية سخنة.

1 معلقة كبيرة عسل.

ذرة شطة.

1 معلقة صغيرة قرفة.

الطريقة:

1- ضيفي كل المكونات لكوباية المية السخنة.

2- قلبيهم كويس مع بعض لحد ما القرفة والشطة يدوبوا في المية.

3- بعدها اشربي المية.

– وممكن تزودي كمية العسل لو حسيتي ان الطعم حاد عليكي وعايزة تحليه اكتر.

– ممكن كمان تضيفي للوصفة جنزبيل طازة لو بتحبي طعمه, هيضيف فوايد كتير للخليط.

– اشربي المية دي بانتظام مرة واحدة كل يوم.

– ممكن كمان تعملي الخليط بحاجات تانية بدل المية زي الشاي الاخضر, الشاي الاسود, الجنزبيل, الليمون, دي هيديكي فوايد صحية اضافية.

الشطة لخسارة الوزن

4- وصفة الشطة والجنزبيل والليمون:

الحاجات اللي هتحتاجيها:

½ معلقة صغيرة شطة.

قطعة جنزبيل فريش صغيرة متقشرة ومبشورة.

4 كوبايات مية مقطرة.

2 معلقة كبيرة عصير ليمون.

1 معلقة كبيرة عسل.

الطريقة:

1- في حلة على النار حطي المية وضيفي لها الجنزبيل وسيبيها على النار لمدة دقايق.

2- اول ما المية تبدأ تغلي, قللي النار وسيبيها تغلي حوالي 10 – 15 دقيقة.

3- ضيفي الشطة للمية وسيبيها تغلي لمدة 2 – 3 دقايق.

4- ارفعي المية من على النار, وضيفي لها عصير الليمون وقلبيهم مع بعض لحد ما الليمون يمتزج كويس مع باقي المكونات.

5- دلوقتي ضيفي العسل او السكر للمية للتحلية وقلبيه كويس.

6- وكده يبقى المشروب جاهز.

اشربي المية دي بانتظام مرة واحدة كل يوم.

5- صوص الشطة:

الحاجات اللي هتحتاجيها:

453 جرام فلفل احمر حار.

3 ½ كوباية خل ابيض.

¼ بصلة متقطعة مكعبات كبيرة.

5 فصوص ثوم مفرومين.

1 معلقة صغيرة بابريكا.

2 معلقة صغيرة ملح.

الطريقة:

1- هاتي الفلفل اقطعي الجزء اللي فوق بتاعه واتخلصي من البذور لو عايزة تخلي درجة الحرقان اخف شوية.

2- في طاسه على النار ضيفي كل المكونات مع بعض.

3- سيبي المكونات كلها تغلي مع بعض على نار منخفضة لمدة 20 دقيقة تقريبا.

4- ارفعي الخليط من على النار وحطيه في الخلاط اضربي كل المكونات مع بعض كويس لحد ما تبقى معجون ناعم.

5- رجعي الخليط مرة تانية في الطاسة, وضيفي له الملح.

6- سيبي الخليط على النار يغلي لمدة ثواني وبعدين ارفعيه من على النار.

7- هاتي اي برطمان نضيف عندك او ازازة وصبي فيه صوص الشطة.

8- اقفلي البرطمان كويس وحطيه في حلة مليانة مية.

9- حطي الحلة وهي جواها البرطمان على النار واغليها لمدة 10 دقايق.

10- ارفعيه من على النار وسيبيه يبرد.

11- وكده يبقى صوص او صلصة الشطة جاهزة للاستخدام.

تقدري تضيفي من الصوص ده زي ما انتي عايزة في اي وصفات اكل بتعمليها, استخدميه بانتظام كل يوم لنتايج فعالة.

استراتيجية نظام غذائي جديد لفقدان الوزن بحساب الوقت مش السعرات الحرارية

تخسيس الوزن بحساب الوقت